الفصل التاسع من رواية "سيلا عشقي 🧡"
〰️〰️〰️〰️〰️〰️〰️〰️〰️〰️〰️〰️〰️
في المطعم//
مازن منتظر دعاء
ليلفت انتباه دخول أحد المطعم لينظر ليري
محبوبته كما أطلق عليها ( نعم يا اصدقاء مازن الذي اعترف لنفسه أن هذه الصغيرة تخصه له فقط مش زي سي سيف😂😂 احم نرجع للرواية)
مازن بعد موقف بإعجاب واضح: إيه الجمال ده كله
(حيث كانت تلبس فستان بلون الاسود يتناقض مع بشرتها البيضاء يصل بعد الركبة بقليل ضيق ويتسع من عند الوسط للآخر بكت عريض وحزام بتوسط خصرها المنحوت بلون الدهبي وتسريحة في روعة الجمال)
دعاء بخجل شديد: شكراً
بعد قليل من الوقت من تأمل مازن لدعاء وخجل دعاء الشديد
مازن بحنان: تحبي تطلبي إيه للأكل
دعاء بتوتر: اي حاجة
مازن بإبتسامة: خلاص هطلبلك البيتزا اللي بتحبيها
دعاء بإبتسامة متبادلة : ماشي
مازن للجرسون : لو سمحت عايز..........و ٢ عصير مانجو
بعد رحيل الجرسون
دعاء بإرتباك: هااا يا سيدى كنت عايزني في إيه؟
مازن:..........
〰️〰️〰️〰️〰️〰️〰️〰️〰️〰️〰️〰️〰️〰️
عند مروان وسيف//
سيف: اممم
مروان بتعجب: اممم إيه
سيف بمكر: طب اللي يخليها هي اللي تيجي وتقولك بحبك هتعمله إيه
مروان بفرحة: بجد !! قول والله
سيف بحنان وهو يري فرحة لأخيه الصغير الذي يعتبره كإبنه: أيوة يا سيدي هااا مقولتش هتعمله إيه
مروان بضحكة وهو يقترب من سيف: هبوسه من بوقه
سيف وهو يبتعد عنه: الله يقرفك يا شيخ ابعد ياض
مروان بحزن مصتنع: اخص عليك يا سيفي بتقرف من اخوك حبيبك طب الله يسامحك
سيف بضحك و مشاكسة: مهو بصراحة يا مروان انت ريحتك معفنة وانا مستحمل وساكت
مروان : ابو ريحة معفنة اللي مش عجبك ده كل البنات بتحبوا ومعجبة بيه بس يكش النفس بس
سيف وهو يحتضن اخوه: حتي ولو بريحة معفنة حقيقي انا راضي
مروان بحب: ربنا يخليك ليا يا سيف والواد إياد والتافه مازن
سيف بإبتسامة: اه لو إياد سمعك بتقول واد
هيعملك بطاطس محمرة
مروان : تصدق اه انا بخاف من إياد الصغير اكتر من مازن التافه ههههه بس مقولتليش هتخليها هي ال تعترف بحبها ليا إزاي
سيف بتمثيل الجهل: إيه هو ده
مروان بدموع مصتنعة: لأ والنبي يا سيف افتكر ده انا ممكن اموت
سيف بضحك: خلاص هتشحت بص يا سيدي............
〰️〰️〰️〰️〰️〰️〰️〰️〰️〰️〰️〰️〰️〰️
في فيلا سيلا بعد رحيل شهد لبيتها وخروج دعاء
سيلا في بلكونة غرفتها//
قاعدة علي الكرسي الهزاز
سيلا بشرود : مش هكدب واقول إن ده مش اعجاب بس الاعجاب ده لازم يتلغي يا سيف مفيش راجل عنده أمان برودك وقسوتك اللي وراها سر بيشدوني وعنيك ال فيها سحر بس هتجاهل الشعور ده
〰️〰️〰️〰️〰️〰️〰️〰️〰️
في صباح جديد علي أبطالنا
في شركة سيف //
مروان في مكتبه سرحان في خطة سيف قطعه من هذا السرحان صوت ضحكة شهد باص عليها لقاها بتكلم حد في الموبيل وبتضحك
شهد بضحك شديد: وانت والله يا شادي وحشتني جدا
المجهول: .....
شهد : طبعا يا حبيبي هشوفك قريب
مروان اتعصب وراح عند شهد وخد منها الموبيل وقفل السكة في وش شادى (يا مسكين يا شادي😂)
مروان بعصبية وغيرة: مين ده اللي بتكلمي معاه يا شهد
شهد بخضة: انت عاملت ايه يا مروان
مروان بغضب شديد: اتكلمي يا شهد بدل ما افقد اعصابي
شهد بزعيق: وانت مالك فهمني
سيلا ودعاء اللي كانوا متابعين المشهد من أوله( لأنهم هما الأربعة في نفس المكتب)
سيلا لتهدئة الوضع: اهدي يا شهد وانت كمان اهدي
مروان بص لشهد بصة غضب وحدة وخرج برة المكتب
بعد ما خرج
شهد بعصبية: إنسان مستفز ازاي يمسك الموبيل من ايدي ويقفلوا
سيلا بغضب منها أيضا: شهد متنسيش انتي بتكلمي عن مين ده مروان مش واحد من الشارع
شهد بعد ما هديت شوية: عارفة يا سيلا إن ده مروان بس ميدلوش الحق في تصرف زي ده
سيلا بضيق :انتي إيه يا شيخة للدرجاتى مش واخدة بالك من حاجة خالص
شهد بجهل: حاجة إيه يا سيلا.... قولي يا سيلا حاجة إيه....سكتي ليه قولي انا غلطانة في إيه...قول..
سيلا بصوت عالي بعد إلحاح شهد: غلطانة في إنك مش واخد.....
مروان بعد ما دخل المكتب وسمع كلام الذي دار بينهم بصوت عالي:سيلا
بعد وقت قليل من نظرات مروان لسيلا برجاء انا تصمت
سيلا بهدوء: يلا حضروا نفسكم عشان هتروحوا موقع المشروع وانا هعمل هنا بقيت الاوراق
دعاء : تمام يا سيلا مش عايزاني ابقي معاكي
سيلا: لأ هما ورق بسيط هكتبوا واطبعوا وخلاص
دعاء: طيب ماشي يلا يا شهد انتي ومروان
مروان بهروب: روحوا انتوا وانا هبقي احصلكم
وغادر
دعاء باصة لشهد: طب يلا احنا يا شهد
شهد : طيب ماشي بس دقيقة
شهد وهي تقترب من سيلا: سو .....سو... انتي زعلانة مني اوي كدة عشان كدة مش بتردى
سيلا ببرود مصتنع: معناها إنك شايفة في حاجة بتزعل يعني
شهد بدموع: طب عشان خاطري متزعليش مني انتي عارفة لما بتعصب ببقي مش عارفة بقول ايه وانا والله هتأسف لمروان بس سامحيني عشان خاطري قالت اخر كلامها بشهقة
سيلا بأسف علي حالتها: خلاص مش زعلانة وخدتها في حضنها وبادلتها شهد الحضن
دعاء بمرح : اه يا خاينة بتخونيني ..ومع مين مع شهد المأشفة😂
سيلا بضحك هي وشهد : تعالي يا هبلة انتي كمان
دعاء وهي بتجري عليهم: هيييه
وحضنتهم
بعد صمت
سيلا بمرح : انتوا نمتوا ولا إيه يلا عندنا شغل روحوا
سيلا باصة بأثرهم بحزن
〰️〰️〰️〰️〰️〰️〰️〰️〰️〰️〰️〰️〰️〰️
عند مازن بالمكتب//
مازن بيفكر في كلام دعاء أمس
نرجع فلاش باك
دعاء بإهتمام شديد : مقولتش بقي إيه الموضوع المهم اللي كنت عايزني فيه
مازن بجدية: بصراحة يا دعاء انا ملقتش احسن منك وغيرك في الموضوع ده ال موضوع بخصوص سيلا وسيف
دعاء : عايزنا نقربهم من بعض مش كدة
مازن بإندهاش: بالظبط كدة انتي عرفتي منين
دعاء بضحك :زي ما انت عرفت
مازن بضحك أيضاً: انا عبيط مش كدة اكيد خدي بالك من سيف
دعاء بإبتسامة: مش سيف بس
مازن بعدم فهم: اومال مين
مازن بعد ماستوعب: قصدك سيلا كمان
دعاء بحزن: بالظبط كدة سيلا اتغيرت برضو لما بتشوف سيف بتنبهر بيه صحيح مش مبين عليها أي حاجة بس انا فهماها اكتر من نفسها سيلا مش من نوع اللي بتسيب حد يرد عليها و تبقي هادية لا مش بيهمها حد سيلا شافت كتير
مازن بفضول: شافت إيه يا دعاء وفين أهلها هي ورهف
دعاء بحزن: مش هقدر اقول عشان ديه حاجة تخص سيلا بس اكيد هتعرف بعدين
مازن: انا معرفش سيلا عاشت حياتها ازاي ومين أهلها هي ورهف اختها الصغيرة بس اللي اعرفوا هي الوحيدة اللي هتغير سيف للاحسن واكيد هي كمان حياتها هتبقي احسن
دعاء بتساؤل : وانا متأكدة من كدة برضو بس احنا هنقربهم من بعض ازاي
مازن : الخطة هي...........
〰️〰️〰️〰️〰️〰️〰️〰️〰️〰️〰️〰️
خلص الفصل
يتبع....
بقلم فريدة أيمن ✍️
أنت تقرأ
سيلا عشقي🧡
Mystère / Thrillerفتاة تمتلك كتلة من الجمال والبراءة والقوة والشجاعة والبرود تعرضت للظلم من اقرب الناس إليها تقابل البطل الذي يمتلك قسوة وعصبية شديدة الذي يلين حياتها وحياته ويبدأ بينهم الانجذاب والحب الذي يجعل قدر إليهم.
