هلاو..👋
○●اوجعني رحيلها●○
- الدنيا كُلها تَگودني وأستاحِش أيدَك ،💚🌿
::::::::::::::::::::::::::::::::::::::::::::::::::::::::::::::::::::::::::::::::
كعدت ورا الباب غطوني بقماش ابيض وفتحو القرآن خلو بحضني
وخلي رجلي بماي ورد وياس وهيل وفتحو ايدي وخلو ع القرآن وخلو بين اصابعي هيل...
بده الشيخ يردد ادعيه وبدا بلعقد وانيي كلبي دكاته الفف احسه يريد يوكف من الخوف والتوتر ..
صعب جداً انو انسان متعرفي وراح تكملين حياتج وياا ومتعرفين هو زين او لا صح سألنه عليهم وكالو خوش ناس وهو خوش ولد بس الأنسان من تعاشري يطلع
بي سلبيات مجنتي تعرفيهن حتى لو واحد من اقاربج
لان انتي حتشاركين حياتج ويا وحتصيرون واحد راح تكتشفين هواي امـَور بي
سمعت الشيخ يصيحني ..
زهراء محمد علي هل تقبلين الزواج من صفاء قاسم سلمان
على المهر المقدم عشرة ملايين والمؤخر 10 مليون دينار عراقي فأن قبلتي قولي نعم انت وكيلي..
عادها 3 مرات يلا كلتله نعم انت وكيلي ..اعتلت اصوات الهلاهل وطشو عليه جكليت
انوب سمعته يحجي ويا صفاء
وهم سمعته كال موافق ..
هلهلو واخذوني للصاله
كعدت شويه وكالو حيدخل العريس..
متت من الخوف والتوتر شعور صعب انسان ماعرفه فجأه صار خطيبي وبلا حجاب وفستاني فضيحه الله ياخذج زينب كله هي جانت
يفضيحتي يماااا ههههههه
دخل واتلكنه امه وخواته وعماته وخالاته بجكليت وركص وهلاهل وهو يبتسم الهن باسهن وسلم على امي
واجه يمي
صفاء باس راسي..مبروك مرتي
زهراء.. الله يبارك بيك
صفاء.. شهل جمال يحلوه والله محضوظ بيج
زهراء ابتسمت ومعرفت شگول دنگت راسي گعد شوييه وگام طلع..
اجو كرايبه سلمو عليه باسوني وراحو ..
دخلو ابويه واخواني باركولي
ابويه باسني براسي..مبروك بنيتي بلرفاه والبنين ربي يسعدج حبيبتي
زهراء حضنته..الله يبارك بيك حبيبي
علي.. مبروك حلوتنه كبرتي وصرتي عروس يلفصعونه هههه
زهراء.. حبيبي الله يبارك بيك ربي يحفضك النه يروح اختك
علي..حبيبتي باسني وراح
كرار حضني ..دائما تخلوني بلأخير هههه مبروك حبيبتي شايفه كل الخير ان شاء الله
زهراء..الله يبارك بيك عمري يوم الك ان شاء الله.
كرار..اويلي فدوه اروحلج ع هلدعوه الحلوه زوجوني لاا احرررگ روحيييي هههه
ضحكنه علييه سوالفه تخرب ضحك دعيت ربي يديم علينه هلضحكه وهلمه الحلوه
رحت سبحت وصليت وتعشينه ورا العشه خابرت ام صفاء كالت باجر الصبح نجي ناخذكم علمود نشتري الذهب ونأجر بدلات..
