ركض الحراس بسرعه اليها وحملوها ودخلوا الي البيت فانفزعت فاطمه وحفصه ونزلت قسمه ايضا بسرعه ووضعوا جنه علي الكنبه ثم اتصلوا بسراج والطبيب وبعد مرور نصف ساعه انتهي الطبيب من معالجه جروحها وتحدث مردفا: الاصابه بسيطه مفيش حاجه متقلقوش هي بس محتاجه راحه
سراج بضيق: شكرا يا حكيم
القي الطبيب كلماته ثم ذهب فجلس سراج بجانب جنه التي كانت غارقه في نومها بسبب الحادثه وتحدث مردفا: ماما اي ال خرجها من البيت
قسمه بضيق: هي شكلها اضايجت من ال انا جولته بس انا كنت بنصحها
نهض سراج من مكانه ثم خرج من الغرفه وخلفه الجميع وتحدث مردفا: اي النصيحه بجا جوليلي عليها
قسمه بضيق: جولت ان لبسها اكده حرام وانها متبرجه ومش بتصلي واهي بسبب عدم تجبل النصيحه عملت حادثه وخلت الرجاله يلمسوها ويشيلوها و
وفجأه قاطعها صرخه سراج وهو يتحدث مردفا: قسممممممه اخررسي خالص
فاطمه بقلق: اهدي يا ابني ... اهدي بالله عليك
سراج بغضب: لازم تعرف ان ال بتعمله دا مش الدين انا سكتلك كتير جووي لكن لحد اكده ولع الزمي حدودك يا قسمه احسن وبلاش تطلعي غضبي عليكي انا زهجت نصحتك مليون مره جولتلك جبل اكده مينفعش ال بتعمليه دا ...الدين مش اكده حرام عليكي البنت انهارده كانت هتموت بسببك وانتي جايه تجولي انها متبرجه فين التبرج يا قسمه
قسمه بضيق: مينفعش اسكت عن الصوح من سكت عن الحق شيطان اخرس ... وانت اكده بتوجف في صفها يا سراج متنساش ان لازم تعدل علشان ربنا يرضي عنك
سراج بصراخ: انا لو سكت عن ال بتعمليه اكده ربنا هيحاسبني ملكيش دعوه بيها انا ال بجولك اهه ملكيش علاقه بيها بلاش تخليني افرق بينكم غصب عني ... وبلاش تخليني اعمل تصرف ميعجبش حد وادرسي دينك كويس علشان اكده انتي ال بتغلطي
القي سراج كلماته وصعد فنظرت قسمه بحزن الي الفراغ وتحدثت بدموع مردفه: شوفتي يا حجه بيعمل معايا اي بجا هو دا العدل ال كان بيتكلم عليه
فاطمه بيأس: يا قسمه يا بنتي كلنا جولنا انك غلط ما تفكري في كلامنا شويه مش يمكن نطلع احنا ال صوح
قسمه بدموع: يا حجه انتوا متعرفوش دينكم زيي انا بعمل كل ال ربنا امرني بيه يعني ينفع رجاله غريبه يلمسوها
حفصه بحده: عيب اكده يا قسمه دا مش كلام يتجال هي كان مغمي عليها يعني يسيبوها في الشارع الكلام ال انتي بتجوليه دا حرام علي فكره
اما في الاعلي كان سراج جالس بجانب جنه ينظر اليها وهي نائمه ويلامس شعرها حتي تذكر
فلااش بااك
سراج بضيق: والله العظيم بحبك بس اهتمي بيا شويه انا مجولتلكيش متصليش صلي دا انا اكون فرحان وانا شايفك بتعبدي ربنا
