أحببت خاطفي😘🙈

البارت8

وكفت السيارة معد تشتغل .نزل يحاول يعرف شبيها كام يضرب عالتاير مال السيارة
قصي:خرررب هس وكتج حتى تكفين شنو هاليوم هذا. اتصل على صفوان
قصي:اكلك لك هاي السيارة بنجرت .....اكلك بنجر شنو احاول هاي شبيك انت..
سهى:كام يحجي معاه ونطاه العنوان
قصي:انتضرك تعال
سهى:بقينه واكفين فترة طويله .اني بالسيارة وهو برة يحوس ينتضر صفوان
تاخر حيل والدنيا صارت ضهر وجو كلش حار
بعد شويه اجه بسيارة صفت يمنا
قصي:هاي ليش هيج تأخرت؟
صفوان:يمعود تيهت رحت بغير اتجاه....هس كلي وين نروح بيها وين نخليها؟ قصدو عليه
قصي:دافكر بشغله!!
صفوان:شنوو
قصي: ماكو غير بيت عمو(وادي)
صفوان:كل عقلك تحجي
قصي:اي كل عقلي....عمو وادي رجال جبير وماكو احد بالبيت بس هو ومرته ...ثاني شي اني هس ماكدر اعبر من طريق بي سيطرة راح ننكشف كبل .عالاقل بيت عمو وادي ماكو سيطره من هين للبيت
صفوان:وشنو راح نكلو عالبنت
قصي:سهله نطلعنه اي سالفه نقنعو بيها
صفوان:والله ماعرف ...خلي نشوف عدنان شيكول؟
قصي:هس مومال اشوف فلان وعلان ونضيع وكت..ماكو غير هالحل ....عندك غيرو مثلا
صفوان:لا
قصي:خلاص ... اني هس اخذها للبيت وانت شوفلك صرفه لهاي السيارة خابر على احد شي يجي يشيلها اويصلحله
صفوان: اوك... مومهم السيارة المهم تلكي مكان مناسب ومأمن تاخذها علي
قصي:كومي انزلي واصعدي بهاي السيارة
سهى:وين تريدون تاخذوني
صفوان: بلا اسئله الي نكلج علي سوي
نزلت من السيارة وصعدت بالسيارة الي اجه بيها صفوان
وصعد قصي يسوق ضل فترة طويله يسوق تقريبا الدنيا صارت عصروالطريق مابي احد.وكف يم بيت ونزل وقفل السيارة..دك الباب وفات للبيت واني اباوع.احاولت افتح السيارة حتى انهزم مقفوله ماتفتح
ورى شوي طلع من البيت واجه فتح السيارة والباب   وكالي انزلي.نزلت وهو جرني من ايدي وراح يمشي دخل للبيت
اول مافتت للبيت اباوع .بي حوش كلش جبير وبي شجر وورد  اول مادخلنه للبيت تلكتنه حجيه جبيرة بالعمر
وكالتلي:هلا ببنيتي الحلوة ماشالله ربي يحفضج .اني جنت كلش حاسه بالغربه بذيج اللحضه.فتت وهو بعدو ماسك ايدي ماعافها يمكن خايف لاانهزم.
الحجيه:اروح اجيبلكم مي اكيد عطشانين
قصي:اي والله ياريت .راحت الحجيه وجابت مي.ضليت اشرب طلعت ميته عطش واني مدري.بنفس الوقت احس نفسي كلش محصورة معد اكدر
قصي:عمي ووينه؟
الحجيه:قبل شويه نام.خطيه كلش مريض وتعبان.وانتو ولاواحد بيكم اجه وسأل علي
قصي:تعرفين هو شكد غالي علينه ومعزته جبيرة ...بس الضروف لهتنه والله
الحجيه:حقكم يابا حقكم
قصي:ها ماحضرتي الغرفه
الحجيه:اي حضرته...كومي بنتي اوديج لغرفتج ترتاحين وتنامين
سهى:اريد اروح للتواليت؟
الحجيه:اي بنتي كومي اوصلج
قصي:لا عمه ابقي انتي اني اكوم اوصلها
الحجيه:براحتك وليدي
رحت معاه وصلني للتواليت.دخلت للتواليت وسديت الباب وهو برة ينتضرني
خلصت وطلعت
قصي:شوفي اكلج راح تبقين هنا.وماريد تصرف موحلو يعني تحاولين تنهزمين او مدري شنو . شوفي اذا طلعتي من هالبيت انتي الخسرانه لان ماراح تندلين الطريق والمكان كلش بعيد ومليان حيوانات و ذياب .يعني راح تتمنين لو انج ماطلعتي
سهى:عادي ماكو فرق بين الحيوانات وبين....سكتت
قصي:لا عادي كملي عليش سكتي
اخذ المفتاح مال الغرفه من الحجيه
واخذني للغرفه. صايرة بالطابق الثاني فتت عليها غرفه صغيرة وبسيطه بيها تخت ابو النفر ومرايا ومكتبه مال ملابس بس هذنه موجودات والغرفه بيها سبلت كلش باردة.من دخلتلهاكبل جاني النوم حسيت نفسي محتاجه راحه.هو قفل باب الغرفه وطلع.سمعت الحجيه تكلو:ليش قفلت الباب
ردلها بس ماسمعت شنو كاللها
كمت افكر بيني وبين نفسي معقوله حجيه بهيج عمر تعرف انو اني مخطوفه وراضيه وماتكول شي عجيب!!
تمدتت عالتخت ونمت بقيت فترة نايمه .كعدت اول ماكعدت اجت عيني عالساعه الساعه8ونص باليل
.ضليت احوس واباوع عالغرفه فتحت البردة مال الشباك.الشباك مخلين علي كراتين من ورة مايبين شي يمكن حتى ماتفوش شمس للغرفه
باوعت على نفسي بالمرايا .اوف شنو صاير بحالي ضعفانه وجهي مبين علي التعب
حسيت الباب كاعد ينفتح .انفتح باوعت قصي
قصي:انزلي معاي تاتعشين.
نزلت وياه داامشي عالدرج.شميت ريحت اكل كلش طيبه كبل تذكرت بيتنه من امي واني نسوي العشه حسيت اختنكت خنكه قويه
هو يمشي واني معاه.فات لغرفه باوعت بيها رجال جبير بالعمر متمدد بفراشو ومبين مريض وبس يكح
كعد هو وكعدت يمه  .باوع عليه الحجي:هلا بنيتي حياج الله.
كامو يحجون هو وعمو مع مرور الوقت واني اسمعهم افتهمت انو هذا الحجي هو مربي قصي  من جان صغير يصير عم ابو يعني موعمه اللح
اجت الحجيه وشايله صينيه رمتها يمنه.بيها باميا وتمن ودجاج وطرشي
قصي:مدي ايدج اكلي...بديت اكل بس كلش مخنوكه وحاسه بغربه فضيعه.اذا واحد طخني يمكن امووت من البجي شكد مامخنوكه وضايجه
اكلت شوي وحسيت شبعت رغم الاكل حيل طيب.
قصي بقه ياكل واستمر طير الصحونه تقريبا
الحجي:بنتي ليش ماتاكلين
سهى:شبعت عمو.وكفت على حيلي تااروح اغسل...

يتبع....