ခ်စ္ျခင္းတစ္ခု ဖန္တီးမယ္ (ချစ်ခြင်းတစ်ခု ဖန်တီးမယ်) || Completed ||

Extra - 2

အပြာရောင် ခပ်နွမ်းနွမ်း ဝတ်ဆင်ထားသော ထောင်သားများ ၊ အနည်းဆုံး ၅ ယောက်ခန့်လောက်ရှိနိုင်သော အခန်းငယ်လေးဖြစ်သည် ။ 

လင်းချန်မင် နံရံပါးပါးအား ကျောမှီထားကာ လက်ထဲက ဓာတ်ပုံငယ်လေးအား ခပ်ဖွဖွပွတ်သတ်နေရင်းပင် မျက်ဝန်းတွေကနူးညံ့နေသည် ။ ထိုပုံလေးဟာ လင်းချန်မင်၏ နောက်ဆုံးချမ်းသာမှုလေးဖြစ်သော ယိုဟန်နဲ့ပတ်သတ်သည့် အမှတ်တရပင်ဖြစ်သည် ။

ပုံထဲက ကောင်လေး အပြစ်ကင်းစင်စွာ အဖြူစင်ဆုံးပြနေလေ​၏ ။ သက်မဲ့ဓာတ်ပုံလေး ဖြစ်သော်လည်း လင်းချန်မင်၏ အနာဂတ်မျှော်လင့်ချက်ကလေးဖြစ်သည် ။

နေ့စဥ်ရက်ဆက် ရူးသွားခမန်း ယိုဟန်ကိုလွမ်းတဲ့​အချိန်တွေက လင်းချန်မင်အဖို့ အသုရာငရဲကျရောက်သည်ထက်ပင် ပူလောင်လွန်း၏ ။ ဝေးကွာနေသော နူးနူးညံ့ညံ့ကောင်လေးအား အလွမ်းနာကျသော အခြေအနေ၌ အပြင်လောက က တပည့်ကျော်ဆီ ထိုရှားပါးသော ဓာတ်ပုံလေးအား ခက်ခက်ခဲခဲမှာယူခိုင်းရသည် ။

" နေကောင်ရဲ့လား ယိုဟန် ၊ ငါကိုလာမတွေ့တာတောင် အတော်ကြာပြီပဲ ၊ ဒါလဲကောင်းပါတယ်လေ ငါ့ရဲ့အားနည်းတဲ့ပုံကို မင်းမတွေ့ရတော့ဘူးပေါ့ ၊ ငါကလေ မင်းရဲ့အမြင်မှာ သန်မာတဲ့လူပဲ ဖြစ်ချင်တာ ယိုဟန်ရဲ့ ၊ ဒါပေမယ့်ကွာ ငါမင်းကို ခဏလောက်ဖြစ်ဖြစ်တွေ့ချင်ခဲ့တာ ..''

စိတ်ထဲက စကားတွေ အပြင်ကိုပြောမထွက်ဖြစ်ခဲ့ပါ ။ သန်မာလှပါတယ်လို့ကြွေးကြော်ခဲ့တဲ့ လင်းချန်မင်က ကောင်လေးတစ်ယောက်ကို နင့်နင့်နဲနဲ လွမ်းရလွန်းလို့ ကျတဲ့မျက်ရည်တွေကို တစ်ယောက်ယောက်များသိရင် ​လှောင်ရယ်လောက်ပါရဲ့ ..။

" ငါ့ကိုမမေ့ဖူးမလား ယိုဟန် ၊ ဟား..ဟား မဖြစ်နိုင်ပါဘူး ငါ့ကိုစောင့်နေပါမယ်လို့ မင်းကိုယ်တိုင်ပြောခဲ့တာလေကွာ..၊ ဟုတ်တယ်မဟုတ်လား ''

မသေချာတဲ့ ထိုစကားတွေကိုပြောရင်း ချန်မင်က မိမိကိုယ်ကို အားပေးခဲ့သေးသည် ။ အနည်းဆုံး ရင်အစုံပူလောင်နေခြင်းကို သက်သာရာ ရစေခဲ့ပါ၏ ။

လက်ထဲက ဓာတ်ပုံလေးအား ချန်မင် ခပ်ဖွဖွ အနမ်းပေးကာ အလွမ်းဓာတ်ကိုဖြေဖျောက်ခဲ့ပါသည် ။