أحببت خاطفي😘🙈

البارت10

رحت اركض على قصي وقبيت نفسي وراه تاخلص روحي منهم
اجه صفوان .يمشي سريع
صفوان:يعني وين تريدين تضمين نفسج
اندار عليه قصي ويباوع بعيوني
قصي:ليش نهزمتي؟موكتلج راح تتأذين وتندمين.
كمت ابجي.ودنكت راسي.اجه صفوان تايجر ايدي
قصي:عوفها
صفوان:خليني ابرد كلبي بيها ..
قصي:هاي اخر مرة اكلك عوفهااااا
صفوان:اكلك انت شنو سالفتك؟هاااا.شو حيل دتكف بصفها
قصي:اي سالفه ماكو.يعني بنت وخاطفيهااا فوووك ضيمها نرجع نضربهااا.شنو يعني حواوووين احنه
عدنان:هس عوفونه من هاي السوالف.خلي نفوت جوة بسرعه
سحبني من ايدي قصي وفوتوني وفاتو للبيت
كام يباوع على وجهي قصي
قصي:يعني هذا عمل تسوووونو بالبنيه شووون هيج تضربوها .بله شكول هس لعمي ولمرته لو شافوها هيج
عدنان:لعد تنهزم وتريد مانضربها وفوكاها عضتني من ايدي
كاعد يحجون وفاتت الحجيه وشافتني
الحجيه:عززززة هاي شبيها البنيه منو مسوي هيج بيها
قصي:عمه.بعدين افهمج
الحجيه:ولكم شسالفه ...وعدنان وصفوان شجابكم بهالوكت..خير شكو احجو
قصي: كتلج افهمج كلشي بس موهس الله يخليج ضمي السالفه ولاتحجين شي رحمه لربج
الحجيه:تعاي وياي بنتي تعاي غسلي
اخذوني الحجيه وقصي للمغاسل والحجيه تغسل بوجهي اني من التعب مكدر حتى اغسل لنفسي
وقصي كل مايباوع عليه يحجي عليهم: خرب يومهم حواويين مايتعلمون ابد
سهى:اريد اسبح
الحجيه:اي بنتي امشي وياي للحمام.اخذتني الحجيه للحمام
الحجيه:ماعندج هدوم غير هذول
سهى:لا
الحجيه:هس اروح ادور بلكي الكلي الثوب مال نور
سهى:فتت للحمام نزعت ملابسي وفتحت المي
اندك الباب
سهى:منو
الحجيه:هاي اني ... فتحت الباب شوي
الحجيه...اخذي هذا الثوب. هذا لبنتي نور مزوجه.بس بقه هين ماخذته معاه همزين لكيته
اخذت الثوب.وسمعتها تكول لقصي هس اريد تفهمني شسالفه.سديت الباب اني وعلكته بتعلاكه ورحت اسبح طولت كلش بالحمام ماجنت ناويه اصلا اطلع ولااريد اشوف احد منهم كلش نفسيتي تعبت وتدمرت.دموعي تنزل ويه المي مابطلت.خلصت وكمت ابدل اخذت الثوب ولبسته.ثوب ازرق غامق خفيف صيفي نص ردن ومخصر من عند الخصر ويجي لي جوة كلوش كلش مريح باللبس
طلعت من الحمام.باوعت الحجيه مقابيلي
الحجيه:ماشالله يخبل عليج مفصل عليج
ابتسمت من كالت هيج.....امشي خلي اوديج لغرفتج ترتاحين
رحت دامشي وراها صعدت للدرج لان الغرفه بالطابق الثاني
دامشي عالدرج اجه قصي ينزل من الدرج يعني هوينزل واني اصعد اني مدنكه وامشي صار مقابيلي هو يجي يمين اصير اني يمين يجي يسار اروح يسار 3مرات نفس الشي ثنينه خجلنه
الحجيه:عمى اي والله عمى .شبيكم تطعسون معد تشوفون
قصي:وانتي مراقبه كلشي يعني...عساس ماتشوفين زين هاا
الحجيه:قل اعوذ برب الفلق .
قصي:لاتخافين ماصيبج بعين على مود تشوفين زين.اذا اريد اصيبج بعين شرط عالمكبرة كبل تروحين غير واحد من يصيب بعين على شي يسوة
كامو يتشاقون بينهم اني صعدت للغرفه
باوعت مشط عالمكتبه مشطت شعري بالكوة امشطو على كيفي من كد ما كطعو الحقراء
تمددت عالتخت وراها حسيت واحد ديقفل الباب عرفت انو احد منهم قفل الباب تامانهزم
نمت ماكعدت للصبح الساعه8.انتضر احد يجي يفتح الباب محد اجه.ورى شويه انفتح الباب
قصي:انزلي وياي تاتريكين
سهى:ماريد.موجوعانه
قصي:ليش؟
سهى:كلت ماريد شنو ماتفهم انت
قصي:اول شي احجي عدل .ثاني شي تنزلين غصبا عنج
سهى:شنو بكيفك كلت مانزل وماريد
باوع عليه مخوز حيل
قصي:كتلج تنزلين يعني تنزلين
من كالي هيج ومتعصب بصراحه خفت منو ونزلت وياه
فات للغرفه باوعت بيها صفوان وعدنان والحجيه كاعد يتريكون شكد ضجت من شفتهم مدي اموتهم بيدي ومايرتاح كلبي.
كعد هو وكعدت يمه .اباوع على صفوان وعدنان شون ياكلون عبالك وحوش مقرفين .الحجيه دارت صينيه علينه بيها بيض ولبن وجاي
اشتهيت البيض وكمت اكل.
قصي:عساس موجوعانه!!هاااا
سهى:هاا.وانت مراقبني يعني
عدنان:تتمجذب تحسب راح ننقهر عليها.من كالو هيج
 الحجيه باوعت عليهم بأستغراب.قصي كبل كام يأشرلهم بحواجبه بمعنى اسكتو لاتجفصون بالحجي.حسيت اكو شي بالموضوع بس مافهمت الفلم .شالت الحجيه الريوك وراحت
دك موبايل قصي
قصي:الو..هلا عيني...صارت وياي شغله وماكدرت ارجع....هس اجي فد ساعتين ونص هيج اني يمج......باي
اختكم تشلع الكلب
صفوان: الله بلاها اختي انت حتى ماتتصل عليها ولاتعرف شنو تريد وشنو ماتريد
قصي: وانت شمعرفك بله؟اني ممقصر وياها وكل اسبوع دادزلها مصرف بس هي تلح زايد ومتصبر..المهم اني هس رايح لازم انتو تبقون هين
عدنان: شوكت ترجع
قصي:ماعرف يجوز مارجع اليوم
عدنان:خلاص احنه نبقى هين .طلعت اني لغرفتي وطلع قصي وياي كالي: شوفي مالج دخل بصفوان وعدنان حتى اذا غلطو عليج لاتردين عليهم اعرفهم ايدهم طويله وميستحون
سهى:انت راح تروح؟
قصي:اي
قفل الباب وطلع .باوعت من زرف مال الشباك شفت قصي شغل السيارة وطلع شكد ضجت من راح وخلاني ويه هذوله الحقراء تمنيته مايروح ويرجع ..

يتبع....