- يكلك يا من هواك انت بكلبي كاعد و شجابك عندي اني اخذت روحي من رحت ضل العب بكيفك اروح ميت فدوه لذيج الخصله النازله من العبايه السوده الي ضامه جواها جمره..." مو كافي راديو امي تكول اكعد ع السفره كمل الاكل بقه بس التحضير"
-اندار الرجال و رافع حَاجبه على بنته الي ازعجته بصوتها العالي
" ابد متوبين ساره من هاي سوالفج !!! كم مره كتلج اذا شفتيني كاعد يم الراديو لتجين و تصيحين"
- اعتذرت ساره من ابوها و طبت تحضر الريوك ويه امها و اختها الصغيره سمعوا صوت ابوهم من بعيد
" يمره تعال خلي نتريك بالبستان اليوم الجو كلش حلو "
" من عيوني ابو ساره ادلل ... يله شهلن ايدجن سمعتن ابوجن "-ما طولن البنات و امهن عشر دقايق الا و صبن الاكل و ريحه الجاي تعط و الخبز الي استوه طلع من التنور خلت الاكل يصير اطيب والشهيه تنفتح اكثر و اكثر
" بويه ساره شو اخوج ماكو معقوله مكعدتوا "
- ارتبكت الام و بناتها لان سجاد ماكو من البارحه بالبيت نايم يم اصدقائه محد يكدر يحجي لان الاب مقابل اصلا على سجاد بسبب اصدقائه الي يستغلو ويحرفوا عن الطريق
" خويه سجاد طلع قبل شويه راح عمه دز عليه بالمزرعه يستهده اكل اصبلك جاي "
❄️
- السلام عليكم هاي روايتي الاولى ياريت تدعموني بيها و تشاركوني افكاركم
- اتمنى دعموني بنجمه و تعليق حلو مثلكم لان تفاعلكم يشجعني اكمل و احدث الروايه
أنت تقرأ
من بين البساتين
General Fictionذلك الشي الذي يحتل فجوة بين اضلاعي متى يتوقف عن الحركة لم ادرك ذلك الا بعد ان توقف .. ثم تمنيت ان ينبض مرة اخرى لكنه لا يستجيب