#أجنحة_الشيطان
#بقلمي_غفران_الزبيدي#البارت_السابع_عشر
ليليان :- ابويه مو مجرم و انت اللي مجرم
و بعد هذا الكلام ضرب سيف ليليان كف قوي وكعها بالگاع و رجعت نظراته المليانه حقد و قرر يكمل انتقامه منها لحد ما يركع ابوها و يتوسل انو يرحمهم .............
بجت ليليان و الألم يعتصر قلبها و الصدمة غوشت عيونها و خلاها تفقد وعيها
لانها ما بعد تتحمل كل هذا العذاب و الخداع اللي بحياتها
اصبحت روحاََ موجوعه وتتعذب و عين بكت قهرا وظلماََ و جسد دوماً مريض يشكي ويتألم و مستقبل ضاع وسنين العمر ستمضي وجعاََ وحزنا و قريب طعن فؤادها غدراََ بل حبيب كسر قلبها وجعله ينزف دهراََ حتى باتت روحاََ تعشق قبرا......................
في منزل سيف الساعة 9 ليلاََ
اندك الباب و طلع سيف فتحه جانوا علي و رويدا
نظر باشمئزاز نحو علي و تمالك نفسه و رجع ابتسم و كال :- يا اهلاََ و سهلاََ شهل زيارة الحلوة
و طبوا للاستقبال و استغربت رويدا لان البيت فارغ
رويدا :- شو ماكو احد؟
سيف :- اي ليليان فوك نايمة هسه اكعدها
رويدا :- و العاملات؟
سيف :- بصراحة اليوم انطيتهم اجازة علمود اني بالبيت حاليا وما داطلع للشغل تدرون بوضعي و حبيت نكون اني و ليليان وحدنا
علي :- هههههه اي عيني عرسان عاد ما صارلكم شهرين متزوجين
سيف :- مو بالله 😅
علي :- هههههه حلال عليك
طلع سيف و شاف حالة ليليان المثيرة للشفقة كعدها ع كيفه بس هي جفلت و كعدت خايفه
سيف :- لا تخافين كومي بدلي واكشخي اهلج عدنا
ليليان :- اي اي
كامت ليليان بتثاقل و لبست كلابيه و رتبت شعرها و مكياجها و نزلت
و هي تمشي و تباوع على ابوها و زوجها و و تفكر بالانتقام و الدم اللي ممكن يصير بإي لحظةسلمت على أهلها و كعدت وياهم و كام سيف و راح للمطبخ
رويدا :- شكو ليليان وجهج حيل تعبان و وضعج مو طبيعي صاير شيء بيناتكمليليان :- لا يا ماما بس تعبانه من الشغل
رويدا :- لج لا تكوني حامل!!!!
ليليان :- لا مو حامل
رويدا :- باجر ناخذلج فحص و نتاكد
ليليان :- استغفرالله يا ماما اني مو حامل ومتاكدة
رويدا :- لعد شبيج ما تفهميني.... كلش متغيره
علي :- يا حرمة كافي عاد عوفي البنت بحالها دتكولج تعبانه و اني ادري ب ليليان شكد ترهق نفسها
أنت تقرأ
أجنحة الشيطان
ChickLitالعادات والتقاليد هي الإعتقاد أن البشر الذين ماتوا قبل ٥٠٠ سنة يعرفون مصلحتك أكثر منك. انسانه قوية و طموحة تحاول انقاذ النساء من ظلم المجتمع لتلتقي صدفة باحدى اكثر المجرمين اجراماََ و بروداََ و عديموا المشاعر لا يفرق عن الشيطان شيئاََ فهل يستمر ذلك...