Unicode
-7- ( ပြင်ဆင်ပြီး )
လေးလံနေသည့် မျက်ခွံတွေကို အားယူကာ ရှောင်းကျန့် ဖွင့်ကြည့်လိုက်သည်။အခုရောက်နေတာက အိပ်ယာတစ်ခုပေါ်မှာ…။
မျက်နှာကျက်က အနီရောင်ဖျော့ဖျော့လေး။
ဒါက…ဒါက အရှင့်သားရဲ့ သလွန်တော်မလား။အံသြစွာနဲ့ပဲ ဘေးဖက်တွေကို လိုက်ကြည့်လိုက်သည်။
ကျောပေးကာ ထိုင်နေသော သူ တိတ်တခိုးချစ်ရသည့် အရှင့်သား။
"နိုးလာပြီလား…"
လှည့်မကြည့်ဘဲ သူနိုးလာတာ ဘယ်လိုများသိသွားတာလဲ။ ခါတိုင်းထက် မတူဘဲ နူးညံ့နေသည့် အရှင့်သားအသံကြောင့် ရင်ထဲလှိုက်ဖိုလို့ သွားသည်။
အိပ်ယာပေါ်က အလျှင်အမြန်ကုန်းထပြီး အရှင့်သားအရှေ့သွားကာ ဒူးထောက်ထိုင်ချလိုက်သည်။
"အရှင့်သားအတွက် အနှောက်အယှက်ဖြစ်သွားစေခဲ့လို့ ရှောင်းကျန့် တောင်းပန်ပါတယ်"
ခေါင်းကို ကြမ်းပြင်နဲ့ထိမတက် ငုံ့နေသည့် လူကို အရှင့်သားဝမ်ရိပေါ်ကြည့်လိုက်သည်။အသိစိတ်တစ်ချို့ က လွန်ခဲ့သည့် တစ်နာရီဆီသို့ ရောက်သွားလေသည်။
မနေ့ကတည်းက အစာမစားရသေးတဲ့ ရှောင်းကျန့်ကို ဝမ်ရိပေါ် ဘယ်လိုစိတ်နဲ့သနားသွားလည်း မသိပါ။ကိုယ်ရံတော် ကျိရန်ကို စားစရာတစ်ချို့ ယူခဲ့စေပြီး အချုပ်ခန်းသို့ လာရာမှ မြင်လိုက်ရတဲ့မြင်ကွင်းတစ်ခုကြောင့် သနားစိတ်ဝင်နေတဲ့ သူ့ စိတ်ကလေး ဟိုးအဝေးကို လွှင့်ပြယ်သွားသည်။
ရှောင်းကျန့်မှာ သူမရှိရင် ဝမ်ဟန်ဆိုတဲ့ကောင်ရှိနေမှာကို သူ မေ့နေခဲ့တာ။သူကသာ ဟိုဘဝမှာရော ဒီဘဝထိပါ ရှောင်းကျန့်ဘေးနား မရှိမဖြစ်လုပ်ချင်နေတာ။နာနာကျင်ကျင် ခံစားပြီးတာတောင်မှ သူ ထပ်ချစ်ချင်နေသေးတာ။
မင်းက အရူးပဲ ဝမ်ရိပေါ်…။
စိတ်တိုတိုနဲ့ ဝမ်ဟန်ကိုပါ ချုပ်ပစ်လိုက်တော့ ရှောင်းကျန့်က အမြဲကြည့်နေကြ မျက်ဝန်းတွေနဲ့ ညို့ မှိုင်းမှိုင်းကြည့်နေပြန်သည်။အဲ့အကြည့်တွေက ဘာအဓိပ္ပါယ်တွေ ပါနေမလဲဆိုတာ သူ တကယ်မသိဘူး။
आप पढ़ रहे हैं
After Agonising ,Will You Love Again? [ Completed ]
ऐतिहासिक साहित्यသူ ့ေႀကာင့္ နာက်င္စြာ ခံစားျပီးရင္ မင္း သူ ့ကို ေနာက္တစ္ႀကိမ္ ထပ္ခ်စ္ဦးမလား ? သူ့ ကြောင့် နာကျင်စွာ ခံစားပြီးရင် မင်း သူ့ ကို နောက်တစ်ကြိမ် ထပ်ချစ်ဦးမလား ? BJYX HISTORICAL FANFICTION
![After Agonising ,Will You Love Again? [ Completed ]](https://img.wattpad.com/cover/263763821-64-k514275.jpg)