رجعت ببارت جديد بعد غياب....
كل سنة وانتم سالمين اصدقائي ومتابعيني وولاد بلدي..
ينعاد عليكم بالصحة والعافية والآمن والسلام..إن شاء الله عيد الجاي بكون الله فارجها على سورية ويعود الآمن والاستقرار لبلادنا وترجعوا على بيوتكم ووطنكم سالمين معززين...
بيوم جديد....
بالشغل عند جواد....
برن جوالو وبرن وماكان يرد لانو كان مشغول ومارح يقدر يرد...حتى اجا وقت الإستراحة
قعد ومسك جوالو وبشوف فوق ال20 مكالمة من علي..
جواد:خير شوفي!!...وبيرجع بدقلو لعلي مكالمة
وبرد علي..
جواد:اي علي شو بدك
علي:جواد تعال بسرعا عالبيت..كنت بالشغل انا وادم واتصل عليه اخوه وقلو انو امك توفت ومن وقتا لهلق انا مو قدران سيطر عليه...ضب غراضو وبدو ينزل على سوريا...وبالمنطقة يلي اهلو فيها قايمة لقيامة.. ومتل مابتعرف انو آدم طلع لهون تهريب وحتى هوية مامعو ولا مصاري حتى ..تعال عالبيت بلكي بتقدر تهديه.
جواد:😳لك شو عم تحكي....حسبنا الله ونعم الوكيل..أنَّ لله وانَّ اليه راجعون...يلا جايك..
وبسكر الخط.
بحط جواد جوالو بجيبتو وبيطلع ركض من المعمل..
المعلم:هي ياشب وين طالع هيك...حسابك لترجع..ماضللك شغل هون.
جواد بكفي طريقو ومابيعطي لمعلمو اي انتباه..
كان عم يمشي ويمشي ويحس بأنو عم يمشي بمكانو..طالع جوالو واتصل على تيم وحكالو انو يجي عالبيت وانو ام آدم توفت وادم مو منيح ولازم يوقفوا جنبوا..
وصل جواد عالبيت وشاف آدم بحالة هستيرية وعلي عم يحاول يهديه.
بيركض جواد لعند آدم وبياخدو لصدرو وبصير يمسح على شعرو وبقلو:روق آدم..اهدى مشان الله مابصير تعمل هيك رح تعزبها بدموعك ونوحك هاد..كون قوي انت رجال مابصير تبكي...نحن كلياتنا معك.
آدم بيضحك بوجع ودموعو عم ينزلو وبقول:هه..قلتلي كون قوي...كيف فيني كون قوي وانا فقدت امي..لك هي امي يا جواد امي..صرلي اربع سنين وانا مو شايفها وبعيد عنها..تجي اخر شي تموت وتتركني..ليش؟
مشان الله ياجواد خدني لعندها..رح جن عقلي وقلبي مو متقبلين فكرة انها راحت وتركتني.
*علي بكون صرلو فترة كبيرة مو حاكي مع امو وحاظر كل اهلو حتى مايدقولوا ويطلبوا منو مصاري....وكان دائماً يقلهن مامعي وماعم اشتغل ومابدي ابعت...وبسبب هالقصة يلي صارت مع آدم..فكر بينو وبين نفسو انو شو لو صار فيه متل ادم وفقد حدا من عيلتو بعد هجرو الهن..شو رح يصير فيه ..ضميرو عزبوا كتيير..وهيك فك الحظر عن عيلتو وحكا مع امو وطلب منها السماح..وبعتلا مصروف..وحط وعد على نفسو انو مايقطع امو من وصالو ودائماً يساعد عيلتو بالمصروف.
قدروا الشباب يهدو آدم ويسواسوه.. وقفوا معو طول الوقت وماتركوه ولالحظة لحالو..
جواد خسر شغلو بعد خنافة طويلة مع المعلم..وبسبب انو طلع من المعمل بدون اذن...وماقبل انو لمعلم يتطاول عليه بالحكي ويذلوا فلهيك تخانق مع معلمو وترك الشغل بكرامتو...
تيم..سمع حكي من معلمو بس طنش وكفى شغل
ومحمد كذلك الامر..
آدم وعلي رجعوا لشغلهن عادي لان اخدو اذن وخبروا لمعلم انو ام آدم توفت.
وهيك بكون البارت خلص...بالبارت القادم رح تكون ضيفة الحلقة صديقتنا من الاردنuser94221794 شيماء يوسف
رح تدخل عالحلقة كوجه تمثيلي وتمثل مشهد مع واحد من الشباب من مشاهد رواياتي"زوجة البستاني"..رح تاخد دور البطلة كاترين..وواحد من الشباب رح ياخد دور آرواد..ورح يصير بالحلقة الجاي احداث وكوميدية غير حلقة اليوم الحزينة
رأيكم بالفكرة وتعليقاتكم وتشجيعكم ..وشكراً❤️
أنت تقرأ
"يومـيات مغـترب سـوري"
General Fictionيوميات مغترب سوري،قصة شبابية لانهاية لها،تتحدث عن معاناة مجموعة شبان سوريين هاجروا الى تركيا،اروي هذه القصة بالعامية،وكل يوم تختلف الاحداث والمعاناة متواصلة،ولاتخلو القصة من اللحظات السعيدة ايضاً،اتمنى دعمكم وشكراً ❤️
