على جرف هار ..... مكتملة

البارت الرابع

تگله

جگليتة

نذر عند عاگر انظميت لاربك أنطاها ولاانطشيت

هدى حسين ....

...... واكف كبال المرايه ادكم بالقميص ومشط شعري حطيت العطر اليوم اخطب طيرتي وتصير الي فرحان وخايف هم مايقبلون اهلهه

..... هلا هلا عمادوو شطالع بله ولك تجنن والله شنو الجمال هيبه اخوي هيبه اكلك باجر انته وياي تاخذني للمدرسه استلم شهاده مو رضاوي يجي انته اتكشخ بيك

..... ولج شنو تتكشخين بيه جنطه اني لو ثوب لابسته ام اللسان احجي عدل تعالي شلوني صدك حلوو

..... يابه وعلي تخبل هسه بنات منطقه ينتحرن چي تتزوج مو من ولايتنه

..... ههههه ام اللسان من تردين شي تعرفين شلون تسيطرين على الواحد

.... كعدت الصبح سويت ريوك الي ول هشام حطيت الچاي على النار وحضرت الصينيه وكيمر وسويتله بيض عيون يحبهن شايله صينيه ودخلت للصاله اشوف  بنت خالته لابسه ثوب احمر وگصير وكاعده يمه بلايه خجل خاي شبيهه حطيتهه بالكاع وحاجيتهه
اكول خيه ساره ثوبج مو چنه گصير

.... ها عيني وانتي شنو تحاسبيني اي صفه گصير طويل براحتي اني خليج بشغلج وبس

..... لا خيه بس بعد تعرفين رچلي موجود وهو محرم عليج اي صفه تلبسين كدامه هيچ

.... بصفتي وقاطعهه هشام

.... خلص ساره اسمعي كلام زينب وكلامهه صح لبسج هذا مايعجبني طول ماني موجود مااريد هيج لبس، وبأعصاب وخنزر عليهه وعاگد حاجبه

..... صار حبيبي تدلل

.... اوگفي شنو حبيبي وتدلل اولا انتي من تزوجت لليوم اسلوبج ماعاجبني هنا وحاطه عينج على هشام ومنتبهه لنضراتج

لزمهه من ايدهه وسحبهه للغرفه تعالي  باعي هاي عنوديه وتعرفينهه يتيمه من تحجين تعند وتعبج بالزايد  تجاهليهه

.... ماتتزوج وتروح لرجلهه اذا تريد زواج لاتسوي هاي سوالف يمي وعلي اااغار تره هشام مااتحمل هيج

.... اموت اني باليغار شعندي غيرج هاي شوفيهن العيون ماشافن ولايشوفن غيرج انتي وبس افهمي احبج ولج

.... اي وتحبني وتقربت منه وتموت بيه وماتهتم لاي وحده اني زوجتك وام اولادك اصير وحبيبتك صح وبعدين شي ثاني لاتحط عطر هواي  هم اغار

...چا شلون مانتعطر بعد بله هاا

.... ممم لا لاتتعطر لان عطرك قوي وبنات يشمنه ويباوعن عليك هم لا ساره ولا غيرهه مااتحمل فاهم

.... لا حبيبتي اتعطر خليهن يباوعن خلق الله حلو يستمتعن بخلق الله سبحانه

..... هشاااااااااام بصوت عالي