في المساء جاء سراج وهو يشعر بالغضب الشديد فأقتربت والدته وتحدثت بقلق مردفه: اهدي يا سراج بالله عليك
سراج بحده: قسمممه اطلعي البسي هدومك
قسمه بخوف: ليه يا سراج
سراج بغضب شديد: جووولتلك اطلعي غيري هدومك يلا علشان هوصلك لبيت اهلك لحد ما احضر ورج طلاجك
انصدم الجميع من كلمات سراج وجاءت لتتحدث فاطمه ولكن قاطعها سراج بحده مردفا: ماما بعد اذنك متتكلميش انا ال غلطت من الاول اني سكتلها لو كنت عاقبتها من الاول مكنتش عملت اكده
قسمه بحزن: انا مكنش جصدي يا سراج هي ال اتعدت حدودها معايا
سراج بغضب شديد: انتي جليله الادب انتي ال اتعديتي حدودك انتي كل يوم بتتعدي حدودك معانا كلنا انتي زوجه فاشله وابنه فاشله الغلط عليا انا مش عليكي اطلعي غيري هدومك علشان مش هتجعدي فيها
صعدت قسمه بدموع ثم ابدلت ملابسها ونزلت فأخذ سراج مفاتيح سيارته وذهب وخلفه قسمه حتي وصلوا الي بيت والدتها وعندما وصلوا علمت ابرار سبب مجيئهم واقترب سراج من حنان وقبل يديها ثم تحدث مردفا: ماما قسمه عندك اهي احنا اتفجنا علي الطلاج انا مش هعرف اعيش معاها اكتر من اكده
نظرت حنان الي قسمه بغضب شديد ثم تحدثت بهدوء مردفه: اي ال حوصل يا ابني
محمد : اهدي يا سراج اكيد فيه حل
سراج بضيق: مفيش حل قسمه محسسه الكل ان هما ميعرفوش دينهم وبتتهمهم بحاجات اكبر منها بكتير فاكره ان هي لوحدها ال عارفه كل حاجه والباجي ميعرفوش اي حاجه في الدنيا دا غير انها ضربت جنه مرتين اسأليها اكده انا عمري مديت ايدي عليها
حنان بحده: ما تتكلمي يا ست هانم
قسمه بدموع: لع عمره ما مد ايده عليا بس انا كمان معملتش حاجه انا مكنش جصدي والله هي ال جعدت تجولي كلام ملوش لازمه
سراج بحده: وانتي ال كلامك ليه لازمه جووي انتي ال شااطره جوي صوح وبتعرفي تتكلمي
حنان بضيق: ملهاش مكان اهنيه يا سراج يا تاخدها معاك يا تروح تشوفلها مكان تاني
نظر الجميع اليها بصدمه ثم تحدثت قسمه ببكاء مردفه: ماما انتي بتجولي اي
حنان بعصبيه: ولا حتي تنطجي الكلمه دي علي لسانك ملكيش ام طول ما جوزك زعلان منك ملكيش ام سراج علشان خاطري المرادي خدها معاك اعتبرها فتره صغيره وبعدها لو عايز تطلجها هاتها يا ابني بس مينفعش دلوجتي تطلج
سراج بضيق: مش هجدر اعيش معاها يا ماما خلاص انا استحملتها كتير ونصحتها كتير وعاملتها بما يرضي ربنا اكده انا بظلم جنه
حنان: انا هروح لجنه واعتذرلها وارجعها البيت يا حبيبي وخلي دي اخر فرصه هو شهر واحد ولو لسه عايز تطلجها هاتها وانا والله ما هجول حاجه انا عارفه انك محترم وهتعمل علشان خاطري
