••°°••'
❄ Yuwin 🌃✨
^^*^^
" aww အတွင်းရေးမှုး? Kim Jungwoo hyung?? အိမ်ကို ဘာကိစ္စနဲ့ "
" ဥက္ကဌကြီး လွှတ်လိုက်လို့ပါ သခင်လေး "
" ဒယ်ဒီ မှ မရှိဘဲ လွတ်လွတ်ခေါ်ပါ hyungရဲ့ "
တွေ့ဖို့လူ ရှိတယ်ဆိုလို့ အိမ်တော်ထိန်းနဲ့အတူ ဒုတိယထပ်ကို ဆင်းလာခဲ့တာ။ ဧည့်တွေ့ခန်းမှာ ထိုင်နေတာတော့ အခြားလူမဟုတ်။ နယုတရဲ့ အတွင်းရေးမှုး ဖြစ်သည်။ အိမ်တော်ထိန်း ပြီးရင် သူတို့နှစ်ဦး အတွက် အယုံကြည်ရဆုံး လူပေါ့။ ဝင်းဝင်းလေးထက် ၃နှစ်လောက် ကြီးတဲ့ ဂျောင်ဝူးက မိဘမဲ့ ဂေဟာက အသိ မဟုတ်ပေမယ့် သူ့မိဘတွေက ဂေဟာကို ငယ်စဥ်တည်းက ထောက်ပံ့ပေးကြတဲ့ လူတွေဖြစ်ပြီး နယုတ ကျောင်းတဖက်နဲ့ အလုပ်နေရာတွေ ရရန် ကြိုးပမ်းခဲ့တဲ့ တစ်လျှောက် ယုတရဲ့ အရည်အချင်းကို ယုံကြည်ပြီး ရင်းနှီးမြုပ်နှံခဲ့သူ ဖြစ်သည်။ အောင်မြင်ခဲ့လျှင် ယုတ ဥက္ကဌ ဖြစ်တဲ့အခါ သူ့ကို အတွင်းရေးမှုး ရာထူးပေးပါ ဆိုပြီး အစစအရာရာ ကူညီပေးခဲ့သူ။ ဝင်းဝင်းနဲ့လည်း ဂေဟာမှာ အားလပ်ရက်တွေ လာဆော့လေ့ရှိတဲ့ အကိုဖြစ်ခဲ့သည်။ အပြုံးချိုချိုနဲ့ အရပ်ရှည်ရှည်လူက မျက်နှာလေးက မိန်းကလေးရှုံးအောင် လှ၍ ဆံပင်ကို နှဖူးအပြည့် အမြဲ လှန်တင်ပြီး gentleman type အပြည့်ဖမ်းထားသော်လည်း ဂျောင်ဝူးက ခန့်ညားမှုနဲ့အတူ လှပနေဆဲပင်။
" ဒီလို Winwin ရေ.. ကိစ္စက မပေါ်စေချင်တဲ့ ကိစ္စကျပေါ်လာတယ်.. ဟိုတလောက Winwin signအထိ သိနေတဲ့ ဘဏ်စာအုပ် ကိစ္စကလေ.. "
" ပါပါး? "
" ဟုတ်တယ် Win.. Winwin ရဲ့ အဖေက ပြန်ဆက်သွယ်ချင်ပုံရတယ်.. ဧည့်သည် တစ်ယောက်လည်း companyမှာ ရောက်နေတယ်.. အကို လို့ ပြောပုံအရ နောက်အိမ်ထောင်ရဲ့ ပါလာတဲ့ သားထင်တယ် "
" Daddy နဲ့ တွေ့နေလား အခုက.."
ဝင်းဝင်း အနည်းငယ် မဆိုသလောက် ပုံမပျက်အောင် ထိန်းသော်ငြား တွန့်ကွေးသွားသော နားထင်ကြောတို့ကြောင့် ရင်ပူသွားမှန်း သိသာသည်။ ဆိုဖာပေါ် သက်တောင့်သက်သာ ထိုင်နေရင်းမှ နှုတ်ခမ်းပေါ် လက်ဖျားလေးတွေ ရောက်သွားပြီး လက်သည်းရှည်မနေတဲ့ လက်သည်းဖျားတွေကို တတိတိကိုက်နေ၏။ ဒီပြသနာကြောင့် ဝင်းဝင်းနဲ့ နယုတ ဘယ်လောက် ငိုယိုခဲ့ရလည်း သိနေသူတွေ ဖြစ်သောကြောင့် ဂျောင်ဝူးနဲ့ ဂျော်နီလည်း မျက်နှာမကောင်းကြပါ။ ဘေးမှာ ရပ်နေသော ဂျော်နီက ဖန်စားပွဲပေါ်က ကော်ဖီခွက်ကို ရှေ့သို့ တိုးပေးသောအခါ ဝင်းဝင်း တစ်ခြိုက်သောက်လိုက်သည်။
