حيل خفت من شفت الرساله ومعرف شنو صار وياي ارتبكت حييل وحتاريت شنو اسوي فكرت اكول لأمي بعدين كلت لا مستحيل امي اذا عرفت حيل راح تخاف وراح تكول لابوي وتصير سالفه حاولت افكر بعقل اكثر
اكول لعبدالله او اكول لمحمد اووف ياربي شنو هذا شكاعد يصير
كلت خلاص راح اكول لمحمد يمكن لان اكثر قريب عليه
صارت الساعه12 ونص اذن ضهر ورحت صليت اجو اخوتي
رقيه: سهى صبي الغدة مادام اجو اخوتج
سهى:اي يووم
عبدالله:شنو مسوين غدة؟ سهى: برياني
عبدالله:استعجلي ترى ميت جوع
سهى:والله ياخويه لو مزوج جان هس متغدي من زمان وشربان جاي هم
عبدالله:اكول صبي الغدة وسكتي لااهفج براشدي
سهى:ههههههاي
صبيت الغدة وكعدوة عالغدة اخوتي ونزل ابوي من غرفته طبعا من شفت ابوي كبل تذكرت الرساله وكلبي نغزني كلشش احس رجع الخوف الي جان بيه
كعدنه تغدينه وخلصنه وشلت الغدة وصبيت جاي الهم بعد ماخلصو كلمن راح لغرفته فكرت اروح لمحمد اكلو
دكيت الباب عليه ودخلت للغرفه
سهى:محمد اريد اكلك شي
محمد:خير كولي
سهى:اليوم ابوي نسى موبايله عالطبله واجته رساله فتحتها وقريته مكتوب بيها تهديد
محمد:شنوو!
سهى:اي والله مكتوب بيها اذا ماجبت الفلوس خلال هالاسبوع راح تندم وماتشوف خير ابد
محمد:كل عقلج كاعد تحجين
سهى:اي والله شبيك حتى متت من الخوف من شفته وماعرفت شسوي او اكول المنو
من كلت هيج لمحمد صفن صفنه طويله شوي
محمد زين الرقم كان مجهول لو محفوض باسم
سهى:مجهول رقم غريب مومحفوض بأي اسم
محمد:والله حيرة .الله كريم اختي لاتديرين بال ابوي فاهم وعارف انشالله خير
طلعت من الغرفه بس حسيت محمد مهتم للموضوع ومو مهتم مادري يمكن تامايخوفني
رحت لغرفتي ونمت كعدت العصر
رقية: اليوم جمعه راح تجي اختج هس خابرتني طلعي الدجاجه من المجمدة وخليها بماي حتى تذوب
سهى:اي خوش خلي تجي والله ضوجه بوحدي بالبيت عالاقل التهي ويه بتها سمسومه
رقيه:اليسمعج يكول ماكو احد بالبيت بس انتي
سهى:هو هم هيج تقريبا مكضيه كل اليوم بوحدي
طبعا اخوتي دايما يطلعون ويونس اكثر وقتو بالايباد وامي ماعدها غير سوي غدة وسوي عشه يعني اغلب الوقت وحدي عاد اتونس وكت تجي نهى وبالاخص بعد ماجابت سمسم حيل افرح بجيتهم
كملت تنضيف البيت وخليت الدجاج بالفرن
رقيه:اجت اختج روحي تلكيها
سهى:رحت اركض من كالتلي امي
نهى: مرحبا سهى شونج
سهى:هلا حياتي الحمدلله بخير انتي شونج
نهى:والله اذا انتو بخير اني بخير بشري ماطلعت نتيجتج
سهى:الاحد تطلع بس شي اكيد ناجحه
نهى:انشالله حياتي
رقيه:هلا بنتي شونج
نهى:هلابيج يوم تمام بخير انتي شونج والولد وابوي شونهم
سهى:نطيني سمسم اريد اموتها من البوس اليوم
رقيه:كلهم بخير
بقينه نحجي وندردش ورحنه اني ونهى للمطبخ وكملنه العشه واجو اخوتي وابوي وتعشينه كلنه سوى
حيل تغيرت نفسيتي من اجت نهى لان جان بالي مشغول بالرساله
ردت اكوللها بس كلت ماريد اقلقها واني اعرف نهى حيل تتأثر اذاسمعت هيج شي وتضل شايله هم ماترتاح
المهم بعد ماخصلنه عشه وغسلت المواعين امي كالت خلي نطلع للسوك نشوف شاكو بضاعه نازلة جديدة

طبعا الحلو بأمي انها تحب تطلع للسوك وتشتري شاكو شي يعجبها ويعجبني عاد اني كيفت من هيج كالت
رقيه:يله تحضرن حتى نروح
سهى:بس ابدل
نهى:اني بس البس عبايتي ماعندي شي
بدلت وكملت وطلعنه للسوك فترينه كل السوك وشتريت ملابس ومكياج وعطورات ونهى هم اشترت مكياج وملابس لسمسومه طبعا السوك موحيل بعيد عن البيت فطلعنه مشي مارحنه بسيارة
اثناء رجعتنه للبيت تقريبا قبل ماوصلنه الفرع مال بيتنه انتبهت اكو سيارة بفرعنه بس مو يم بيتنه صاير مكانها بركن بالعادة ماشوف هيج سيارة اني بهذا المكان ابد لان ماكو بيت بركن المكان فارغ
ضلينه نمشي قبل ماوصلناها بشوي اشتغلت سريع وراحت ماحيل اهتميت للموضوع
وصلنه البيت جنه حيل تعبانين من المشي نهى كبل راحت نومت سمسم ونامت بغرفتي وامي ضلت تباوع عالتلفزيون تنتضر ابوي تايجي اما عبدالله فدايما يتأخر بالتعليلات مالته مايجي لل1 او2
ومحمد جان يم جيرانه ديتابعون مباراة
طلعت لغرفتي دخلت ع كيفي لان نايمات نهى وبتها
لبست تراك مال نوم وعدلت البردة حتى اسد الشباك لان اني من اطلع بمكان يعجبني افتح الشباك حتى يتغير هوى الغرفه ومن ارجع اسده وجان انتبه من الشباك السيارة نفسها موجودة بس بغير مكان يعني ورانا صايرة لان اني شباك غرفتي صاير عالخلفيه مال البيت بصراحه من شفتها كلبي لعب مارتاح ابد سديت البردة ورحت لفراشي مسكت موبايلي ودردشت مع صديقاتي شوي طفيت الموبايل جان اذكر السيارة كمت كلت خلي اشوف بعدة موجودة
باوعت مالكيته رايحه رجعت نمت وكعدت الصبح ع صوت سمسم تناغي جانت كاعدة رحت اخذتها وكمت الاعبها والعب معاها اندك الباب وفاتت امي
رقيه:ها بعد اختج ماكعدت
سهى:لايوم بعد ماكعدت خليها خطيه لاتكعديها
رقيه:لا ماكعدها كومي سوي ريوك لان اخوتج عدهم شغل
سهى:اي يوم.اخذت سمسم معاي ورحت خليت القوري عالنار..
يتبع....
أنت تقرأ
أحببت خاطفي😘🙈
قصص عامةيل طولك خطف لوني ❤️ وبرمشك تاهن عيوني❤️ شوصفك وانت ما تنعاب 🙈 ياومضه وكتبهه مضفر النواب😘🙈
