#ولدتني_عاهرة
_________ الــمــقـــدمــة ________
كان عمري سبعه سنوات .. كنت راقده في فراشي الصبح .. نضت من سريري نبي نخش الحمام .. حاولت نفتح الباب بس ما قدرتش .. الباب مصكر بالمفتاح من برا ..
هذا كيف بنفتحه .. انا خلاص بنديرها تحتي .. حاولت نفتحه تاني .. بديت انقز و نقول هياا انفتح انا نبي الحمام .. مشيت لي نزار خوي .. نزار .. نزار ... نوض افتحلي الباب انا نبي نخش الحمام بسرعه ..
ناض نزار و قعد يحاول يفتح الباب .. بس للأسف ما قدرش ..
هيا يا نزار انا ندف و انت افتح الباب راهو كان ما نخش الحمام امي بتضربني ..
بديت نبكي و اتكيت ع الحيط و لم تصمد معي سوائل جسدي حتى أنهارت خارجاً ..
نزار : حي عليك شن درتي 😱 حي عليك من أمي حي ..
توسلت باكيه ... و راس أمك يا نزار ما تقول لي حد و نعطيك شن تبي ..
نزار : باهي شن بنديروا توا ؟
حطيت راسي بين رجليا خجلاً .. و لحضات قليله و نسمعوا في صوت المفتاح ..
حي عليا هادي أمي .. تجمدت في مكاني من الخوف و نضت وقفت ..
أمي : شكون كان يحاول يفتح الباب ؟ مش قتلكم ارقدوا أنا ؟؟
نزار : أنا كنت نبي نشرب اميه ..
تلفتت لي امي : خيرك تبكي ؟؟
قربت مني و سألتني شن هذا !!!!
أنا : بصوت يجهش بالبكاء .. ماهو يا ماما أنا ولا ..
ماهو انا كنت نحاول نفتح الباب ولا .. و اختلطت عبرتي بصوتي ..
لكن ما قدرتش و حق ربي أسألي حتى نزار ..
صوتي المتقطع المختلط مع بكاءي و خجلي لم يجدي نفعاً ..
أمي : انتي شن نوضك أصلاً !! و شدتني من شعري و رفعتني للحمام و قعمزتني في الدوش بملابسي .. قعمزي هنا تتحركي نقطعك 👌🏻👌🏻 .. و طلعت و خلتني ..
قعدت نبكي في الدوش .. عطلت أمي عليا ..
نزار : يهمس اييييييييييييييه ..
تلفتت لقيته واقف حاشية الباب ..
قتله وين أمي ؟ قالي مش عارف لكن الصالون مصكر راه ..
قتله باهي انا بنقعد هنا ؟ 🥺
قالي ايه لين تجيك ماما .. 😜
به اسمع نزار انا جيعانه ديرلي خبزه و جبنه .. قالي باهي نمشي نديرلك و نجي باهي .. قتله باهي بسرعه 🤭🤭🤭
جى نزار و جابلي خبزه و جبنه و قالي راه في صنة دخان في الصالون انا شفت راجل مقعمز بكري لما ماما طلعاتك من الدار ..
قتله حي معناها انا بنقعد مقعمزه هنا 🤭🤭
قالي انا بنمشي دارنا مرات تجي امي تضربني ..
قعدت ناكل في الخبزه و نغني
( أقود القطيع .. أقود القطيع .. برحب المراعي أقود القطيع .. لصوت الأمل و دنيا العمل حنين انتظاري .. لصوت الغنى بي اعلى سماء ... )
فجأه سمعت باب الصالون نفتح 😳😳 .. نضت قعدت نشوف 👁👁 لقيت راجل طالع و معاه ماما بقفطان نوم عاري ..
تلفتت لقيت نزار يراقب من الدار التانيه .. شفنا لبعض و ضحكنا 🤭🤭
خشيت للحمام و قعمزت في الدوش نكمل في خبزتي ..
خشت عليا ماما .. انتي شن اديري هنا ؟؟
قعدت ساكته 😶
قتلي و تاكلي زياده في خبزة !! 😠
قتلها ماهو جيعانه انا 🥺
ضربتني على راسي و قتلي نوضي نحي حوايجك و اغسلي تحركي .. نضت نحيت حوايجي و غسلت و طلعت لبست ..
لقيت امي تنظف في الارضيه .. و طلبت مني نقعد في سريري معاقبه ..
قعدت مقعمزه في سريري .. لين خداني النوم و رقدت بعبرتي .. نسمع في أمي تنادي ..
ماريا ... يا ماريا ..
نضت مخلوعه و مشيتلها .. قتلي بوك قريب يروح من الخدمه و نهارك أسود تفتحي فمك بحرف واحد 👌🏻👌🏻
قتلها به حاضر 😔😔
رجعت دارنا و قعدت مقعمزه ع السرير بروحي و نزار يلعب في الشارع ..
نزلت دمعه من عيني و كأني شفت نفسي بعد 20 عام من الان ..
لم أكن أعلم بكبر حجم ما يحدث في بيتنا .. فعقلي الصغير لا يستوعب المحرمات و عاداتنا الشرقيه .. و لكن كل ما أعلمه أن والدي مسكين 💔😔 ..
رجع والدي من العمل و جايب معاه حلوه و معاه اختي و خوي كانوا في المدرسه و يروحوا حوش جدي لين ياخدهم بابا ..
بابا ينادي فيا .. ماريا .. يا ماريا .. تعالي شوفي شن جبتلك معاي ..
زعمه كان انوض نمشي لي بابا تضربني امي !!! كان بابا محاسب في شركة .. كانت سمعته طيبه بين الناس كلهم .. كريم .. خلوق .. طيب جدا ..
كنت مقعمزه نراقب دُميتي السمراء ..
__ علاش أنا جيت أنا ؟؟
__ علاش ما جيتش أسماء بنت خيريه جارتنا أمها ما تضربش فيها !!
__ علاش انا ما جيتش البمبله هادي متعي ؟!
يناديني بابا ... ماريا .. يا ماريا ..
خشت اختي تغير ملابسها .. راهو بابا ينادي فيك و جابلك بشكليط ..
انا قولي و الله 😳
قتلي وحق ربي امالا ..
به منار امي وين ؟
قتلي في الكوجينه .. قتلها ماهو امي ضربتني نخاف نطلع تضربني تاني ..
جاني بابا .. انتي هنا يا حمامتي و ما ترديش عليا ..
نضت وقفت في فراشي و نقزت في حضن بابا و شديت في رقبته ...
مرت الأيام .. و في يوم كنت راقده انا و نزار و منار و محمد في المدرسه ..
فجأه نسمع في صوت عياط أمي .. نضنا و طلعنا ..
نلقى بابا شاد مقرون و أمي تشد فيه بالقوه ..
كان الموقف ..
أكبر من أستيعابي ..
أكبر من عمري ..
أكبر من توقعاتي ..
تلفت بابا و جت عيني في عينه .. عيونه حُمر .. مليانات دموع ..
في أيده المقرون ..
فمه ما نطق شي .. بس عيونه قالولي ( أنا آسف يا بابا )
...............................................................
ما كنتش نعرف انها اخر نظره .. آخر لقاء .. 😔💔
——————
No name ♥️🌺
