"يومـيات مغـترب سـوري"

❤️يوميات مغترب سوري ❤️

عبدالله...ساندي...جلنار jomaa-99 Joulanar_Raya
ابطال الحلقة السابقة...بعد تفكير شفت انو لازم يكون في نهاية للقصة حتى بلش ببارت جديد لأبطالنا الأساسيين
عبدالله..جلنار..ساندي حبيت اهديكم هالبارت،بتمنى ينال اعجابكن وتتفاعلوا بكتابي..

اضافة لضيف جديد _krrar_

كرار اهلا وسهلا فيك بكتابي كضيف للحلقة وويلا نبلش...

-بتدخل ليال غرفتها...بتسكر الباب بكل قوتها ...بتركض لتوصل عند تختها ...بترتمي عليه وبتصير تبكي بحرقة وندم..بتبكي لتفرغ كل لوجع يلي بقلبا وكل طاقتها السلبية وأنفعالها...كانت صوت شهقاتها عم تعلى وتعلى اكتر..

بتاخد نفس....وبتحكي:انا قسيت عليهن..ماكان لازم هيك احكيلهن...بس هني غلطوا ومو اول مرة..دائماً هيك بيتخانقوا
ولازم يتعلموا..بعدين مشان شباب السكن انا بشو أذيتهن حتى يرفضوا مساعدتي..يسطفلوا يمكن عندهن عذرهن ...بس انا مابدي اخسر حدا ولابدي حدا يزعل مني...

ياربي شو اعمل هلق..لازم روح اعتذر منهن ..بس لا لا هيك رح يضلوا يغلطوا رح استنا كمان.

بتقعد وبتصير تمسح دموعا...-انا مالازم ابكي وليش عم ابكي ومشان مين.
بدق جوالها..بتطلع عالشاشة وبكون المتصل عبدالله..
بترفض مكالمتو..بدقلا مرة تانية كمان مابترد..(له ياليال روقي وردي بلا ماتندمي بعدين حاج دلال)
المهم...
بتبعد الجوال عنها وهي عم تقول:مارح رد على حدا منكن..ضل دق من هون لبكرى مارح رد...وبتدير وجها على الطرف التاني.

برن جوالها معلن وصول رسالة عبر الواتساب.
بتحمل الجوال وبتكون الرسالة من عبدالله..بتدخل عليها وبكون مضمون الرسالة(ردي ليال انا عم حذرك)

هون ليال بترد عليه ب(غلطان وعم تهددني عبدالله!!)
عبدالله(لك فهميني بشو غلطت حاج تخبصي..بتريدي يتهجموا عالبنات وانا ضل ساكت؟
جاوبيني..)
ليال مابترد..
عبدالله(اي تمام لاتردي انا بعرف شو بدي ساوي..بصير خير ياليال).

ليال بتشوف الرسالة وبتبعد الجوال عنها ولأنها مو قدرانة تفكر...بتنام.

داخل بيت عبدالله....
عم يمشي بغرفتو ذهاباً واياباً..روحة ورجعة...عم يحاول يهدي شوي من انفعالو وغضبو ويروق...بيمسك جوالو وبدق على ساندي...برن برن ومابترد..ونفس الشي مع جلنار.

عبدالله:اي طبعاً عملوا عملتهن ومعد يردوا..انا بفرجيهن..لك هي السيارة اغلى من روحي ورح دفعهن الثمن غالي...بيمسك مزهرية كانت قريبة منو على وحدة من الطاولات الخشبية يلي بغرفتو وبرميها عالأرض بقوة..بتتكسر وبتصير رماد...بيمشي فوق القزاز وبيفتح باب غرفتو وبيطلع من البيت...بيمشي لعند سيارتو ولما يوصل لعندا بيضرب على راسو وبقول:نسيت انها تحطمت..كيف هلق بدي اطلع فيا.