سيلا عشقي🧡

الفصل الثالث عشر

  ده فصل جديد تعويض مني لو بتأخر عليكم + كدة حسيت إن التفاعل قل فلو كدة تفاعلكم وتعليقاتكم برأيكم يزيد عشان أنزل كل يوم🥰🧡🧡
الفصل الثالث عشر (١٣) من رواية" سيلا عشقي 🧡"
〰️〰️〰️〰️〰️〰️〰️〰️〰️〰️〰️〰️〰️〰️
وصلنا الفصل ال فات لما سيف دخل المطعم وشاف مدحت قاعد مع البنات وبيتكلم مع سيلا ومندمجين مع بعض في الحديث
سيف بغيظ وغيرة: بس ده مكان شغل مش مصاحبة
سيلا بإستفزاز: واحنا دلوقتي برة الشغل وفي استراحة يعني احنا احرار دلوقتي
سيف بعصبية: سيلا بلاش تعصبيني
سيلا بلا مبالاة: وانا هعصبك ليه
مازن بتدخل: هااا يا شباب مش هنطلب ناكل حاجة بقي وقت الاستراحة هيخلص
دعاء : اه يلا
وكل واحد طلب الأكل والشرب وقاعدوا أكلوا في صمت الا من عيون سيف بتولع علي سيلا وهي مدية عدم اهتمام لهذه النظرات الحارقة
وبعد كدة كل واحد رجع علي شغله وخلص ميعاد الشغل و رجعوا علي البيت
〰️〰️〰️〰️〰️〰️〰️〰️〰️〰️〰️〰️〰️
عند سيلا في البيت//
قاعدين في غرفة المعيشة فاتحين التليفزيون و بيتفرجوا علي فيلم
رهف نائمة علي رجل سيلا و الحاجة فاطمة راحت تعملهم حاجة يشربوها
دعاء ماسكة الموبيل و عمالة تبعت رسائل  و بتضحك بصوت خافض
سيلا بمكر: بسبسبس
دعاء: ...
سيلا: إنتي يابت
دعاء بخضة: في حاجة يا سيلا
سيلا بمكر: في حاجات بتكلمي مين...اه وأسألك ليه وانا عارفة
دعاء بإرتباك؛ عا.رفة .إيه
سيلا بعد ما حطت لرهف مخدة تحت رأسها وقربت من دعاء وقاعدت جمبها
سيلا بإبتسامة: عارفة إنك بتكلمي مازن وبتحبيه كمان
دعاء : .....
سيلا: بس انا متأكدة إن هو كمان بيحبك
دعاء بحزن؛ مفتكرش يا سيلا  هو معتبرني صديقة بس
سيلا بحنان ؛  انتي رأيك كدة طب ليه مجاش عندى ولا عند شهد وعايز نبقي صحاب ليه قالك إنتي بس
دعاء: عادي يعني
سيلا بمرح: تصدقي ممكن تكوني صعبتي عليه
دعاء بضحك: طب ليه متقوليش هو خاف منكم
سيلا بغضب مصتنع: ليه يا حبيبتي يخاف مني ده انا كيوت ...ده شباب كلهم يموتوا عشان أكلمهم...بس هو بس يا ختي النفس
دعاء بضحك شديد: اه علي يدي
بعد قليل من الضحك قالت دعاء
دعاء ضحكت: ربنا يخليكي ليا يارب
سيلا قامت بإحتضانها: و يخليكي ليا...بس فكري في ال قولتلك عليه
دعاء : حاضر
〰️〰️〰️〰️〰️〰️〰️〰️〰️〰️〰️〰️〰️〰️
في قصر سيف السيوفي//
مروان و مازن قاعدين مع بعض في غرفة كبيرة وهي تسمي غرفة المعيشة أيضاً
مروان بعدم تصديق: إزاي ال سمعته ده سيف...سيف
مازن بضحك علي شكله: إيه يا بني كل الاستغراب ده ...انا كنت زيك كدة مش مصدق بس بردوا اقتنعت علي طول
مروان: معلش أصل انا سمعت سيف والغيرة بتاكله ودلوقتي سمعت منك إن سيف من ساعة ما جيه اول مرة الجامعة و شاف سيلا أعجب بيها وحبها ...صعبة شوية إزاي سيف السيوفي  بيحب سيلا ده فرق كبير أوي..
سيف قاطعه بعد ما دلف عندهم: و إيه الغريب في ده والفرق في ده كمان
مازن بتساؤل؛ ثانية ..ثانية واحدة بس سيف انت خلاص انت اعترفت لنفسك إنك بتحبها
سيف بعد ما قعد: لأ
مروان : أومال إيه
سيف بحب: انا بعشقها🥰🥰
〰️〰️〰️〰️〰️〰️〰️〰️〰️〰️〰️〰️〰️〰️
عند سيلا في غرفتها
سرحانه في سيف أد إيه هو وسيم جدا وصاحب شخصية و ...
قاطع سرحنها خبط علي الباب  أذنت بالدخول
دخلت الحاجة فاطمة
الحاجة فاطمة بحنان: سيلا حبيبتي انتي نمتي

سيلا قربت منها و بإبتسامة لهذه الست الطيبة صاحبة أمها المرحومة الذي قامت بتربيتها هي وأختها رهف مع دعاء و تعاملهم زي بنتها دعاء بالظبط
سيلا بإبتسامة:لأ يا بطوط لسه منمتش ..في حاجة
الحاجة فاطمة بحنان: اه يا حبيبتي في واحد مستنيكى تحت عايزك بس هو جيه هنا قبل كدة
سيلا : تمام انا نازله أشوفه
( علما إن الحاجة فاطمة متعرفش مين الضيف ده لأنها عمرها ما شافته قبل كدة غير مرة ومتعرفتش عليه)
في غرفة الصالون //
دخلت سيلا : إنت تاني 😒
قاسم بسخرية: أيوة انا تاني يا سيلا
سيلا بإستفزاز وهي قاعدة و حاطة رجل علي رجل: بص يا والدي ..العزيز ..ادخل في الموضوع علي طول ال جاي عشانه
قاسم بعصبية: بنت متنسيش إن انا أبوكي
سيلا بسخرية : قولتلك مية مرة مش لايق عليك دور الاب ده...ادخل في الموضوع علي طول
قاسم بنفاذ صبر: ماشي يا سيلا...انا جاي أخد رهف اظن سبتها بقالي كتير معاكي
سيلا بعصبية شديدة بعد ما وقفت: انا بقولك اهو إوعي تقول كدة تاني رهف مستحيل تروح معاك في مكان علي جثتي لو ده حصل انا قولتلك الكلام ده قبل كدة و مش بحب اعيد كلامي معاك انت شخصياً
قاسم بضيق : انا ماشي دلوقتي يا سيلا عقبال متفكري و تاخدي القرار الصح و هو رهف تبقي معايا أنا ....و غادر
سيلا وقعت علي الارض
سيلا بدموع و إنهيار: إنت فاكر هتاخدها مستحيل يا قاسم ...بيه أنا الوحيدة المسئولة عن رهف ماما الله يرحمها وصتني عليها و عمري ما أفرط في رهف
دعاء بدموع علي صديقتها بعد ما سمعتها
دعاء بدموع: إهدي يا سيلا ..هو مش هيقدر يجي جمبها انتي سيلا ..سيلا القوية ميقدرش يجي جمب حاجة تخصها
سيلا مسحت دموعها و بإبتسامة صغيرة: شكرا ليكي يا دودو إنتي ال بتقويني
دعاء بحب لهذه الفتاة الذي أمامها: وانا بحبك عشان إنتي أختي و صديقتي وكل حاجة في حياتي يا سيلا
سيلا بمرح: انا كدة هخاف علي نفسي منك ابعدي مني ...و ركضت من أمامها
دعاء بضحك: ماشي يا سيلا أما وريتك...و ركضت وراها
( ناس مجانين 😂😂)
〰️〰️〰️〰️〰️〰️〰️〰️〰️〰️〰️〰️〰️〰️
في صباح جديد //
في غرفة الاجتماعات
مازن: ازيك يا أستاذ هيثم
هيثم: الحمد لله إزيك انت يا مازن معلش مش بحب الألقاب وانت كمان ياريت تناديني علي طول هيثم
مازن بإبتسامة: أكيد طبعا ده حتي كنا مع بعض في الثانوية انا وانت و سيف
هيثم بضحك: اه تصدق صح...حتي فاكر لما كنا احنا التالتة حزب مع بعض و كنا بنعمل مشاكل كتيرة ويتقال علينا متشردين واحنا أهلنا من أصحاب الشركات
مازن بضحك: أه فاكر..وفاكر...
قاطعه دلوف سيف ( قاطع الأرزاق 😂😂)
سيف بضيق وهو بيقوم بمصافحة هيثم
سيف : أهلا وسهلا
هيثم بإبتسامة : أهلا يا بشمهندس سيف
سيف بتساؤل: أومال فين المحامي
مازن بتوضيح: برة بيطبع نسخة تانية من الورق
بعد  قليل من الوقت المحامي جيه و مضوا العقود
هيثم : كدة يا بشمهندس القرية السياحية في إيدك
مازن بمرح: يا عم دي لسه تراب لسه هتبقي قرية
هيثم بضحك: اه معلش
بعد ما سلموا علي بعض هيثم نازل
هيثم للمحامي والسكرتيرة الشخصية: تمام روحوا انتوا علي الشركة وانا هحصلكم
ردوا بالإيجاب و مشيوا
هيثم لنفسه بهيام: أجيبك دلوقتي منين يا سيلا ...مش عارف ليه انتي شاغلة بالي أوي كدة
كان في واحدة ماشية من جانبه و قفها
هيثم: معلشي حضرتك..كنت عايز أسألك سؤال ..متعرفيش فين البشمهندسة سيلا
البنت: اه..البنت القمورة ديه
هيثم لنفسه: حتي البنات بيعكسوها
هيثم: اه هي
البنت: الدور الثاني في مكتب المتدربين
هيثم بفرحة: طب..شكرا جدا ليكي...وغادر
الفتاة : إيه الفرحة ديه كلها كل ده عشان عرف هي فين
〰️〰️〰️〰️〰️〰️〰️〰️〰️〰️〰️〰️〰️〰️
عند سيلا جالها تليفون  خرجت برة عشان ترد
وأثناء ذلك......

يتبع.....
بقلم فريدة أيمن ✍️