أحببت خاطفي😘🙈

البارت6

اجت سيارة نزل منها قصي .حسيت انو هما جانو ينتضرونه من نزل كبل اجو ثلاثتهم باتجاه الغرفه
اني كبل تمددت بفراشي
فتحو الباب ودخلو
عدنان:كعدي عدنا موضوع وياج
عدلت نفسي وكعدت بس مرتبكه حييل
عدنان:شوفي هس راح اتصل على ابوج.. شنو اكلج تسوين
سهى:من كالي هيج شعور مايوصف كلبي يدك عالسريع
عدنان: راح اتصل علي اريدج تحجين وياه حجي طبيعي وتكوليله انو الجماعه الي اخذوني يتركوني مقابل انك تلبيلهم طلبهم .واهم شي اريدو منج تكوليله لاتدخل الشرطه بالموضوع لان اذا دخلتهم اني راح انضر هيج كليله واريدج تحجين بشكل طبيعي زين؟!! لان ابوج طلب منا يسمع صوتج
هزيت راسي يعني اي
اتصل على بابا وخله الاتصال ميكرفون
دك الموبايل رد بابا:الو
سهى:الو يابا اني سهى.بصراحه ماتحملت خنكتني العبرة وكبل كمت ابجي وكلت تعالي خصلني منهم
سحب الموبايل مني بعصبيه
عدنان:خرررب يومج ولج اني شنو صار ساعه احجي
صفوان:هاي بنت ابوها ماتفهم بالحجي خليني اعلمها بغير طريقه .
اجه عليه تايضربني. عكست اديه على وجهي حتى مايضربني
قصي:هوووب هووب .ماتكلييي شبيك ااانت
صفوان: خليني اعلمها وابرد كلبي بيها..كلبببه
قصي:اطلعو من هاي الشغله اني اتصررف .
اجه دنك يمي وكام يحجي وياي بهدوء: هس انتي موتريدين ترجعين لأهليج؟؟
سهى:اي
قصي: اي خلاص.. اريد منج تكولين لابوج  يابويه سوي الي رادو منك وتعال اخذني  بس اريد منج تكونين طبيعيه.وكوليله لايدخل الشرطه لان بصراحه اذا دخل الشرطه  الشغله راح تكبر والجماعه ...جان يباوع عليهم بس موعاجبو. راح يتصرفون غير تصرف
سهى:تمام
قصي:يله هس راح نتصل
اجه عدنان واتصل ورد :الو
سهى:الو  ها يابا شونك؟
بابا:هلا بنتي هلا يابعد كلبي طمنيني عليج شلونج. طبعا ابوي جان صوتو كلش مخنوك وتعبان ابد موطبيعي حاولت احبس دموعي بالكوة حتى ماابجي
سهى:اني بخير بابا انتو شلونكم امي اشلونها ؟
عدنان: باوع عليه مخوزر وكالي:اختصري ولاتطولين
بابا:اذا انتي بخير احنه بخير
سهى: ياابا عفيه سوي الي يريدو منك بس تعال واخذني
بابا:لاتخافين بنيتي ابد لاتخافين اجي واخذج بس كوليلي خما أذوج او سوولج شي
سهى:  لا يابا اني بخير. بس بابا عفيه لاتدخل الشرطه بالموضوع. ترى يأذوني اذا دخلتهم
بابا:لاتديرين بال اجي واخذج والله بس اصبري علي...كالي هيج جان يسحب عدنان الموبايل مني وسدو
وكسرالخط.
فرحت كلش من سمعت صوت ابوي وحجيت معاه حسيت شوي بأمان وطمن كلبي نقهرت وفرحت بنفس الوقت
كعدو ثلاثتهم  يم الباب .الباب مفتوح وهم كاعدين على العتبه مالته.بقو يتسولفون ماحيل اسمعهم لان الغرفه جبيرة واني تقريبا بنهايه الغرفه يم الحايط بفراشي @iq_gril
فجاة جاني شعور بأسترخاء وبرودة اعصاب كلشش 
كلتلهم بكل استهزاء وعليت صوتي:حراامات بهذا الزمن العاااار يسرح ويمرح. لعد شبيها الكبور ماتاخذ هيج شكولات.جنت اعرف انو هذا الكلام راح يأذيني اني بس ماهتميت بلحضتها ابد لأي شي
باوعو عليه
عدنان:اي والله حجيج صحيح .  وأولهم ابوج .ليش بعدة عايش ماتاخذه هم
سهى:هههه. وانت هم تقارن نفسك بابوي؟؟ عالاقل مايخطف بنات ويتمرجل عليهن..ان لم تستحي فصنع ماشئت!
اجه عدنان عليه:هاي عليمن؟هااا @iq_gril
باوعت على قصي .يأشرلي بحواجبو بمعنى.لاتردين علي (اسكتي)
سهى:هاي عليك وعلى امثالك
من كلت هيج مسكني من شعري حسيت شعري يتكطع واصيح.وهو ماسك شعري ويغلط
صفوان: ادبها لهاي المومتربيه وطلع عينها
اجه قصي ودفعو عني بالكوة وكام يصيح عليهم: ادررري شنوو انتووو ماتستحوون ايدكم والضرب ولكم عيييب عليكم
صفوان:ماشفتها شون لسانها طوويل وادب سززز
قصي:والله ثم والله الي يمد ايدو عليها اكسر ايدو
صفوان:يعني شنو تدافع عنها؟!
قصي:لااله لا الله. ادري شوكت تكبرون عقولكم.
بقه يحجي عليهم وطلعو وقفلو الباب..ماأنكر اني فرحت بداخلي من دافع عني حسيت بأمان شوي عالاقل اكو احد بيهم زين عليه.
نمت وكعدت الصبح رحت باوعت من الشباك الشمس توها طالعه .شفت بزونه كاعدتولد تعيط ضليت اباوع عليها شون تولد اخذني الواهس واني اباوع عليها  بعدين سمعت صوت بالغرفه ماحيل نتبهت
بعد شوي حسيت الصوت صار اقرب عليه باوعت وجان اشوف حيه تمشي بطارف الحايط مال الغرفه بالكاع .ركضت ورحت عالباب ادك بالباب كامت تتحرك باتجاهي كمت اصيح واعيط وادك بالباب بس اريد احد يجي متت من الخوف ...

يتبع...