JOIN ME: Rigel Skye (Completed)

KABANATA 1

Heaven Abellana

"Kuya! Sabay mo 'ko!"

Tumakbo ako palapit sa kanya at mabilis na sumakay sa sasakyan niya.

Kunot ang noo nitong nakatingin sa akin. Nag-peace sign ako at nagpa-cute para lang hindi ito magalit.

"Where's Dad?" malamig na tugon niya na kinanguso ko.

"Iba 'yong way niya. Ayoko sa driver magpahatid."

Hindi na siya nagsalita at pinaandar lang niya ang sasakyan ngunit ang noo ay nanatiling nakakunot.

"Magsounds ako ah."

Kahit hindi pa siya umo-oo ay ni-connect ko na ang bluetooth ng cellphone ko. I played the song of little mix- holiday. Linakasan ko pa 'yon na kinasulyap niya.

Sumabay pa ako sa lyrics at natigil nang patayin niya ang speaker.

"Bakit? Ang ganda ng kanta, Kuya!"

Masama ko siyang tiningnan ngunit patay malisya itong nakatingin lang sa daan.

"Malaswa."

Hindi na ako nakipag-argumento at umingos na lang. Wala rin naman akong laban.

I sighed, "Kailan ka papasok sa company ni Daddy?" inosenteng tanong ko sa kanya.

Pagsulyap ko ay hindi nakatakas sa paningin ko nang humigpit ang hawak niya sa manibela.

"Don't know. May inaasikaso pa ako," he answered, as cold as an ice.

"Isang taon na 'yang inaasikaso mo, Kuya. Dapat last year ka pa nagsimulang magtrabaho kay Daddy. Nakuha ko sana 'yong kursong gusto ko," humina ang boses ko sa dulo.

Hindi ko alam kung narinig niya ba o hindi. Gusto ko lang naman ipaglaban ang pangarap ko.

I love cooking. Gusto ko sana ng HRM kaso si Daddy, business management ang pinakuha. Nagda-doubt kasi kay kuya lalo na at mukhang ayaw nitong magtrabaho sa company. Ako tuloy ang sasalo.

"Soon. I'll talk to him."

"Di bale na. Useless na rin naman. Dito na ako, 'wag mo na lang ipasok sa parking."

Tinigil niya ang sasakyan at mabilis kong kinalas ang seatbelt ko. Bumaba ako at bumaba rin siya.

"Bye, Kuya!" Akmang tatalikod na ako kaso pinigilan niya ang siko ko.

"Where's my brotherly kiss?" he impatiently requested

Napairap ako at hinalikan siya nang mabilis sa pisngi. Kumaway ako at mabilis na lumiko sa building ng department namin.

"Heaven! Hinatid ka ng kuya mo?" si Erica na seatmate ko.

Sa dulo kami nakaupo, katabi ng bintana. Hindi ko talaga gusto ang kurso at madalas akong antukin.

"Oo. Iba kasi ang way ni Daddy."

Umupo ako at linabas ang sariling cellphone. Kinuha ko rin ang wireless earphone. Isa lang. Linagay ko iyon sa tainga ko at tinabunan ng buhok ko.

"Uy, sabay ako mamaya. Pahatid naman pauwi. Please!" Pinagsalikop pa nito ang mga kamay niya.

Crush niya kasi si Kuya. Sabagay, ang gwapo kasi ni Kuya. Bagay sa kanya ang freckles niya. Pero ako, wala akong freckles.

"Sige kung papayag si Kuya." Ngumiti ako nang maliit bago tinutok ang tingin sa cellphone.

Tumawa siya at muntik pa akong niyakap kung hindi lang dumating si Ma'am.

"Good morning class!" si Miss Salonga.

Nagsimula siyang i-play ang powerpoint niya habang ako naman ay dinala sa youtube ang cellphone ko. Itinayo ko iyon gamit ang stand ng cellphone case. Linabas ko pa ang notebook at ballpen.