Mga tulang pag-ibig ng mga simpleng tao..By mind_FREAK

Untitled Part 3

PANAGINIP

Sa muling paglalapat
Ng mga kamay ng oras,
Sa muling pag-awit
Ng mga kuliglig,
Muli akong ihahatid
Ng hangin ng antok
Sa paiso ng aking haraya. Doon sa hindi abot
Ng gising na isipan,
Sa kabila
Ng mga ulap at himpapawid.

Upang muli
aking masilayan
Ang bathaluman mong mukha. Doo'y muli mong hahawakan
Ang ulila kong palad.
Muli ng pag-aalabin
Ang giniginaw kong pintig.

Kasabay ng malamig
Na himig
Ng awit ng mga pang gabing ibon
Tayo ay magsasayaw.
Muli mong ikukulong
Ang aking katawan
Sa malambot mong bisig
At manunumbalik
Ang init
Ng limot na pag-ibig.

Sa paglalapat
Ng ating katawan
Kakalat ng pananabik
Sa bawat baitang ng ating laman
At mapupuno ng ligaya
Ang ating dibdib.
Ako'y iyong yayakapin
Kita'y hahagkan
Habang muli
Tayo ay magiging isa.
Isang katawang iindayog
Sa musika
Ng sandaling paglimot.

Ngunit tanging doon lamang
At kailanman,
Di kailan man makakarating
Dito sa katotohanan.
Sapagkat
Sa muling pagkatok
Ng marahas na liwanag
Ako'y muling mumulat
Sa pait
Ng madamot na katotohanang
Hatid ng liwanag.

-------------------------------------------------

PATAWAD

Dumadloy muli ang lungkot
sayong mga pisngi.
Wala ang guhit ng ligaya
sayong mga labi
nasaktan kang muli
ng di ko sinasadya sadyang mapagbiro
ang tadhana
patawarin mo
sa aking ngawa
giliw ko
dko sinasadya

ang puso ko'y
sabik sa ligayang
dulot ng iyong mga halik
ang puso ko'y
sbik na maulit
ang bawat sandali

di ko naman ninais
na nakawin ang ngiti
sa'yong mga labi
di ko nman gnusto
ang nagawang pagkakamali
ngayon ang puso ko'y nangungulila sa'yong paglingap
magbalik kang muli
sa aking mga yakap
---------------------------------------------------------

ARS POETICA

Ang likha mong tula
Ay dapat balot ng hiwaga
Hiwagang nagtatakda
Kung pano iindayog
Ang mga kataga.

Mga katanggang
Gumuguhit
Ng malinaw na imahe sa isip
At nagiiwan ng kakaibang
pakiramda sa dibdib.

Ang iyong tula'y dapat Naglalarawan
Ng iyong isipan at pakiramdam
Sa isang majekal na kaparaanan.
Ng gugulat,

Nagpapaisip,

Nag hahayag,

Nag kukubli,

Lumalandi sa imahenasyon
Ng mga matang napapatitig.

Hayaan mong lumikha
Ang persona ng iyong tula
Ng isang daigdig
Ng mga katagang
Magbibigay ng hininga
sa iyong pantasya

Ang bawat mong likha
Ay hindi lamang mga akda
Bagkus ito'y ariing
Nga supling
Ng malikot mong isip
Na nakipagtalik
Sa musa ng hiwaga.
ipinaglihi sa mga

damdamin,

mga agam-agam,

pangamba't takot,

pag-ibig at kasawian.

Patuloy na lalaki
Bilang buhay na salitang magbibigay kulay
Sa haraya ng mapanuring mata.

-----------------------------------------------------------------------

KAPANGYARIHAN NG PANDINIG

Buksan ang 'yong malay
Sa hubad na ritmo
Ng katotohanang nagkukubli
Sa pagitan ng bawat nota
At hayaan ang sariling
Sumayaw sa musika
Ng buhay

Umindayog sa saliw
Ng mga ligaw na pintig
Mga pintig
Na puno ng agam-agam
At takot
Sa malupit na batingaw
Ng katotohanang
Babasag
Sa kasinungalingan
Ng huwad na katahimikan.

At sa huli,
Buksan ang malay
At tanggapin
Ang dalisay na himig
Na humahalik
Sa iyong pandinig...
Himig,
Na magpapalaya
Sa tunay na ritmo
Ng iyong pag ka tao.

----------------------------------------------------------------

HUBAD ANG KATOTOHANAN

Iwaksi mo ang balabal
Ng mapanlinlang
Na karunungan.

Hubarin ang saplot
Ng mga sermong hungkag At tuyot.

Punitin
Ang mga agam-agam
Pangamba't takot
Na pilit ibinabalot
Ng mga matang nakatungtong
Sa itim na tatsulok.

Idinadamit ng lipunan
Ang baro na nais nila
Na magtago
Sa galis
Na unti unting kumakalat
Sa iyong balat.

Hubad ang katotohan
Walang magarang damit
Walang mamahaling
Kasuotan.
Walng saplot
Nitong ihinahaya
Ang mga nanlilimahid
Na libag
Ng paraisong tinatawag
Na syudad.

------------------------------------------------------

KAPANGYARIHAN NG DILA

Sige,
Hayaan mong humabi ang iyong dila
Ng mga katagang
puno ng salamangka
Mga salitang nagpapatunay
Na ikaw ay malaya.

Itigil na ang pagsunod
At paulit ulit na pag bigkas
Sa mga litanyang aral
Na luma't kupas.
Wala itong ibang hangad
Kundi ikuhon
Ang iyong imahinasyon

Tuluyang iwaksi
Ang mga tanikalang nagkukubli
Sa tunay na nilalaman
Ng iyong katauhan.
Hayaan kumumpas ang dila
Ng mga mahika't metepora.

At sa huli
Hayaan ang dila
Na tumalima
Sa kagustuhan
Ng sarili mong isipan.
Ang kapangyarihan
Ng buhay at kamatayan
Sa iyong dila ay iniatang
Kaya't huwag hayaang mapanis
Ang mga laway ng hinagpis
Na kay tagal mong tiniis.
-------------------------------------------------------

GITARA

Ang sonata ng kalungkutan
Isang patay na himig
Musika sa aking pandinig.

Hayaan mong pumatak ang luha
Sa mga kwerdas na ulila
Sa bawat pag pihit
Sa bawat kalabit
Hatid nito'y ligaw na nota

Patay na himig
Ligaw na nota
Tahimik na musika
Kay inam sa tenga.

Damhin ang damdamin
Ng isang malamig na awit
Nanunuot sa laman,
Humahati sa kaluluwa.