انتقام ذو فائدة

الحلقة السابعة

*******في الليل نفس اليوم*********
نزل وسيم من غرفته ليجد والده ووالدته يشاهدان التلفزيون ،انتبهوا إليه مرتدي ملابس الخروج .
وسيم وهو يقبل جبهة أمه وأبيه قائلا: وشراكم يا أحلى ثنائي في العالم .
بهجة بابتسامة: لاباس وشراكةنتا يا وليدي !!؟.
وسيم بابتسامة: الحمد لله.
مراد : تفاهمتوا اليوم على مشروع القرية السياحية.
وسيم بهدوء : تفاهمنا وأنا راح نكون المسؤول عليها في تنظيم وتقسيم قاعدة القرية بصفتي خريج هندسة معمارية .
مراد بتساؤل: وين اخترتوا الأرض؟!.
وسيم بابتسامة: شط وهران.
بهجة بابتسامة: إيه والله عرفتوا تخيروا،وهران ولايه شابة ويزوروها السياح الأجانب بزاف.
مراد : بصح تكلف بزاف وخاصة على الشاطئ.
وسيم ؛ متقلقش عمي مصطفى حط نص دراهمو في المشروع ما تنساش بلي عندو شركة كبيرة نتاع السياحة وزيد نص دراهم نتاع عمي عبد الرحمن أنا متأكد 100% بلي مشروع ناجح.
مراد : ربي يسهل،حقا مش ناوي تدخل الشركة نتاعي
وسيم بابتسامة: انشاء الله قريب ،نكمل المشروع معاهم وشوي حاجات ضرورية ومبعد نستقر ونقعد على قلبك .
مراد بابتسامة: ربي يوفقك.
وقف وسيم وهم بالمغادرة إلا أن
بهجة باستغراب وقلق: وين خارج فهالليل يا وليدي، ولاد الحرام راهم في كل بلاسة.
وسيم بابتسامة: متقلقيش على السبع .
هم بالخروج مجددا إلا أن
مراد باستغراب: وين راك رايح ؟؟
وسيم : رايح نقابل واحد صاحبي مطولش عليكم .
هبطت وردة في هذه اللحظة ثم لحقتها نسمة الناعسة وكأنها ملتصقة بها لا تستطيع تركها وحدها
وردة باستغراب: وسيمو وين خارج؟!!.
وسيم بتأفف : يعني لازم نمر على ثلاثة محققين باش نخرج،لازم كامل تسقسوا نفس السؤال أووف ،زيدي نتي نسمة اسألي باش نقدر نخرج براحتي.
نسمة وهي تفرك عينيها بنعاس: هاااه
وسيم بضيق منها : يا سلااااام ماش جايبة كامل لخبر ،نعسانة روحي ارقدي.
نسمة بانزعاج ناعس: وردة هبطت.
وردة بصدمة: أنا علاه ؟ أمك ؟ جبتك ونسيتك!!!!!
بهجة بحنان: نسمة حبيبتي روحي اطلعي ارقدي ماتبعيش مصاص الدماء هذا لي ما ينعسش ولا يرقد.
وردة بصدمة أكبر وهي تشير لنفسها: أنا !؟؟؟ ونتي وبابا وش راكم ديرو؟!!؟!.
خرج وسيم مسرعا لأنه إذا إستمع إلى جدالاتهم العقيمة فلن يخرج أبدا لكن وما إن أمسك مقبض الباب حتى أتت وردة راكضة نحوه.
وردة بابتسامة عريضة بلهااء: وسيمو حبيبي..
وسيم بمقاطعة: قولي وش نجيبلك بسرعة علابالي ماتقوليش حبيبي إلا إذا كانت فيها مصلحة.
وردة وهي تمسك خده: هه هه نتا خوي نتاع الصح لي يفهمني بلا ما نقولو ههههه
وسيم بسخرية: أخت مصلحجية.
وردة : جيبلي 2كرتونة شيكولا ماكسو و 2 لنسمة.
وسيم بصدمة : زوج ليك كامل.
وردة بابتسامة مربكة: آ.... قصدي ...ماشي ناكلها كامل ضربة وحدة ....آآ مزاد للشتا ....إيه نخبيها نحتاجها للشتا ...تعرف البرد القارس لازم نشرب كاس شيكو....!!؟!!؟!
وسيم بانزعاج مقاطعة : أوووووف خلاااااص ،أصلا الشتاء مازالوا ثلاث شهور.
وردة وقد ظهرت على حقيقتها: ونتا وش دخلك جيبلي كرتونة واسكت أوووف.
وسيم بابتسامة: هههههههههه هاذي وردة نتاع الصح وأنا نقول وين راحت.متعرفيش تمثلي ههههه هيا باي ......باي يا موكراشة.
وردة بغضب: قسم بالله ما تسكت نجي نهرسك ونعجنك قبل ما تخرج من الباب.
وسيم وقد خرج من الباب لكنه عاد وفتحه مجددا وأدخل رأسه فقط وقال ببطئ يتعمد به استفزازها :
مووووكراااااااااااااشة هههههههههه ثم خرج بسرعة قبل أن يسمع أبشع الألفاظ ( سليطة اللسان كخالتي مريومةههههههه ماتديروش علي ).
قبل أن يخرج من بوابة الفلة سمعها تسب وتشتم فيه بأبشع الألفاظ ثم سكتت فجأة وعرف أن أمه تدخلت بأسرع وقت مع شرطة الأدب" الخف الصيفي" (شبشب لي ما يعرفوا هههههههههه كامل تربينا بيه ) .
وصل وسيم إلى إحدى المقاهي القديمة ،جلس في مكانه المفضل ثم أخرج هاتفه من جيبه واتصل برقم معين رنة ....رنتين...ردت على المكالمة.
سامية بنعاس: ألوو.
وسيم بهدوء : سامية أنا وسيم .
سامية وقد طار النعاس فجأة: وسيم نعم كشما صرا؟!.
وسيم بطمأنة: لالا ماصرا والو، المهم تقدري تهبطي للكافيه لتحت العمارة نتاعكم تلقايني قاعد في البلاسة لي متعودين عليها.
سامية بقلق: وسيم قلي وش كاين؟؟؟.
وسيم بتأفف: ساااااامية. مكا والوا ،واقيل كنت تحلمي بكاش أكشن ممزوج بالرعب.
سامية بتأفف هي الأخرى: كي مكا والوا ،علاه تنوض في والله كان حلم هاااااايل .
وسيم بهدوء: تحلمي بحبيب القلب صح.
سامية بحزن : أيوة .
وسيم بمواساة :قريب انشاء الله ترجعي لحياتك الطبيعية وتتجمعي بأحبائك وساعتها أنا نسلمك لزوجك المستقبلي كأجمل عروسة ،المهم الصبر برك مفتاح الفرج.
سامية باختناق بسبب الدموع تحبسها بالقوة لكي لا تنهمر: صح وسيم .
وسيم بابتسامة وكأنه يحدث طفل : صح يا سامية ،المهم اهبطي نحتاجك في موضوع مهم .
سامية و هي تتأفف. :أوووف كرهت هاذي اللبسة نتاع الرجالة حسيت روحي مخنوقه منها .
وسيم بابتسامة: أحسن راجل .
سامية بابتسامة: شكرا، هيا هيا سكر التليفون.
وسيم بمرح : ماتنساش لحيتك يا سامي .
سامية : أوووف .
أغلق وسيم الهاتف في جيبه ثم ابتسم وهو يتذكر أول لقاء مع سامية
*** عودة للوراء قبل مسافرة وسيم للدراسة **
سامية وهي توقف وسيم في منتصف الطريق.
سامية بصوت غليظ: نتا وسيم كرم ؟!!
وسيم باستغراب: نعم أخي أنا كرم وش احتجت .
سامية بحقد : ذك تعرف . ثم التفتت للحراس المستأجرين يلا كتفوه ودخلوه للطومبيل وادوه للمخزن نتاعنا راني رايح وردوا بالكم إذا هرب مفهوم .
الرجلان : مفهوم .
وسيم : وش كاين اطلقوني ،آ ثم غاب عن الوعي بسسب المخدر.
*** عودة للوقت. الحالي ******
ابتسم ووسيم وهو يرى سامية آتية نحوه .
####### عودة لفلة مراد###############
وردة بغضب بسبب الضربة التي تلقتها بالخف الصيفي من عند أمها ،جالسة على الكنبة الطويلة عاقدة يديها أمام صدرها ونسمة واضعة رأسها على فخذ وردة وتغط في نوم عميق.
وردة بغضب: نسمة يا الكلبة اطلعي ارقدي لفوق علاه راكي راقدة هنا .
نسمة بنعاس : نتي ما حبيتيش تطلعي معايا.
وردة بصراخ: يا ربيييييييي ما تفهميييييش قلتلك مانييييييش نعساااااااااااااااااااااانة.
نسمة بخضة وقد استيقظت تماما : أعوذ بالله،شكون مات .
وردة بغضب: ماتت قطاتك الدلوعة قولي آمين.
نسمة بهلع : بعيد الشر عليها.
بهجة بتحذير: اخطي ختك علاه راكي تظلمي فيها .
نسمة بتأييد وقد أدمعت عيناها وجلست على الكنبة:
إيه وش راني ندلك ؟!.
وردة بضيق وهي تنظر لأمها نظرة ذات مغزى: راني نفرغ في شحنة الغضب والزعاف لي داروهالي بعض الناس بعد ما كنت أسعد واحدة ،وما لقيتش غير نسمة لي نفرغ فيها .
بهجة بغضب: إيه والله وطوال اللسان ،لالا غير زيدي اضربيني،واقيل توحشتك الضرب .
وقفت وردة وذهبت لأمها وقبلت جبهتها قائلة بأسف : اسمحيلي والله ،تقطع يدي قبل ما ندها عليك معليش. حقك علي يا الغاليه .
( على الرغم من همجية وردة وصراخها إلا أنها لا تترك أمها غاضبة عليها فهي لا تضمن أن تعيش حتى ترضى عليها وهذه النقطة غائبة عن الكثير من المسلمين لا تغضبوا أمهاتكم ) .
بهجة بعبوس : مانرضاش عليك حتى تعتذري لختك وتحبسي قلة احترامك لخوك الكبير ماشي معناتها يضحك في وجهك تقلي أدبك معاه.
وردة : معليش نحاول بصح أنا تعودت عليه هكا .
بهجة : اعتذري ما تتهربيش .
نظرت بهجة ووردة لنسمة الغارقة في النوم بعمق :
خااااااااخووووووش Zzzooooo.
بهجة بغضب أكبر لوردة : شوفتي ختك رقدت وهي زعفانة عليك غدوة إنشاء الله تبداي تراضيها حاشا تقول عدوتك ماشي ختك.
وردة في محاولة لاستعطاف أمها : يا ماما والله غدوة نراضيها وديجا قلت لوسيم يجيبلها كرتو.... قصدي باطة شيكولا ماكسو.الحكاية كامل هاذاك الشبشب والله يا ماما كبرت عليه راني19سنة تضربيني بهاذا العمر .
بهجة بسخرية: كي يكبر عقلك قبل وقتها ما نزيديش نضربك مايهمنيش كامل العمر،نقعد نضرب فيك
حتى تتزوجي وتعقلي .
وردة بعدم تصديق :كي نتزوج ما تزيديش تضربيني.
بهجة بابتسامة: إيه.
وردة بدعاء وهي ترفع يديها للأعلى: يارب يارب ابعثلي غدوا عريس الغفلة يااااااارب.
بهجة بتكملة : وقتها زوجك هو لي يكمل مهمتي.
وردة بصدمة: يارب واقيل أنا حمار يمشي بالضرب وما علاباليش ،عمبالي بني آدم أنا ؟!.
بهجة بابتسامة: شكون قالك بلي نتي بنى آدم هااه!؟
وردة بتفكير وقد غيرت الموضوع تماما: ماما شحال رانا في التاريخ اليوم؟!.
بهجة بصدمة: ماعلابالكش بتاريخ اليوم ؟! ملي ديتوا عطلة الربيع نسيتوا كلش،المهم رانا22 ماي .
ابتسمت وردة بخبث وسكتت.
**** ****في الصباح*******
في فلة مراد حيث الكل مجتمع في الصالون ماعدا وسيم النائم في غرفته بسبب سهرته ليلة أمس ومراد الذي ذهب باكرا إلى شركته.
وردة بابتسامة: نسمة علابالك غدوا وشنو ؟!
نسمة بتفكير: أممممم 24 ماي مكا حتى مناسب.....إييييييييييه عيد ميلاد قمر.
وردة بتأييد: أيوة وقلت نديرولها حفلة وش رايك!!
نسمة بحماس: أصبتي يا مقنصة وغدوة صباح نروحو نشروا هدايا مع عبور ومناوي ها وش قلت!!
وردة : أصبتي يا صيادة ونديروا الحفلة هنا في الصالون.
نسمة : غدوا نوضو بكري باش نلحقوا نجهزو الحالة.
بهجة وهي تشرب في الشاي : خلوا التجهيز والتزيين علي أنا والخدامات ونتوما روحو اشروا الهدايا ذك بيسكوغ ماتلحقوش تختاروا .
وردة بابتسامة: صح ماما عندها الحق.
نسمة وهي تقف : هيا نهدروا مع عبور بالاك مشغولة ذك؟!
وردة وهي تقوم : تروح معانا بلا جدها.
صعدت ورده إلى غرفتها ثم لحقتها نسمة،أمسكت هاتف نسمة الموضوع على السرير واتصلت على عبير ووضعته سبيكر رنة...رنتين...ثلاث رنات.. أربعة رنات.....لم ترد .
وردة بغضب وصراخ: الكلبة الحيوانة ماهيش ترد.
نسمة بهدوء: تلقايها تقرا في كاش رواية لأنها إذا كانت تقرا تدخل في عالم آخر ( كيما أنا والله).
وردة وقد أعادت الاتصال أكثر من خمس مرات وأخيراً ردت على السادسة.
وردة بصراخ: يا الدبة يا الحيوانة يا الكلبة يا الخنفوسة يا اليهودية يا لي ماتستحي عل وجها المعفن والموسخ علاااااااااااااااه ماكيش ترديييييي.
وكل هذا كانت عبير قد أبعدت الهاتف عن أذنها لأنها تعرف عادة ابنة عمها.
عبير ببرود: الحمد لله أنا لاباس ومنى لاباس عليها راهي تسلم عليك ونتي وشراكي ونسمةوشراهي؟؟
وردة بغضب: قسم بالله يا الجربوعة ما تسكتي نجي نهرسك ونعجنك في داركم.
عبير بهدوء :أعوذ بالله كليتني بقشوري في التليفون.
وردة بغضب: قشورك المعفنة.
جذبت نسمة الهاتف من عند وردة وردت برقة ولباقة: أهلين عبور حبيبتي وشراكي معليش تعرفي وردة عصبية شوية .
عبير بابتسامة وبطئ: هاذي أصول الرد الجميل يااااااارب كثر من هاذي الناس لأنها قليلة في هذا الزمااااان .
وردة بصراخ: يا عبور قسما بالله حسابك كثر معايا وقريب إنشاء الله تخلصيه حشا تقول راجل يهدر مع مرتو مااااااشي بنات عم ثم أكمات مقلدة قائلة(أهليين عبور حبيبتي وشراكي).
عبير بضحكة مكبوتة ثم أكملت باستفزاز:يا الله شكون هاذا ؟!.راجل مافيا.معليش بعتها كامل وما عنديش المرة الجاية انشا الله.
وردة بصراخ: مخدرااات تاكلك انشاء الله.
نسمة وهي تحاول إنهاء الجدل العقيم :عبور غدوة راح نديرو حفلة عيد ميلاد لقمر.
عبير بهدوء :وش المطلوب مني.
وردة بغضب: يا المهبولة البسي باش نمر عليك نروحو للشوبينج نشروا هدايا عيد الميلاد فهمتي.
عبير بهدوء ثم أجابت بعد دقيقة من الصمت: خلاص ذك نقول لمناوي أرواحوا بعد نصف ساعة.
وردة باستفزاز : رايحة للعرس.
عبير بدون قصد :حنا بنات نحتاجو بزاف وقت باش نجهزوا ماشي كيما بعض الناس.
نسمة ببرود: خلاص هيا باي.
عبير باستغراب: باي .
وردة بشرود وانكسار وقد أحست بها نسمة: نسمة وش راكي تشوفي فيا من وجهة نظرك؟ يعني اعتبرينى كاش واحدة هكا ماشي ختك.
وكان رد نسمة هو أخذها بأحضانها وهي تمسح على ظهرها: وردة ماتديريش على عبير علابالك بلي ماتقصدش وراهي تتمسخر معاك .
وردة بحزن وإحباط : بصح جرحتني يا نسومة.
نسمة وهي تبتعد عنها وأمسكت بكتفيها: اسمعيني مليح أبدا ولافي عمرك كله تغيري من روحك علاجال ترضي الناس فهمتي هاذا هو الفشل بحد ذاته نتي أروع إنسانة قبل ماتكوني ختي شوفتها في حياتى كلها بالعكس نتي لي ترجعي هاذي الفلة فيها الضحكة والسرور غير بالمشاكاسات والهبال نتاعك عبير تحبك وما قصدتش تجرحك ، لي يحبك يحبك بالعيوب نتاعك وماكاش في الدنيا واحد كامل غير ربي سبحانه ،وإذا حبيتي تغيري من نفسك غيري باش ترضي ربي سبحانه كيما الحجاب لي قالتها عليه قمر .
وردة وهي تحتضن نسمة: بالله عليك نسمة كيفاش هدرتك كالبلسم.......... فجأة دفعت وردة نسمة من على السرير قائلة: واقيل عجبك الحال هدرة وعناق مازال غير ما بستينيش.
نسمة بضحك وهي تقوم من على الأرض: هههههههههه رجعتي لطبيعتك.
  
    " بكلامنا نجرح ناس وبكلامنا نفرح ناس فلنتعاون على أن نفرح كل من حولنا "

$ بقلم أمينة$