انتقام ذو فائدة

الحلقه الخامسه

وردةونسمة وليلى ومنى وعبير بصوت واحد : احلفي .
قمر بحالمية : والله والله ثم والله العظيم نحبو ونعشقو وهو كل حياتي .
ليلى بابتسامة: الله الله هاذا كامل اوصفيه .
قمر بحمحمة: احم ..احم ..عينيه كحلة توت ورشيق بزاف سرعتو خيالية جامي ولا مرة غلبتو في الجري .
وردة: استناي اسمو قبل !؟
قمر بابتسامة: فوفو.
منى باستغراب: واش ذا الاسم !؟
قمر : أنا ندلعو هكا استناو نكملكوم وصفو، شعرو  ولا أروع حرير وفضي ،والوقفة نتاعو يا الله أحسن شي الوقفة گأنو واثق من نفسو ومغرور .
ليلى : الله الله هذا كامل وين يسكن .
قمر بضحكة مكبوتة: يسكن معانا .
عبير باستغراب: معاكم !؟!واش يقربلكم ؟
قمر بابتسامة: صاحبي الروح بالروح هو الوحيد لي معايا 24 ساعة ،هو لي نشكيلو كل همومي ودايما يسمعلي بلا ما يمل مني .
وردة بحيرة :هاذا كامل وكيفاش جدك قبل يعيش معاكم ؟؟!؟
قمر : هو في الحقيقة جدو ما يحبوش بزاف بصح علجال خاطري خلاه يعيش معانا وفي نفس الوقت يونسو .
نسمة : علابالو بلي تحبيه ؟!
قمر بضحكة مكبوتة : إيه أصلا خاطبني .
منى بحالمية: واو روعه خطيبي يسكن معايا .
قمر بابتسامة: شوفو بنات نقلكم على حاجه بصح ما تزعفوش علي .
ليلى بابتسامة : روحي برك ما تخافيش .
وردة بتحذير: لا لا خافي لازم تتقي شري .
قمر وهي تبتلع ريقها بخوف : هذا فوفو لي كنت نحكيلكوم عليه !.
منى : خطيبك آه واش بيه ؟!
عبير : ما تقوليش بطل الخطوبة .
قمر وقد انفجرت بالضحك : هههههههههه آي كرشي هههههههههه هههههههههه والله ههه مهابل ههههه
نظروا في بعضهم البعض دليل على عدم الفهم.
نسمة : هياقمور قولي علاه راكي تضحكي .
قمر وهي تقف على السرير : ههههه هذا فوفو الحصان نتاعي !! هههههههههه
الكل نظر إليها نظرة ثاقبة دليل على التوعد ثم هجموا عليها بالضرب، والشتم من وردة وذلك طبعا بالمزاح.
وردة : فوفو هاه
منى : رشيق .
نسمة : شعرو فضي
ليلى : وقفتو روعة .
قمر وقد وصلت أقصاها من الضحك : هههههههههه خلاص خلاص سماح سماح .
وردة : تتغزلي في حصان يا وجه النحس .
وأكملو ليلتهم بالضحك والمزاح حتى حان وقت العشاء. ثم ذهبت عائلة قمر لمنزلهم بينما بقي مصطفى عند أخوه من أجل البنات وهكذا انتهى اليوم على أحلى شيئ مما يكون وهو دخول قمر في قلب كل شخص منهم حتى قمر سعدت بأصدقاء مثلهم
__________ يوم جديد____________________
أشرقت شمس يوم جديد ،ممل للبعض وحماسي للبعض الآخر كبطلنا وسيم الذي وصلت السعادة به لتصل أقصاها ،بالطبع لأن اليوم مميز فهو سيستقبل صديقه المقرب( طلال)الآتي من كندا .
استيقظ على السابعة صباحا بعدما علم بأن طائرته ستقلع على الساعة 4فجرا، أخذ دش سريع ودافئ وبعدها ارتدى تيشريت أبيض ضيق يبرز تفاصيل عضلاته المتناسقة مع سروال جينز رمادي غامق وارتدى حذاء رياضي أبيض ماركا أديداس .سرح شعره بطريقة جميلة ثم وضع عطره المفضل وألقى عليه نظرة أخيرة  في المرآة برضا تام .
نزل للأسفل ليجد عائلته جالسة حول المائدة الطويلة بانتظاره .
وردة بابنبهار: ماشاء الله اللهم لا حسد  وبطريقة مصريةدرامية" قمر نازل من السما بالله بصوا على المز ده " .
نسمة : قولي صباح الخير قبل مبعد تغزلي في خوك
وسيم بابتسامة: صباح الخير يا قوم .
الكل : صباح النور .
بهجة بابتسامة: يارب احفظ ولدي من العين يارب افطر افطر ،وقدمت له توست بالجبن .
مراد باستغراب: ماكش رايح للشركة اليوم.
وسيم : اينعم ، راني رايح  باش نستقبل
طلال في المطار.
وردة : شكون طلال !؟
وسيم :,صاحبي لي وقف معايا في الغربة تعرفت عليه في كندا وهو أول واحد استقبلني في دارو كي ملقيتش شقة نكريها .
نسمة: دزايري .
وسيم بابتسامة: أيوة والنعم في رجال الجزائر.
بهجة بدعاء: ربنا يحفظ لعيلتو يارب .
الكل : آمين.
وقف وسيم وهو يحمل قطعة التوست بيده : راني رايح هيا مع السلامه.
الكل : بحفظ الرحمن.
________ في المطار__________________
انتظر وسيم صديق عمره في القاعة ما يقارب النصف ساعة حتى حطت الطائرة على أرض الوطن تقدم قليلا ليبحث عنه حتى لمحه من بين وسط الرؤوس المختلفة وهو يلوح له لينتبه عليه ،ارتمى وسيم بأحضان طلال وهو يقول : حمدالله على السلامه يا الغالي .
بادله طلال العناق وهو يقول : الله يسلمك .
ابتعد عنه وسيم قليلا وهو يتأمل فيه حتى قال طلال بانزعاج: حسستني بلي مرتك مش صاحبك تزيد شوي وتولي تبكي كالنسا .
وسيم بضيق: هاذا جزاتي كي توحشتك،المهم وشراك وشراهي أحوالك .
طلال : الحمد لله ،واش عجبتك القعدة هنا ما نمشو
وسيم بابتسامة: اليوم تجي تتغدا عندنا .
طلال وهو يبادله الابتسامة: معليش اسمحلي الأم من لبارح وهي قالبة علي الدنيا وحلفتلي غير نجي اليوم ،ثاني راني عيان بزاف، المرة الجايةانشاء الله.
وسيم بإحباط : معليش خيرها بغيرها،أنا نوصلك للدار ها مكاش اعتراض.
طلال بابتسامة: معليش .
ركب وسيم سيارته ( الفيراري) وركب طلال بجانبه ثم انطلق إلى فلة صديقه.
وسيم بمشاكسة : واش عرفت تسلك عمرك بلا بي .
طلال وهو ينظر له بطرف عينه بغيظ : مشكلة الثقة ماعندي ما نقول غير ربي يشفيك.
وسيم بجدية: صح كملت شغلك في كندا.
طلال بغرور دائم: كن ما كملت، كن ماني قاعد نهدر معاك .
وسيم بفرحة : يعني خلاص راح تستقر في بلادك .
طلال بفرحة واضحة: أيوة خلاص نقلت الشركة هنا في الدزاير بصح لقيت صعوبة بالنقل يعني فادني الفرع نتاعي لي راهو هنا باش نطورو برك، والفرع لي راه في كندا وكلتو لعبد الله لأني داير فيه الثقة.
وسيم بهدوء:ربنا يوفقك .
طلال بابتسامة: وش أخبار فريد والله توحشتو .
وسيم بابتسامة: والله يسلم عليك حتى هو توحشك
وأكملوا حديثهم من مزاح وسيم وغرور طلال .
     ********************************
مر شهر على هذه الأحداث ،كل شئ روتيني لم يتغير شيء ملل* ملل .
في أحد أيام يوم الجمعة في منزل مراد بالتحديد تجلس العائلة في الصالة حيث مراد يمسك بالحاسوب لمتابعة أعمال الشركة وبهجة جالسة على المقعد القطني تحتسي في الشاي ووردة مستلقية على الكنبة العريضة ونسمة جالسة على الأرض بملل ووسيم يشاهد في الأخبار في التلفاز.
وردة بملل وترجي : بابا خلينا نروحو كاش بلاسة والله سماطة .
نسمة بتأييد: إيه والله كرهنا من قعدة البيت .
بهجة : وين حبيتو تروحو يا البنات، الشمس راهي تحرق برا .
وردة بضيق: راكي قلتيها شمس تحرق ،ادونا للبحر .
نسمة بحماس: إيه والله فكرة هيا بابا قل تم .
وسيم بهدوء: ما تمش .
وردة بغضب : أصلا نتا وش دخلك عندك عين باش تهدر معاي .
بهجة بغضب : يا الخنفوسة أهدري مع خوك مليح .
نسمة بتأكيد: أصلا هو لي كسر تليفون نتاع وردة .
وسيم ببرود أثار أعصاب وردة : قلتلها ما تتحدانيش وهاهي النتيجة.
وردة بغضب: اخسرلي التلفون ولا والله ما تتحرك معانا .
وسيم بابتسامة شماتة : التلفون ما نخسروش وأصلا راني رايح عند عمي مصطفى .
نسمة بحماس: وسيمو ادينا معاك هاها وش قلت .
مراد بتأييد: صح إديهم أصلا عندي شغل وما نقدرش نديهم للبحر .
بهجة : روحو تونسو مع البنات على الأقل .
وسيم بخبث : بشرط .
نسمة : قول واش الشرط .
وسيم وهو ينظر لوردة بخبث: تترجاني وردة باش نديها وتعتذر كي تحداتني لبارح .
وردة بصراخ: في أحلامك ماتصراش .
وسيم وهو يقوم : خلاص هيا باي .
نسمة بترجي : وسيم علاه، رايح رايح لعمي ثم نظرت لوردة بترجي : وردة علاه راكي تسمطي هي كلمة واحدة برك .
وردة بصراخ وغضب : والله نموت وما نقولها .
وسيم بشماتة: مالا موتي هيا نسمة نوصلك .
نسمة بحزن: لا لا ما نقدرش نخلي وردة وحدها .
وردة ببرود: روحي علاه تحوسي علي .
وسيم بابتسامة: هيا البسوا مانيش دنيء لهدرجة .
وردة بنظرة سخرية لوسيم :  ها كثر خيرك ناقصين أمثالك بزاف في هاذا الزمان .
صعدت نسمة ووردة للأعلى بعد محاولات عديدة لإقناع وردة ، غيرتا ملابسهما ثم انطلقا إلى بيت عمهما .
بعد 20دقيقة وصل إلى قصر مصطفى فرن الجرس لتفتح له الخادمة مرحبة .
الخادمة : تفضل سيد وسيم ،السيد مصطفى بانتظارك .
دخل وسيم لصالون الضيافة بينما اتجهت البنات للأعلى .
دلف للداخل ليجد عمه بانتظاره .
مصطفى بفرح: تفضل تفضل ولد خوي نورت القصر .
وسيم بهدوء : أهلا بعمي القصرمنور بصحابو .
جلس وسيم بالكنبة المقابلة لعمه ثم بادر بالكلام قائلا : ها وش قلت اتفقت مع عمي عبد الرحمن على المشروع .
مصطفى : مازال قلت نروح ليه للبيت  ونتفاهموا مليح .
شعر وسيم بفرحة داخلية لا يعلم مصدرها ربما لرؤية قمر .
مصطفى : هيا نتوكل على الله تروح معايا بااطومبيل نتاعي.
أومأ له وسيم بالموافقة ثم انطلق   لفلة الجد عبدالرحمن لمناقشةالمشروع ،كان يود رؤيتهاولو للحظة فقد احتلت تفكيره في الايام الماضية وكان يود مضايقتها وإخراج كل غضبها الطفولي .
بعد نصف ساعة وصلوا لفلة عبد الرحمن وقد رحب بهم أشد الترحاب ثم بدأوا التحدث عن مختلف المشاريع السابقة الناجحة  وبعض مشاكل الشركة وبينما هم مندمجون في الحديث ، رن هاتف وسيم ومن رأى اسم المتصل حتى هب واقفا معتذرا على المقاطعة .
وسيم باستعجال : عن إذنكم إتصال ضروري .
خرج وسيم من مجلس الرجال دون انتظار أي كلمة متجها إلى بستان البرتقال الذي لفت نظره بشساعته
وحتى يضمن عدم سماع أحد مكالمته .
سامية : كيما توقعت صفقة مخدوعة .
وسيم بابتسامة : أصلا كنت متؤكد 100%بلي مزيفة مستحيل تكون أصلية .
سامية بتأكيد: أيوة أصلا الطماع عمرو ما يكون صادق حتى لو ملك ذهب قارون .
وسيم : نتي خلاص كملتي دورك ،أنا ندبر راسي .
سامية بحقد :مقولتلكش راه معزوم لحفلة بعد غد الأحد نظمتها التفاحة المسمومة وفي نفس الوقت راح يسلم المخدرات لي اتفقوا عليها الشهر لي فات الجاية من كولومبيا.
وسيم : شوفي واش ديري ............
سامية بهدوء: مستحيل مكاش كيفاش نخاف يكتشفوها ونروح فيها وثاني الحفلةراح تكون في القصر يعني مانعرفش مداخل القصر مليح .
وسيم بتذكر : خلاص عندي فكرة طلال راهو عندك .
سامية : هاذا وين راح، راهو رايح للشركة .
وسيم : خلاص نتي يوم الحفلة تقدميه عل أنه صديقك مفهوم .
سامية :  هاذا خطر عليه .
وسيم : علابالي واش راح ندير هيا مع السلامه .
سامية بقلة حيلة: مع السلامه.
أنهى وسيم المكالمة مع سامية ليلفت نظره تلك المزارع الكبيرة فظل يمشي في بستان البرتقال حتى لمح حصان فضي يأكل من العشب تقدم قليلا فتاة معطية له ظهرها تلبس فستان أسود يصل لنصف الساق مع جاكيت جينز زرقاء وترتدي بوت أسود،لتترك شعرها ينساب بحرية إلى آخر الظهر
  كانت كملاك في وسط جنة خضراء على الأرض تقطف بعض حبات البرتقال الطازجة،التفتت ورائهاولكنه في آخر لحظة اختبئ وراء الشجرة ،ذهبت لحصانها ووضعت عليه سلة البرتقال قائلة : جداتي تحب تشينة بزاف وخيرتلها غير لكبار .
تنهدت ثم استلقت على العشب وفردت يداها ورجليها وشعرها إلتحم مع العشب بطريقة جميلة ثم بدأت الغناء بلحن حزين وخافت .
لحمامة طارت.......***......طارت للعالي ..
راحت تشكيلوا يمة ....****...
ثم بدأ صوتها يتحشرج بسبب البكاء حتى توقفت عن الغناء وبدأت البكاء بصوت عالي كأنها طفلة ضاعت من والديها وبالفعل ضاعت فقد فقدت والديها وإخوتها في حادث قاتل .
ثم بدأت تتحدث بكلمات متقطعة وهي تشعر بغصة حارقة في حلقها( آه أمي علاه خليتيني وحدي غريبة في هالدنيا الظالمة.....اهئ اهئ اهئ ......ما عرفتش الطريق الصحيح يا أمي ...علاه خليتي بنتك خايفة وضايعة ماتعرفش وين تروح . ونت بابا علاه روحت ونتا لي قلتلي جامي نخليك وحدك، قلتلي بلي مهما صرا تبقاي قوية وصامدة وواجهي الحياة وأنا قلتلك .......اعتمد علي بنتك ....بنتك قد مية راجل ...بصح كنت غلطانة ..دايما نمثل القوة ونضحك مع يمة وجدو ومع الكل ..بصح في الليل ..يبان ضعفي ..نبكي وحدي ونتألم وحدي ..اهئ اهئ اهئ........آه خوي أسامة وخوي وليد توحشتكم.....رانيا حبيبتي ما توحشتينيش ... ماشي قلتيلي مانتفرقوش مهما صرا دايما مع بعضانا يد فوق يد هاااه  علاه خلفتي وعدك... يارب ارحمني يارب ...الطف بي ...يااااااارب ... يااااااارب خذ روحي وارحمني ........أمييييي. .. آه. ..أميييي ..اهئ ..)
  من يراها يظنها مجنونة وقد مرت ما يقارب نصف ساعة وهي على هذا الحال حتى هدأت .
ووسيم وما أدراك ما حاله

        ادعمونيييييييي بلييييييييز 💕 ⁦✌️⁩

   بكلماتكم الجميلة أرتقي وأندفع  لبذل كل مجهودي ( آراءكم حول البارت)