حياتي وهم 💔

الحلقه 🍓18 ماقبل الاخيره

حياتي_وهم💔18 ماقبل الاخيره
كاتبه
《👑اليتا Aletta 👑》
_______________________☆
ميسون:خشت على وسن و مسكت يدها و قعدت تبكي
وسن: يا ماما عليش تبكي
ميسون:تمشي في يدها على شعر وسن وتبكي
وسن:شنو يا ماما كنك حسستيني نبي انموت
هيثم:فنص فيها😠
ميسون :معش تقولي الكلام هضا
وسن:تي فهموني شن فيه
ميسون:عندك ورم يا بنتي
وسن:ضحكت قصدكم الدراما هذي كلها عشان ورم
ميسون:بحتت فيها ومصدومه من ردت فعلها
هيثم:وسن نحنا ما نبصروش نحكو جد
وسن:باهي و يعني وكان جديات شن يعني مش اول حد يجيه وكل حاجه في يد الله
ميسون:تمسح على شعرها ربي يكملك بعقلك و يطول في عمرك
هيثم:بحت فيها و ابتسم ماكانش متوقع حتكون ردت فعلها هكي و زادت كبرت في قلبه❤
وسن:وانا نقول ليش ليا فتره اندير في تصرفات مغوليه و الكل كان يقول عليا ندير في حاجات غريبه طلعت مظلومه طلع فيا ورم مش مني
هيثم:ضحك بكل مظلومه😂
ميسون:طلعت اقوى وحده فينا
وسن:صقع عليكم
هيثم:صبا ويبي يطلع بحت فيها و ابتسم وطلع لقا جواد برا
جواد:حجزتلكم في تونس غادي احسن
هيثم:كان ماكنتش قاعد ماكنتش حنعرف شن ندير
جواد:حط يده على كتفه هيثم انا خوك الكبير وسندك متقولش هكي
هيثم:كيف حال ميس حالتها كانت مش مطمئنه
جواد:ضغطها نزل  و خدنها الممرضات
هيثم:تبي حاجه نبي انخش انقوللهم
جواد:لالا غير انت بس سلم امرك الله
هيثم: تنهد و خش عليهم... عمتي
ميسون:نعم
هيثم:جواد حجز لوسن لتوتس و الطياره بعد بكره
ميسون:مسرع هكي
هيثم:جواد عنده اصحابه غادي
وسن:شكرا أيها الورم نبي انسافر و لتونس اخره
ميسون:ضربتها على يدها بالشويه خلاص بطلي .. تعاملي مع الموضوع بجديه حتى لو شويه
وسن:شن قلت انا بعدين حتى وانا مريضه تضربو فيا🙄
هيثم:ضحك انا طالع انجيبلك في حاجات من الحوش ونروح بي امي ومي
هيثم طلع وقعدت ميسون مع وسن ياللي مش معدله بكل وكملتها كلها ضحك ونت
_______________
جواد:خش على ميس لقاها مركبيلها تغديه
ميس:جواد
جواد:عيونه .. وقمعز جنبها معقوله تديري في روحك هكي كان تشوفي وسن ولا كأنه فيها حاجه حتى لما عرفت واجهت الموضوع وكان حاجه عاديه
ميس:دمعتها نزلت بس انا خايفه نخسرها
جواد:مسح دمعتها مش حتصيرلها حاجه انا حجزتلها في طياره على تونس توا تقعد احسن وتتعالج وباس يدها اهم حاجه توا ردي بالك على روحك وعلى ولدنا❤
ميس:جواد انحبك ❤
جواد:وانا انموت فيكي وحط يده على بطنها❤
ميس:جواد نبي انشوفها
جواد:باهي شويه خلي سيرون يكمل بعدها تمشيلها
___________
هدى:وصلت للمستشفى يلي دارت فيها تحاليل  DNA لميس و وسن عشان تستلم النتيجه....نادت عليها الممرضه وهيا استلمت ظرف وفتحت الظرف ونصدمت ان ميس بنت اختها وعينها و روحت وهيا مش عارفة كيف تتصرف او كيف تحكيلهم خشت للحوش لقت فرج قدامها ويبحت في صورة اختها 💔
فرج:ربي خدا مني بنتي وعوضني بثلاث تعرفي ميس و وسن انحبهم واجد عشان تولدن في نفس اليوم مع بنتنا
هدى:قربت من فرج.....شن في
فرج:وسن طلع عندها ورم في راسها
هدى:وينها هيا توا
فرج:في المستشفى وبعد بكره تبي تسافر عشان العلاج وصبا يبي يركب
هدى:فرج
فرج:نعم
هدى:بتوتر وخوف في موضوع لازم تعرفه بس قبل نبيك اتسامحني💔
فرج:على شنو تحكي انتي
______________
شادي:وينك انت توا
مهاب:كنك يا همي قاعد في الحوش
شادي:تعال انا في الكافي راه انا مش متحمل روحي
مهاب:باهي هيا غير راك تقتلني بس....خدا مفاتيحه وتلفونه وطلع من داره
__________
هدى:انا درت غلطه كبيره وعارفه مستحيل تسامحني عليها بس انا وقتها كنت صغيره والغيره و الحقد عمن عليا💔
فرج:احكي شن دايره
هدى:فرج وسكتت...بنتك مازالت عايشه
فرج:فيش تخرطي انتي انا دفنتها بيديه الاثنين
هدى:ا ن ان انا...خطفتها وحطيت مكانها بنت ثانيه ونادمه والله نادمه
فرج:انصدم
هدى:تبكي
فرج:قرب منها عليش درتي هكي وعلا صوته
هدى:تبكي عشان كنت انحبك واختي خداتك مني
مهاب:شن يلي سمعته
فرج:كيف درتي هكي شن ذنبها بنتي و هيا وينها توااا
هدى: وهيا تبكي وخايفه انا عطيتها لواحد و هوا عطاها لعيله اتربيها و ماكتنش نعرف من هيا العيله هذي بس توا عرفت من
فرج:وينهاااا وينها
هدى:بنتك مافيش داعي تدور عليها قاعدة جنبك وقدامك
فرج:بصوت عالي احكي احكي من
هدى:ميس
فرج:مصدوم ميس😳
مهاب:شنو اللعب هضا😳
.
.
.
          روآيَـــــآتٌ👑آلَــــيَتٌــآ Aleta👑
               👑آلَــــيَتٌــآ Aleta👑
.
.
.
شادي:الو حسام
حسام:وينك يا راجل
شادي:شنو فيه
حسام:اختك في المستشفى
شادي:شنو ؟؟ انا جاي😳 وركب السياره بسرعه
مهاب:ركب للدار من الصدمه ولقا رسالة من شادي...(انا ماشي وسن في المستشفى طلعت ليش ماقلتلي)....صكر تيليفونه و قمعز على السرير نقوله ولا لا من وين طلعت القصه هذي يعني ميس بنت عمنا ومسح وجه كيف نتصرف توا
____________
هيثم:خش على وسن لقاها راقده بحت فيها وطلع روحو انتو انا قاعد معاها
ميسون:انا نبي نقعد معاها
هيثم:انا قاعد انتي من الصبح قاعده روحي تريحي وبكره تعالي عشان صحتك
جواد:عمتى صح اليوم كله وانتي مصبيه على كرعيك
ميس:ماما هيا خلينا نمشو نحنا و توا نوصلوك
ميسون:به بحتت في هيثم اي حاجه تصير معاكم قولي سلم وليدي
هيثم:حاضر
ميس:قربت من وسن وباستها على راسها❤ هي خلونه انعدو وطلعو.....وصلو ميسون للحوش
ميسون:انزلو
جواد:يوم اخرا توا الوقت تأخر
ميسون:بحتت في ميس رد بالك عليها مانبيش عقلي يكون عندها حتى هيا
جواد:بحت في ميس هيا جوا عيوني ومصكر عليها❤
ميس:تحشمت
ونزلت ميسون وخشت للحوش
ميس:هيا خلينا انعدو نبي نرقد
جواد:باس يدها نحنا نبو نعدو لحوش هلي
ميس:عليش؟
جواد:عشان صحتك و مي تساعدك كان تبي حاجه انا مش متريح في الحوش بروحك
ميس:دير يالي يريحك عندي عادي
جواد:باس كفها و ولع السياره وعدا
__________
ميسون:خشت لقت محمود مقمعز في دار ميس و وسن ....محمود فيش تدير
محمود:ميسون خايف نخسر وحده من بناتي
ميسون:عليش الخوف وسن تبي تتعالج وميس جواد حاطها في عيونه وسلوى نفس الشي
محمود: احساسي يقول توا نخسر وحده من بناتي وانا خايف تطلع ميس
ميسون:لا لا ما تدويش هكي هذي بنتنا و محد حياخدها منا معش تقول هكي
محمود:بس هضا الواقع ميس لو عرفت ان نحنا مش عيلتها ممكن نخسروها......بحت في يديه لما جابها جبريل وهيا كاين عمرها دقائق وحطها بين يديا انا تعلقت فيها
ميسون:تبكي عليش تزيد فيا وجع يا محمود💔صبي وأنسى مافيش حد يعرف بالقصه هذي غير انا و انت و خوك جبريل ومحد اخرى يعرف صبي انحطلك حاجه تاكلها مش ناقصني هموم
محمود:ماعندش نيه وخش للداره ورقد💔
ميسون:مشت تصلي وتدعي....يارب لعند امتى نبو نقعدو في خوف خسارة بنتنا انت العالم الوحيد كيف ربيناها ومافرقنهش عن الباقي بالعس اكثر وحده غاليه علينا هذي بنتي يلي مش من دمي بس من روحي
ماتعيشني خسارة حد من عيالي يارب💔🔥وصبت
.
لقت شادي خاش وفمه دم....قربت منه شنو هضا وتلمسله فيه
شادي:درت عركه جرح بسيط
ميسون:تبكي ليش تديرو فيا هكي
شادي:يا أمي عليش تبكي جرح بسيط ويمسح في دموعها ...الله غالب انا نمسحلك دموعك عارفها مش كيف مسحت الحاج🙂
ميسون:ضرباته على كتفه بطل وقعدت تضحك و انت مافيش منك فايده بكل
شادي:اووو يا ميسوو ورينا الضحكه يلي ما تخلي حد الا ما يعاكسك😉
ميسون:زودتها راه
شادي:باس راسها اسف كنت نبيكي تضحكي شويه تبي حاجه قبل ما نركب❤
___________
فرج:حاط يده على رأسه بنتي جنبي طلعت وانا مش حاسس...بنتي اتقول بابا لشخص اخر 💔...بنتي اول مره تمشي فيها تمشي قدام شخص اخر....بنتي انا تعتبر في عيله ثانيه عليتها 💔🔥
جمال و امال وصلو للحوش لقو فرج
جمال:فرج شن في عليش حالتك هكي
فرج:بحت فيه بنتي طلعت عايشه مش ميته .. كانت مخطوفه
جمال:انت فيش تحكي البنت ماتت ودفنها
فرج:اسألو هدى توا تحكليكم
امال:شن دخل هدى
فرج:عشان هيا اللي خطفتها
امال&جمال:😳😳
جمال:انت متأكد
فرج:متأكد متأكد
جمال:باهي وين البنت توا
فرج: معانه في الحوش طلعت ميس
جمال &امال:انصدمو زياده
امال:باهي ميس كيف وصلتلهم وهما يعرفو انك انت باتها
جمال:لو كانو يعرفو ماكانوش خلوها تتزوج و جواد عشان مايخسروش بنتهم
فرج:علا صوته مش بنتهم مش بنتهم بنتي انا
جمال:اهدى شويه البنت هما يلي ربوها هما يلي علموها و يلي يشوفهم كيف يحبوها مستحيل يصدق انها مش بنتهم واكيد ما يبوش يخسروها
امال:ميس لو عرفت شن حيصير فيها💔
جمال:ردو بالكم حد يفتح الموضوع معاها البنت حامل و الدكتوره منبهه عليها ما اتعبش روحها ومن مبدري جواد قال ضغطها نزل عليها من كثرت خوفها على وسن امالا لما تعرف ان هضومه مش عيلتها
فرج:انا مش حنقدر نصبر
جمال:رد بالك هكي تضرها هيا واللي في بطنها
جواد:خش للحوش  نادى على امه....
امي امي
امال:صوت جواد هضا اكيد وصلو و ميس تبي تقعد معانا الفتره هذي
فرج:بنتي حتقعد جنبي ومش قادر ناخدها في حضني💔
امال:مشت وهيا واجعها سلفها....اهلين بنتي
ميس:اهلين فيك عمتي
فرج:جن عيونه في عيون ميس ويتامل فيها
______________
جمال:ركب عند هدى لقاها تبكي
هدى:جمال سامحوني
جمال:مازال عندك عين تحكي بعد اللي درتيه ؟! ...اسمعيني تلمي دبشك وتطلعي لحوش المزرعه ومانبيش نشوف وجهك انا مانبيش ندير اي حاجه عشان خويا الله يرحمه ولو نسمع بي اي حد يعرف بالقصه هذي مش حيصير خير وطلع
هدى:تبكي😭😭
____________
ثاني يوم في الصبح وسن طلعت من المستشفى .. اول ما خشت
ميس:مشت حضنتها وتبكي
وسن:اااي عاد ميس ماتبكيش انتي تعرفي اني اول ما نشوفك تبكي نقعد حتى انا نبكي
ميس:خلاص معش نبكي
امال:تتفرج عليهم بصوت واطي شن يصير فيهن لما يعرفن انهن مش توام
ميسون:حضنتها بعدها حولت هي تريحي شويه عليما حطينه الغداء درتلكن اكثر حاجه اتحبنها
وسن&ميس:بحتن فيها وباسنها على خدها
وسن:نجكليه اللي تدلع في بناتها يختي سملها 😉
ميسون:بطلي وعدي غيري دبشك وتعالي
وسن:حاضر يا سيدي ودارت يدها كيف العسكر وركبت وكلهم قعدو يضحكو عليها
ميس:ماما انجي انساعدك
ميسون:لا قمعزي وبس مانبيش نعاود الكلمه مره اخرى
ميس:حاضر❤
فرج:بحت في ميس و كيف تبحت في ميسون وتمنى نظرتها هذي كانت لوصال امها الحقيقيه
شادي:كاين برا وينك كنك مصكر تليفونك
مهاب:شادي في قصه محيرتني ومش عارف كيف نتصرف فيها
شادي:قولي بالكي نقدر انساعدك
مهاب:بحت في دوبه يبي يحكي جا حسام
حسام:ماشي توا
شادي:اها رد بالك تزرق بي حاجه قدام خواتك
حسام:لا ما تخافش
شادي:هي ما تبي شي طيري توا بعدين نحكو فيه حاجه صايره معاك جوك مش عجبني
___________
جواد:خش علي مي وهيا تقرا
مي:جواد فيه حاجه ؟!
جواد:مي في موضوع كنت نبي نحكي فيه معاكي بس ماحصلتش فرصه
مي: شنو
جواد:شادي طلبك مني وانا قتله نشاورك قبل
مي:معش قادرة تمسك فرحتها
جواد:حس عليها شنو موافقه و لا وابتسم
مي:فطنت لروحها بعدها سقمت روحها انفكر ونرد عليك وابتسمت
جواد:ضحك وطلع
مي:قعدت اتنط على السرير حبي يبي يخطبني واتعيط اووو عليا والله إلا ندير عرس الكل يحكي عليه
جواد:علا صوته بالشويه على السرير
مي:تحشمت دارت روحها تبي ترد تقرا بس قعدت تضحك
______________
ميس:من يلي على الباب يا مي انصدمت😳😳
محمد:فتح يديه
ميس:عدتله وحضناته وقعدت تبكي❤😭
محمد:بنتي عليش تبكي توا
ميس:معقوله متحضرش فرح و لا وحده فينا ولا تجي تشوفنا😭
محمد:الله غالب شغلي يلي ما خلانيش نجي بعدها بحت فيها يا بنت رايحه دبه راجلك في شن يوكل فيك
ميس:مسحت دموعها وتضحك
جواد:نزل ..قول شن مخليا لراجلها
ميس:اه اه ضحكتني
وقعدو يضحكو😂😂
وسن:نزلت شن في عشان تضحكو من دوني يا خاينين😳
محمد:بحت فيها و أبتسم
وسن:مصبيه في مكانها وماسكه دموعها
محمد:تنهد وعيونه دعمن شنو ما تبيش اتجي نحضنيني ما رايفتش عليا
وسن:قربت منه وحضناته❤
محمد:دمعته نزلت على وسن
وسن:ماتقعدش هكي يا محمد ..ما تضعفش قدامي انا مش خايفه ولا معدله عشان انتو معايه
محمد:وخر ومسك يدها مسح دمعتها ايوه هذي اختي يلي نعرفها
شادي:شفتي حبيب القلب خلاص نحنا معش فينا فايده شن رايك يا حسام
حسام:نحنا ياللي ديما واكلينها
هيثم:شن في ؟! وبحت في محمد لقاه ماسك يد وسن
محمد:انت اكيد يالي مدبس في الهانم هذي
وسن:محممد
هيثم:انت خوها الكبير
محمد:تشرفت بيك
هيثم:سلم عليه وكر يد وسن للدار
.
وسن:شن في عليش كريت يدي هكي قدامهم😑
هيثم:معش نلقاك تديري في الطروح هذينا ومعش تخلي حد يمسك يدك
وسن:هضا خويه مش حد وانت تغار منه خويه هضاا
هيثم:انا نغار من اي حد يقربلك
وسن:قربت منه وهمست في ودنه وانا انحب غيرتك هذي
هيثم:اهمدي راكي قاعده تلعبي بالنار انا ماسك روحي بالغصب🔥
وسن:وخرت شعرهه وابستمت بخبث وهربت
هيثم:الحقيره قاعده تلعب بأعصابي ..مااشي يا وسن غير صحي بس بعدها ناخدو حقنا منك و ابستم😏
.
.
.
          روآيَـــــآتٌ👑آلَــــيَتٌــآ Aleta👑
               👑آلَــــيَتٌــآ Aleta👑
.
.
.
ثاني يوم☀️
.
في العشيه سلمو على الكل بعدها عدو للمطار وسن وهيثم ركبو في الطياره
وسن:كراسينا جن جنب بعضهم وضحكت
هيثم:الله غالب انتحملك وخلاص
وسن:مفروض تفرح عشان وسن ال&&&& جنبك
هيثم:ضحك راه تطلعي رائيسه وانا ما عنديش علم
وسن:صقع عليك احسن من ترامب نفسه
هيثم:هز راسه وضحك يلي يشوفك ما يقولش مريضه بكل😂
بعد قالو الطياره تبي تقلع
وسن:الله نبي انحلق كيف يلي نحق فيهم في الأفلام  و المسلسلات
هيثم:🤦🏻‍♂️🤦🏻‍♂️
وسن:بعدها بدت تصور سلفيات في كل مكان وحركاتها عبيطه وهيثم يضحك عليها😂
هيثم:حس بيها علي كتفه بحت فيها لقاها حاطه اغاني و متكيه عليه بعدما تعبت من التصوير بحتت فيه وابتسمت وحتى هوا رد عليها بابتسامه❤
_____________
#تسارع_في_الأحذاث
.
هيثم:وسن هيا مش معقوله عشان سبب تافه زي هضا تديري هكي
وسن:وانا قلت الي عندي
هيثم:قمعز على ركبيه قدامها تحكي جد انتي
وسن:امالا انبصر مانيش ماشيه غير لما الي نبيه يصيير
هيثم:انا ماسك اعصابي عشانك مريضه راه
وسن:مفروض عشاني مريضه تدير الي نبيه وترمشله بعيونها
عيثم:والله🤨
وسن:خلاص اخبط راسك في الساس عدي بروحك
هيثم:يسمح في وجه الصبر يارب في وحده اتقول لي راجلها اخبط راسك في الساس
وسن:Me🙂
هيثم:رفعها وتو توا اتشوفي شن اندير فيك
وسن:نزلني هيثم
هيثم:خش للحمام و ولع عليها الدش توا شنو
وسن:تخبط في صدره بارد والله بارد
_____________
ثاتي يوم عملية وسن
.
هيثم:شنو خايفه
وسن:لا مش خايفه بس مرات نطلع من العمليه بنص عقل
هيثم:انتي اصلن عندك عقل وضحك😂
ممرضه:لو سمحت اطلع نبو ناخدو المريضه وحطوها على النقاله وخشت للعمليه وهيثم على اعصابه وخايف يخسرها 💔
والعيله كلها على أعصابها يرجو في اتصال من هيثم
بعد ثلاث ساعات نجحت العمليه وحطو وسن على النقاله وحطوها في الغرفه بعدها ناضت من البنج
هيثم:قرب منها وسن تسمعي فيا
وسن:غمضت عيونها بمعنى اها
هيثم: باهي تحركي ديري اي ردت فعل
وسن:ما قادرتش ..جسمها كله فاشل
هيثم:رن على الجرس
جا الدكتور كشف عليها و طمن هيثم وطلع
هيثم:ابتسم وقرب من وسن ومسك يدها وباسها
وسن:بحتت في عيونه ونضرتهم يلي كانن كلهن حب ويحكن الف حاجه وحاجه ❤🔥
هيثم:رن عليهم وطمنهم ورد جنب وسن
وسن:هيثم امتى انروحو
هيثم:الأسبوع الجاي
وسن:غمضت عيونها ورقدت
هيثم:يتأمل فيها وهيا راقده❤
________
ميس:تبكي
جواد:عليش تبكي توا
ميس:لو صارلها حاجه انا مش حنتحمل نعيش من دونها😭
جواد:باهي عليش تبكي العمليه نجحت ومسح دمعتها
فرج:يشوف في بنته كيف تبكي ومش قادر يحضنها ويمسح دمعتها حاسس في نار جواته ومش قادر يطفيها الا لما ميس تعرف كل حاجه💔
__________
نمشو شويه في الاحداث
وسن تحسنت و ردت صحتها بس مازالت العمليه مأثره عليها شويه بس هيثم معاها وما سيبهش ويساند فيها و كان راجل معاها و ما سيبهش وتحملها بجميع حالاتها❤و روحو من تونس و اول ما وصلو ميس حضنتها وقعدت تبكي و دارو عزومه كبيره عزومة فيها الأقارب و الجيران
_________
مهاب: قاعد وسارح
شادي:قمعز جنبه يا همي كنك في حاجه شكلك طحت على وجهك اخره وحتى هيا سيباتك
مهاب:شادي في حاجه لازم تعرفها و أنا عارفها صدمه كبيره لك بس معش نقدر اندس عليك اكثر من هك
شادي:شن في إن شاء الله خير
مهاب:تعال معايا هنا مش حنقدر نحكيلك...طلعو برا المربوعه
شادي:هيا احكي و ولع دخان🚬
مهاب:اليوم يلي كانت فيه وسن في المستشفى و كلمتني فيه
شادي:كنه يا را هيا عاد احكي مش بشحته الدوه هيا
مهاب:وانا نازل سمعت عمى فرج ومرات عمي هدي يحكو على بنت عمي الميته وسمعتهم يقولو ان ميس هيا بنت عمى فرج ويلي دفنوها وحده ثانيه مش بنته💔🔥
________
يتبع
الكاتبه
《🔥اليتا Aletta 🔥 》
ممنوع تنزيل رواياتي من دون اسمي ...