#أجنحة_الشيطان
#بقلمي_غفران_الزبيدي#البارت_السادس_عشر
ظليت اصرخ واني ميته خوف و اريد اللي يساعدني و ابجي و اكول تركوني كولشي انطيكم بس تركوني
واحد المنهم ضربني فره لرأسي و خلوا قطعة قماش على حلكي و رحت بيها ما حسيت على شيء من بعدها........هل تعرف شعور المشي في غابة بمفردك وسط الظلام مع شعوراً دائم بأن شخصا ما يراقبك و بعد ان يولد امل داخلك يدعى ضوء القمر تأتي سحابٌ ضائعة لتعيدك للظلام الذي كنت داخله؟!
هكذا انا..... في كل محطة من حياتي
ادفن اشخاص و مشاعر و احلام
لم يعد ذلك صعباََ..... ولا حتى محزناََ
اذ اني تعلمت التكيف مع الأيام القاسيةو انا الان اصارع الحياة.... كما اصارع الموت
اصبح لا فرق بينهما...... وجهان لعملة واحدةوفي هذا الصراع لا احد سينظر الى جروحك و تضحياتك فقط انت من سيكون الشاهد على قصتك و بطولاتك ...... و كأن القدر يقول لي *لا يزال طريقكِ مليء بالصعاب... انتِ لم ترى شيء بعد*
...................
سيف
ما جنت مصدگ انو راح يسووها... ما جنت متخيل انو تصل الاذية لعند ليليان
اني السبب!! اي اني 💔
اني اللي دخلت هيج انسانة رقيقة هشة بحياة قاسية و معركة بدون نهاية مثل حياتياتصلت على استاذي و حجيتله الصار
عبدالرحمن :- والله شلون شياطين ما كدروا عليك راحوا على مرتك
سيف :- و هسه شلون شسوي؟ و ربي اذا صارلها لاحرگ الأول و التالي
عبدالرحمن :- هدي اللعب هسه ما تفيدك العصبية..... لا تنسى انو هي بين ايديهم و ممكن بأي لحظة يگتلوها
سيف :- ماشي اني راح اتصرف
و بهالاثناء وردني اتصال من زعيمهم
سيف : - الو نعم
احمد بضحكة خبيثة :- سيوفي شلونك
سيف :- والله لاسوي دمك بطولك
احمد :- أهدأ واسمعني لان اي غلطة منك مرتك راح تدفع ثمنها
سيف :- شتريد؟
احمد :- اي هسه انت حباب و الواحد يعرف يتفاهم وياك...... اريد جوازات سفر اطلع بيها خارج العراق اني و اخويه حسين
سيف :- و شوكت تريدها
احمد :- باجر و الا مرتك هههههه
سيف :- مرتي اذا صارلها شيء راح اطير رأسك
احمد :- خوش لعد سلام.....
.........................
رويدا :- هلو سيف
سيف :- هلا عمة
رويدا :- ابني وين ليليان عالاساس دتجي عدنا من قبل ساعة و اتصل عليها ما ترد يطلعلي مغلق
أنت تقرأ
أجنحة الشيطان
ChickLitالعادات والتقاليد هي الإعتقاد أن البشر الذين ماتوا قبل ٥٠٠ سنة يعرفون مصلحتك أكثر منك. انسانه قوية و طموحة تحاول انقاذ النساء من ظلم المجتمع لتلتقي صدفة باحدى اكثر المجرمين اجراماََ و بروداََ و عديموا المشاعر لا يفرق عن الشيطان شيئاََ فهل يستمر ذلك...