أوجعني رحيلها ♡

بارت ..2..

هلاو شلونكم○●اوجعني رحيلها●○

-ضم حزنك ترا يملوک لمن تحجي يوميه

::::::::::::::::::::::::::::::::::::::::::::::::::::::::::::::::::::::::::::

گعدت ع صوت صياح مرعب
گمت بخوف ركضت وجان اشوف خالتي تلطم وتصيح راحو ولديي راااحوو

كلت شكوو شكووو كالو جعفر خشمه طگ دم  ومتخربط واخذو للمستشفى ..

كعدت بخوف واني اهدي خالتي كلتلها مابي شي هسه يرجع انقهرت عليه ..يحبني بس مو بيدي والله معتبرته مثابة أخ مانضرله گـ حبيب

المهم ..رجعو ورا ساعه كالو ضغطه صاعد ..

مرت 3 ايام الفاتحه وتعبنه بجيي وشغل وجاي وماي
اجه يوم السابع وهم جابو ملايه وسوو غده للعالم عزمو رياجيل ونسوان اصلا نصهن بقن مراحن خالتي كالت جيبو كيك وسوو صينه سويناله صينيه وخلينه حنه وشكر كالت اريد الصينيه مال عريس
سويناله وملخت روحها خالتي وخواته ..خلص السابع وراحو العالم وبقن جم وحده من النسوان مراحو نضفنه وعزلنه البيت كملنه شغل رحت يم جنات من يوم الي مات اخوها هي ع المغذي..

زهراء.. جنو حبيبي والله ميصير هيج اترحميله صلي واهدي اله اقريله قرٱن
ميصير هيج تسزين بروحج دتعذبي ترا هو هسه ديتعذب لان يشوفج هيج تدرين شگد جان يحبج وميحب يشوفج مريضه او زعلانه لتعذبيي بگبره جنات..

جنات تبجي.. لج والله ماگدر ماگدر لج ماصدك راح وبعد ميرجع لج ابوو طوول الحلو راح وبعد ماشوفه والله والله اشتاقيتله ولج بعده اسبوع واحد واشتاقيتله شلون اتحمل طول العمر ..

زهراء گمت حضنتها.. گولي يالله رب العالمين هوو ينطي صبر جان العالم كلها ماتت ومتحملت فراگ اعزازهم هوايي عالم راحولهم اعزاز وهياتهم مشت حياتهم صح مينسون ويبقى جرح الفراگ بلگلب بس شنسوي بعد امر الله..

گومتها گووه خليتها تسبح انطيتها ملابس ورحت حميت الأكل صبيتلها ورجعت للغرفه هي طلعت من الحمام مشطت
الهه شعرهاا وخليتها تتغده گووه خليتها تاكل عنوديه كلش
اتغدت ونامت غطيتها وطلعت..

صار الليل حضرنا عشه تعشو العالم اني وخواتي وكم وحده اقاربنه غسلنه المواعين ونضفنه البيت وانوب ورا العشه هم اجو عالم
سويت جاي وانطيته الهم
جنه كاعدين بلمطبخ احنه البنات اجو اخواني وولد خالتي وجم واحد من كرايبنه
كعدو بلمطبخ رادو جاي سويتلهم وصبيته ..
سولفو ع مصطفى واتذكرو مواقفه ومره يبتسمون ع مواقفه ومره يبجون شفت جعفر خشمه طك دم ركضت اخذتله كلنس وجبت جهاز الضغط  قيست الضغط جان صاعد ..سويتله نومي بصره وانطيته اله شربه واخذ حبايه وراح نام ..

فرشنه ونمت كبل من التعب

ثاني يوم گعدت شفت البنات ديسوون ريوگ ساعدتهن وانطيته ريوگ للعالم اكو من الگرايب بقو هاي عادتنه لحد الأربعين يبقون..