على جرف هار ..... مكتملة

البارت الثالث

هدى حسين ....

..... لابسه بدله البيضه ولازمه بيدي القرآن وجوارينه واقاربنه كل موجود ونوره شحلاتهه طالعه مرتضى راح للمدينه واشترالهه تنوره وبلوزه جنهه بدله تخبل عليهه وشعرهه طويل وبيه صفار وعيونهه عسلي طبعا نوره تشبه محمد وعماد ثلاثتهم يشبهون ابوي، الله يرحمه واني ومرتضى على امنه حنطاويين وشعرنه اسود وعيونه بني بس معاني بارزه وحلوه

..... اباوع على زنوبه بالبدله البيضه تخبل طالعه جنهه سندريلا وكل شوي اركص وافر بشعري ونسوان تباوع عليه عابت شبيجن ماشايفات وحده تركص

..... يمه زنوبه ادخلي، على اخوج حمودي سلمي عليه شوي وتجي الزفه

..... دخلت عليه مشغل فيلم ويباوع مانتبه عليه تقربت عليه

..... مندمج اباوع على الفيلم مااشوف بس ملاك تقرب عليه هاي شنو زنوبه ولج شطالعه تخبلين شنو هالجمال هذا بله اشوف لا الضاهر احنه نضربنه بوري بهشام

..... هههه لا خويه مو تخجلني هيج وبعدين هشام رجال ماينعاب صح لو لا

.... يي ماينعاب بس مفروض جمال هذا يكون ل امير لان انتي اميره

.... سمعت صوت سيارات قلبي يدك ويريد يطير ودخلو دخل هشام لابس قاط اسود هو اسمر وضخم وشعره اسود وعيونه بيهن خضار طالع يجنن وبنات يباوعن عليه اريد اكلهن اكل ليش، يباوعن مايستحن اليوم عرسنه وهنه هيج

..... دخلت واشوفهه شنو طالعه تجنن اريد اخذهه واشرد بس اكول اصبر هيه الك يلا كم ساعه وتبقون وحدكم هانت اخذنه صور وطلعنه بالسياره

.... يوم خل ابقى يمهه ابات بس الليله عفيه

.... لايوم عيب ناس غرب اني امهه ماابات وانتي تبقين وبعدين تعالي نعوف حمودي وحده مو كل يوم تقريله قصص واذا مايشوفج تعرفين يتمرض من رحتي لخوالج كم يوم تمرض، وتخربط علينه

..... برطمت صار يوم صح حمودي يزعل هم يكول هيج تعوفيني حبيبج اني وابوج تهونين بيه

..... يلا حبيبتي نكوم نصلي ونتعشى

... ها يي صار بس اغسل وجهي مكياج وافتح شعري

.... تعالي اساعدج بشعرج وافتح بالماشات ولج هاي شنو جم حديده براسج ماتكليلي

... هههه چا شلون تسريحه بلا ماشات هيه هيج لازم تثبت الشعر

.... والعباس اني قابل بيج عباتج وشعرج مفتوح ديري بالج تكصينه اكص راسج وياه

.... لا مااكصه خلص اصلا صالون كالت اشوي اكصه ماخليتهه لخاطرك

.... عفيه بعمري انتي

..... كعدت الصبح دخلت على حمودي حمودي اكعد يلااا حمودي شو بس يون حمودي شبيك حبيبي احجي يوجعك شي