JOIN ME: Rigel Skye (Completed)

KABANATA 2

"What kind of dress are you wearing?" kunot noo ito at hindi maipinta ang mukha.

I am wearing a thin short dress. Sleeveless at saktong mid-thigh lang. Ayoko talaga ng mahaba at naiinitan.

"Wash day namin ngayon, Kuya, so I can wear whatever I like." Ngumiti pa ako sa kanya nang malapad na hindi niya pinansin.

Walang gana niyang ni-park ang sasakyan at lumabas mula doon. Lumabas din ako at mabilis siyang hinalikan sa pisngi.

Hinawakan niya ako sa bewang upang hindi ako mawalan ng balanse. Lumayo ako nang bahagya at nakitang mariin ang tingin niya sa mga hita ko. Hindi ko alam pero kinabahan ako.

"S-ige, Kuya. A-no, Una na ako."

Hindi na ako kumaway at dumiretso na lang sa building namin.

"Heaven! Mamaya sasabay na ako sa inyo pauwi." Sinalubong ako ni Erica at kumapit pa sa braso ko.

"Sige, walang problema."

Dumiretso kami sa upuan. Kahit gusto kong manood sa YouTube ng recipe ay pinigilan ko ang sarili ko. Baka makuha na naman ang notebook ko.

"Wala ba si Miss Salonga? Bakit ang tagal niya?" dinig kong bulong ng mga kaklase ko. Sa isip ko, mas okay na iyon.

"Hindi kaya nabroken sa kuya mo?" bulong ni Erica.

"Ano?" Natawa ako at linayo ang pisngi niya, "Hindi iyon no. Hindi nga niya nakausap nang matino si Kuya."

"Tumpak! Kaya nga wala siya ngayon. Tapos hahayaan ka niyang manood ng videos para dagdag puntos sa kuya mo. Matalino talaga." Pumalakpak pa ito nang mabagal at napatango-tango.

Kinunutan ko siya ng noo at linabas ang cellphone ko. Manonood na lang ako.

"Hindi pwede iyon no. Baka unahan pa niya ako. Tara, Heaven, libre kita. Ibalita mo sa kuya mo ah." Hinatak ako nito at kinuha ang bag ko.

"Sandali, saan mo ko dadalhin?" Inaalis ko ang kamay niya sa braso ko kaso mahigpit ang kapit niya.

Binitiwan niya lang ako noong nasa siomai house na kami.

"Dalawang order ng siomai, Kuya. Dagdagan mo ng sili para hot." Hinila ako nito sa mesa at pinaypayan gamit ang kamay niya.

"Anong ginagawa mo?" naguguluhang tanong ko.

"Edi pinagsisilbihan ka. Ikaw ang susi para sa minamahal kong Rigel." Pumikit-pikit pa siya sa kawalan.

Hindi ko napigilan at napalo ang braso niya, "Mangarap ka, Erica."

Umingos siya at padabog na kinuha ang siomai na ni-order niya. Linapag niya sa harap ko ang isa at nakasimangot na kumain.

"Bakit ba gustong-gusto mo si Kuya? Hindi ka naman type no'n." Kumagat ako sa siomai at ngumuya nang mabagal.

Umirap siya, "Ayaw mo lang ibigay sa akin kasi alam mong hindi kayo magkadugo. Ni-re-reserve mo siguro para sa'yo."

"What?" Napanganga ako sa sinabi niya.

Alam ko naman na hindi kami tunay na magkapatid ni Kuya pero para sa akin Kuya ko pa rin siya.

"Selfie nga tayo tapos ipakita mo sa kuya mo, baka mapansin na ako."

Kinuha nito ang cellphone ko sa bag. Kinalikot niya iyon at hinarap sa aming dalawa. Naka-ilang click siya na siya lang ang nakangiti.

"Ganyan, ipakita mo ah?" Binalik nito ang cellphone ko at tumawa pa. Napailing ako at nagpatuloy na lang sa pagkain.

This girl is really going crazy over my brother. Baka nga may girlfriend na iyon. Pero wala pa namang pinapakilala sa pamilya.

Palabas na ako ng gate noong mag-vibrate ang cellphone ko.