أوجعني رحيلها ♡

بارت ..4..

هلاو👋 ..

○●اوجعني رحيلها●○

- خلونا نتباره الذمم خاف على لحضه نعوفكم

::::::::::::::::::::::::::::::::::::::::::::::::::::::::::::::::::::::::::::

خابرناها بليل..

حجينه وياهاا وهي بس تبجي

امي..شلونج بنيتي

زينب ..زينه ماما انتو شلونكم

امي..احنه زينين يمه رجلج شلونه وياج.

زينب ..زين ماما اشتاقيتلكم

امي.. فدوه اروحلج بنيتي والله اني احنه هم اشتاقينالج
مكانج بلبيت خالي يمه

زينب تبجيي..

امي ..كافي بجي بنيتي ربي يسعدج ديري بالج ع رجلج يلا روحي امي مع السلامه.

زينب .. الله وياج ماما باي

سدته منها امي ودعينالها بلخير..

ثاني يوم جنه كاعدين دنتريك
اتصلت خالتي.

خالتي .. الو صباح الخير

امي .. صـباح النور شلوبج ام احمد اخبارج

خالتي..الحمد لله انتو شلونكم بلخير على بنتج شايفه طل الخير ان شاء الله.

امي..ربي يسلمج خير يصيبج

خالتي..عندي عتب وياج ام علي.

امي..خير خيتي گولي شصاير

خالتي..اني صح گلتلج خلي ياخذون بنتج بس شنو جابين مويسقى وطبل مو عيب ليش محترمتونا.

امي.. ياا والله مندري همه جابو مجنت اعرف بعدين همه غربه وجانو شويه هنا وراحو

خالتي..ايي بس عيب ع الأقل جان وگفتيهم ابني مصارله 3 اشهر من مات..

امي.. حقج علينه بس والله ماعرف جابو فجأه طبو اني هم اتفاجئت ..

خالتي.. هاهيه مصار شي يلا سلميلنه مع السلامه..

امي ..الله وياج ..

زهراء.. ها يمه شكو

امي..تگول مووعيب جايبين موسيقى وفرقه

زهراء ..يايمه شمدرينه احنه بعدين همه غربه وهو عرس شلون نوگفهم مثلا بعدين صارت الشغله وخلصت شكو تعاتب.

امي..شمدريني يايمه والله مادري.

مشت الأيام وصار اسبوع اختي متزوجه ورحنه سوينالهه سبعه ..

لبست 7 فساتين

احنه اشترينالها هدايه قبله بيوم اني اخذتلهاا فرشه مال جربايه كولش حلوه مال عرسان وابويه ثلاجه وامي گلاده وعلي محبس وكرار سوار وحوراء اخذتلها ساعه كلش حلوه ..