أحببت خاطفي😘🙈

البارت7

من شفته متت خوف ورحت ادك الباب واعيط بس ماكو نتيجه
اباووع عليها تتحرك شوي شوي كلت بيني وبين نفسي خلاص اني يمكن هاي نهايتي
بعدين لاحضت من اصيح واعيط تتحرك بأتجاهي من اسكت  تكف بعد ماتمشي
كلت راح اضل ساكته .بقيت ساكته واباوع عليها ماكدر اسوي اي شي لااروح لفراشي ولا اكعد بس واكفه واباوع عليها ..مرر اكثر من ساعتين تقريبا واني على هاي الحاله.فجأة كامت تمشي شوي سريع بأتجاهي
صرخت وغيرت مكاني.بقت تمشي وصلت بنفس المكان الي جنت بي ..يعني يم الباب
جنت بس اريدها تطلع من جوة الباب لان اكو فتحه من الباب تكدر تطلع منها اذا بقت تمشي.بس وكفت بهذا المكان وبقت بي
اوووووف ياربي يعني ناقصني اني تجيني هاي
بعد شوي سمعت صوت سيارة اجت.عرفت انه احد اجه من عدهم
حصسيت واحد كاعد يفتح الباب والحيه يم الباب
اول مافتح الباب باوعت قصي ..اني صرخت وكمت اصيح  :حيييييه حيييييييييه ديرررر باااالك.طبعا هو جفل من شافني هيج اعيط
قصي:خيير خيير شبيج يمعودة
سهى:حييه  ذيج اياه كمت ااشر عليها ..باوع عليها وشافها
قصي: اهدي اهدي..ابقي بمكانج
راح وبعد شوي اجه وشايل معاه مثل العصا طويله
خله العصا على راس الحيه وكطعه.
قصي:من شوكت هاي الحيه هين؟
سهى:من اول ماكعدت من النوم تقريبا 3ساعات
قصي:كل عقلج؟؟ الحمدلله ما لدغتج انتي ونايمه..
سهى:بقيت ساكته
قصي:اي صدك جبتلج ريوك  ..راح عالسيارة واجه شايل وياه ريوك رماه يمي.جان يدك تلفونه. اني كمت اكل .وهو راح طلع برة يحجي بس الباب مفتوح.اسمعه يكول
قصي:كتلج مشغول هس بعدين اخابرج ..وسد الخط
اجه للغرفه تايسد الباب ويطلع
سهى:ممكن طلب؟
قصي:كولي
سهى:عفيه اريد اتصل على امي ..بس شوي والله ماطول بس اطمن عليها
بقه صافن شوي يعني مثل متردد
قصي:تمام بس بشررط ..اقل من دقيقتين
سهى:تمام
قصي: حافضه رقم امج؟
سهى: اي
قصي:رديلي اياه
رديتله الرقم .واتصل خلاه مكرفون ونطاني اياه
ردت امي :الو
سهى:هلا يوم هاي اني سهى والدموع بعيني..من كلت هيج لامي كبل كامت تبجي واني هم كمت ابجي ماتحملت كامت تسالني انتي وين وشونج وشون وضعج
سهى:اني بخير يوم طمنيني عليج انتي شونج والولد ونهى
ماما:والله يابنيتي احنه موزينين كلوبنه نار عليج فهميني وينج انتي..
سهى:يوم ماكدر اطول
ماما:هذا اخوج عبدالله راح يحجي وياج...من كالت هيج كبل اخذ الموبايل وسدة
انهاريت بذيج اللحضه ورجعت ابجي
قصي:كلتي اتصل على امي حتى تطمنين وترتاحين مو حتى تكلبينها معادة..كافي كافي اهدي .انطاني مي
بعد شوي سكتت وهديت ...بس حسيت بشوكي زاد اكثر من سمعت صوت امي حنيت للبيت اكثر
قصي:تحبين  تكعدين برة شوي
سهى:صفنت
قصي:اقصد يعني ...شوي تشمين هوى
سهى:هزيت راسي يعني اي
طلع هو وطلعت وراه .كعدت على حجرة وهو متكي عالسيارة
كمت اباوع عالمكان مثل البريه بيها زروع وشجر  وهوى شوي قوي لان المكان مفتوح ومابي بيوت فالهوى يكون اقوى
قصي:انتي  تدرسين ياقسم؟
سهى:كيميا
قصي:حلوة الكيميا
سهى:اي
دك الموبايل ماله
قصي:هلا عيني......جنت مشغول وماكدرت اجاوبج .........  كتلج والله مشغول شبيج دتلحين زايد..... بكيفج انتي لاتساليني هالاسئله لان ماعرف بيها .............انشالله ديري بالج على نفسج ...باي
خلص اتصال وكال بعصبيه:انعل ابو الي يفكررريخطب ويزوووج
باوع عليه:اعذريني يمعودة شلعت كلبي
سهى:خطيبتك؟؟
قصي:اي....
سهى:ليش شبيها؟
قصي: الله وكيلج ذبحتني بتصالاتها وطلباتها
سهى:طبيعي ...يعني عادي
قصي:اذا هيج طبيعي لعد الموطبيعي شنو؟
سهى:فترة خطوبه وتكثر الطلبات شتسوي غير تتصل عليك؟
قصي:افتهمنا وماكلنه شي..بس مولدرجه تتصل عليه وهي بالصولون وتكلي ...بله شنو رايك اصبغ شعري اشقر فاتح لو غامق بله هذا سؤال؟
ابتسمت من هيج كال..ورديتله :هم طبيعي مابيها شي هيج سؤال
قصي:لابربج..شنو الموطبيعي عدجن اريد اعرف بله بلازحمه؟
سهى: يمكن لان تحبك هواي فتحب تعرف ذوقك وتستشيرك بكل شي
قصي:والله هذا موحب طيحااان حض هذا
ضحكت من هيج كال... صفن عليه وكال: واخيرا ضحكتي
خجلت من كالي هيج ودنكت راسي
سهى:شنو تقربلك؟
قصي:بنت عمي..وتعرفين سالفه بنت عمك ولازم تاخذها ...هي اخت صفوان وعدنان هم ولد عمي
سهى:اهااا.كلت بكلبي يعني من نفس الزباله
فجاة دك موبايله ورد
حسيت تغيرت ملامح وجهو وكال: شكاعد تحجي انت ..كل عقلك بس فهمني شكاعد يصير....اوك اوك
باوع عليه وكال: كومي كومي بسرعه
سهى:شنو وين اكوم
قصي:كومي صعدي بسيارة بسرعه
سهى:ليش.ليش اصعد بسيارة
قصي:ماكو وقت كتلج كومي .سحب ايدي ودخلني بالسيارة وصعد وكام يمشي سريع
رجع خابر صفوان وكاله:اكلك لاتجي لهنا ترى الشرطه جايه بهذا الاتجاه اعتقد ملاحكينه...مادري مادري بالضبط خابر عدنان وتاكد منه المهم لاتجي لهنا
.من كال هيج فرحت وخفت بنفس الوقت .بقه يسوق وقت طويل وهو يسوق والاماكن كلها مثل البراري مابيها ناس او محلات كاعد يسوق وشاف سيطرة كبل غير الاتجاه وراح بغير طريق .فجاة طخت السيارة بشي ومعاد تشتغل....

يتبع....