JOIN ME: Rigel Skye (Completed)

KABANATA 3

Sa ilang araw na wala ang Kuya niya, sa pagluluto lang ang atensyon niya.

"Sana pala pagluluto na lang ang kinuha mong kurso, Heaven," Komento ni Nay Karing.

Napalabi ako at linabas ang tilapia. Gusto kong magluto ng loaded steam tilapia.

"Ayaw po ni daddy," sumbong ko.

Lumungkot ang itsura nito, "Bakit naman? Nakikita kong masaya ka kapag nagluluto ka."

Inagaw nito ang malaking tilapia sa kamay ko at diniretso sa sink.

"Kasi naman si Kuya, ayaw pang pumasok sa kumpanya," bulong ko na kinatawa nito.

"Iba din kasi ang hilig ni Rigel, Heaven."

"Ano po? Babae?" taas kilay na tanong ko.

Napatawa siya muli, "Hindi, Hija! Kubo."

"Kubo?" kunot noong tanong ko bago hiniwa ang carrots.

Muli itong tumawa bago nilagay ang isda sa malaking plato, "Tanungin mo ang Kuya mo."

"Nay!"

"Hindi ko na alam ang sagot d'yan. Kaya mo na 'yan."

Iniwan ako nito sa kusina na naiintriga. Ano ba kasing kubo?

Nilagay ko ang mga nahiwang carrots sa plato. Kinuha ko ang cellphone ko sa likod ng bulsa ng short ko at tinawagan sa video call si Kuya.

Sinandal ko iyon sa baso at hinintay na sagutin niya.

Sinimulan ko na rin maghiwa ng keso. Mas maraming keso, mas masarap. Tutok ang tingin ko sa ginagawa noong marinig ang pag-ubo niya.

Liningon ko ang cellphone. Nasa screen na ang mukha ni Kuya na inuubo-ubo.

"Ayos ka lang, Kuya?"

Tumango-tango siya, "Yes. Nabigla lang ako."

"Hm. May tanong pala ako." Maliit akong napanguso bago naghiwa ng lettuce.

"Spill it out."

Natahimik ako. Tama bang itanong?
Baka hindi ako makatulog kapag hindi ko tinanong.

Inayos ko ang lettuce sa plato at naghiwa ng white onion bago siya tinanong.

"Kubo daw ang gusto mo?" taas kilay na tanong ko.

Natigilan ito at parang namutla pa. Gumalaw ang mga labi niya ngunit wala namang salitang lumabas kaya tinanong ko siya ulit.

"Bakit kubo, Kuya? Balak mo bang tumandang binata at mag-ermitanyo sa kubo?" nakapamewang na tanong ko.

Kumunot ang noo niya at naningkit ang mga mata.

"Brat! Nay Karing is just joking," gigil na sabi nito na kinalaki ng mga mata ko.

Naturo ko sa kanya ang kutsilyo na kinalaki naman ng mga mata niya.

"Wala akong sinabing si Nay karing ang nagsabi. Bakit alam mo?"

Kita kong lumikot ang tingin nito mula sa screen. Tumagilid ang ulo at napahawak sa batok niya. Kita ko pang napapikit siya nang mariin.

Umayos siya at nag-isang linya ang mga labi, "Don't stick your nose about it. Mag-aral kang mabuti."

"What? Bakit ba kasi kubo? Bakit hindi babae?" nakasimangot kong tanong.

"Gusto mong mambabae ako?" Hindi makapaniwalang tanong niya.

"That's not what I'm trying to imply!"

Nainis ako sa kaalamang marami siyang babae. Puminta pa sa isip ko si Erica at si Miss Salonga na nasa bisig niya.