هلاو..♡
○●اوجعني رحيلها●○
- حنيتلك بواهس غريب بديره مابيها عرف
::::::::::::::::::::::::::::::::::::::::::::::::::::::::::::::::::::::::::::::::
صار يوم السبعه..
سوينه حفله صغيره بيناتنه
اهلها اجو وجايبيلها هدايه..
وبعدها خلصت الحفله وراحت وياهم..
اني صفاء خابرني..
..الو
..هلا حبيبي شلونج
..الحمد لله بخير انت شلونك
..تمام الحمد لله شكو ماكو مشتاقلج
..والله سلامتك ماكو جديد
واني هم مشتاقتلك
..حبيبي اني باجر انزل الصبح ورا الضهر اجي اخذج بعد والله مشتاقلج حييل
..ايي حبيبي ميخالف احضر روحي اليوم وتدلل باجر ارجع وياك
..ايي حبيبي يلا هسه اروح عندي شغل باي حبيبتي
..الله وياك حبيبي
سديته منه اني صح ماريد ارجع اكره الطريق بس هو خطيه يرجع تعبان وهم صارلي اكثرر من اسبوع هنا..
ثاني يوم اجه عليه ورجعنه لبيتنه مرت الأيام عاديه
وحبالتي كلش صعبه صار عندي زلال وتورمت يبووو صرت فييل كالولي هذا كله ورم من الزلال وحامي كلش صعب جان تعبت حيييل اول ٤ اشهر صررت عووده كلش ضعفت بس من دخلت ب٦ بديت اتورم صرت بشهري ومجبت شكد افتريت ومشيت
بس مجبت اخر شي حولوني للعمليات وسويت عمليه وجبت بنوته اني جنت بين الصاحيه والمو صاحيه سمعتهم يكولون شوف البنيه شكد حلوه وصفاء يكولهم تشبه امها وبعدها رجتت غفيت ..
حسيت يضربوني خفيف ع وجي ويصيحون بأسمي
سمعتهم يكولون تسمعين زهراء تسمعين اذا تسمعينه حركي ايدج او راسج اني سمعتهم بس مكدرت احرك ايدي ولا راسي بس كلت امممم
كال الدكتور هاهيه صحت الحمد لله ع سلامتها والبنوته تتربه بعزكم ان شاء الله اتشكرو منه
شوي شوي بديت اصحه اجو باسوني واتحمدولي بالسلامه
صفاء باسني براسيي حيييل كالي
..ولج مـَو طفله ملاك يربي ملاك
..ههههه صدك حلوه تشبه من
..تشبهج حييل حبيبي هواي اتمنيت تصير عندي طفله تشبهج والحمد لله البنيه طلعت تشبهج ..
..ههه خل اشوفها
انطوها الي يربي صدك ملاك ايديها وجها ناعمه حيييل بيضه وخدودها ورديات فدووه اروحلها تجنن حبيبة امها
..صفاء شنسميها
..حبيبي بكيفج شنو يعجبج سميها
..انسميها ملاك حلو
..واحلا ملاك والله ملاك ملاك تدللين ام ملاك
رضعتها يربي ناعمه حيييل اخاف عليها.. نمنه بلمستشفى يوم وبعدها طلعنه رحنه لبيت اهلي فرحو بيها حييل كبل دخلت كلبنه طالعه ع امها محبوبه ههههه
مشت الأيام وصفاء جان يجينه كل جم يوم واني بقيت للأربعين وبعدها رجعت مرت الأيام عاديه ومصار شي جديد
