على جرف هار ..... مكتملة

البارت الحادي عشر

بقلمي هدى حسين .....
كاعده ارتب بالميز وشغلنه ديچي واغاني هوسه وكمت اركص

نور شنو هذا

التفت محمد هاا حمودي حبيبي يعني شنو خطوبة مرتضى وساره ماتريدني اركص

نور تركصين شنو ولبسج ومكياج هذا شدعوه

ها يخوي شدعواك تره كلهه حفلة بيت بيناتنه كاعدين وكلنه لابسين

كلامي واحد مايتغير ممنوع ركص نور

حمودي حبيبي شوف اسمع وربي اذا مااركص اموت قهر تريدني اموت ها وبرطمت وسويت نضرتي الي مايكدر يقاومهه يكلي عبالك بزونه طفله من تسوين هيج

خنزرت عليهه نور اذا اجه احد وشافج تركصين بعد الساني مايطخ السانج

حاضر ودكيتله تحيه العلم هههه وبسته براسه الله شهالعطر هذا مااسمع بس صورت وراي يكول

ام عطور امشي يلا راح يجي شيخ يعقدلهم

ههه حاضر زينب خاتون وهلهلت عاد اني بلهلهوله يكلولي جنج مصريه زغرطي ياافرحات كللللوش وصحت يوم الي واذبح طلي وطكيت اصبع وهزيت ركبه

طب ام راس فضحتينه يوم الج شنو

هههه هلا بعريسنه هلا ومية هلا كللوش جا شبيه مااعرس شحلاتني اطك بلكاع

اجه شيخ وعقدلنه طبعا لبست عبائه مال صلاة وارجف كلش خايفه قلبي دگاته احسهن وصلن للكوت مابقن بغداد

طلع شيخ صارت الي واخيرا حتى مامشيت وره شيخ بقيت صافن بيهه ردت اطلع من الغرفه انطي فلوس هديه صاحتلي ساره

مرتضى اوكف....

عيوني انتي....

كلتله...
ولـك
لو بيدي
احرمك طلعـهَ الباب!
الناس تبوگ
ابـو عيون الوسـيعـه...

تقربت عليهه همستلهه
خل اسير يم ركبتچ ارد اسولـف شـمَـه شـمَـه

ابتسمت وجاوبته
اعترِفلـك .. انـه احبـك حيـل احبـك

كتلهه
ابوسن شامه الركبه وأموت هناك

اعرف يحب شامه بركبتي مرتين يشوفني بلاحجاب ويركز بيهه بس مايخجلني ويتجرأ يحجي بس اليوم لاعقدنه صار موخوش مايستحي جريء
كلتله
ابقى اني مريتك وانت رجالي

غصبا على كل مريتي ورجالج ساره نستعجل بلعرس لان مااتحمل بعد اريد مريتي بحضني

زينب خلصت خطوبه ورجعنه للبيت طبعا ساره ابتسامه ممفاركه وجهه ونفس وقت تخاف على مرتضى

هلا بالكاطعه ماتكولين حبيبي موجود اخابر اسال عليه

هشومتي وبسته تعال حبيبي منو مايسال عليك هاا

روحي منا لا اموتج اسبوع اسبوع ولج مخابره كوه واكلج صوره دزيلي الج تكليلي ماتستحي تطلب بنات العالم صور ماعندك خوات محسستني صاحبج مو رجلج