- كاعدة وحدي بالحديقة و الهوة البارد يضرب وجهي حسيت بنوع من الراحة لازمة كوب الكهوة بيدي اليمنة و كتاب صغير ميتجاوز ال٥٠ ورقة بيدي الثانية احاول اقرة الحروف الموجودة كبالي الشي الوحيد الي اشكر اختي رغد علية علمتني اقرة و اكتب بس هذا مو بالشي الكافي بداخلي اريد بعد .....
- كانت رغد البنت الاكبر و الاخت الاكبر للعائلة ابوية حبها حب مينوصف حبها اكثر من روحة حتى بنية هادئة مينسمع صوتها عيونها بيها هالة من البرود شعرها مثل الحرير كانت البنت المثالية لاهلي بس انتهى كلشي من حبيت واحد وياها بالقسم
- نار و اخذت الاول و التالي الحب الدلال العز الرفاهية ورقة و انمحت حروفها صارت رغد وصمة عار يتلقب بيها ابوية عمي سامر حاول ياخذ رغد من بين ايدين ابوية لمدماية هو معقولة هذا دم اختي دلال هي شنو الي سوتة...؟! سؤال يراودني من عشر سنوات
———————————
- تعدل بشيلتها السودة مستحية من منظرها وهدومها الي امبللة تجر بذاك وهذا حتى تعدل من نفسها كدام زوجة سامر الي لابسة احلى لبس عدها و الذهب الانيق الي مزينة بيه طلتها دمعة بطرف عينها هو هل من اختيارها الغلط لو من العادات و التقاليد الي اخذت بنتها ويمكن تاخذ الثانية اقتربت من الخطار بخطوة مترددة و مستحية من شكلها
" شلونج ام سامر عيوني "
- بصوت مهزوز مليان حسرة و الم متكدر ترفع عينها حست نفسها مو من عالمهم مستواهم ثقافتهم ... رفعت طرف عينها على بنت سامر شهكة صغيرة طلعت منها وهي تشوف ما شافتة لا هي ولا بناتها
" هلو گلبي ام سجاد الوردة ونعم التربية بيه و ببنتج رغد "
- كامت ام سامر و حضنت ام سجاد ذاك الحضن الدافي المحرومة منة ومن شوفتة فكرت ام سجاد هو هذا شفقة او حنية او استصغار
- كعدن النسوان بزاوية معزولة عن الزلم و راحت رغد و اخت سامر للمطبخ
" سارة وين غرفتج خلي اشوفها متحمسة "
- حكت سارة طرف ايدها بخجل مدنكة راسها شلون تكللها هي ماعدها لا غرفة ولا خصوصية وتنام يم امها و ابوها لان ممنوع عليها تضل وحدها برأيهم لبنية عيب تبقة وحدها بغرفة يمكن تسوي مكسورة وتجيب العار العائلتها
" اسفة بس ماعندي غرفة انام يم امي و ابوي"
- كالتها بصوت مخنوك افتهمت هديل السالفة خلت ايدها بأيد سارة وهي اطمنها انو لا عيب ولا احراج انو هي ماعدها غرفة وحدها و اعتذرت على هذا السؤال و حلفت بعد مراح اتعيدة الها
- كاعدين الزلم ابو سجاد و ابنه و اخوة و ابنة سامر كان البيت يعلوا صوت ضحك النسوان و الزلم الي يتذكر مواقف الطفولة والي يفتخر بالي سواه والي يحجيلهم شلون كان گبل احلى من هسة ... ورة ساعة كاملة سكت الكل وضل بس صوت استكان الجاي ينضرب بالملعون الصغير
" ابو سجاد جايك اليوم احنة مو بصفتي اخوك ولا شي جاي طالب ايد بنتك رغد لابني سامر على سنة الله و رسوله "
- سكت الكل و راحت كل الانظار لابو سجاد الي كعد عدل و ركز نظرة على زوجتة الي لزمت ايد بنتها بقوة هو يدري اخوة ليش اجة بس مكال لاحد لان يعرف رغد مراح توافق و هو بالاساس مراح ياخذ رأيي غير واحد منهم
" والله يا ابو سامر يشرفنة و يسعدنة هذا الشي خصوصا انو ابنك رجال يُعتمد عليه و اخلاقة و شاهدتة تثبت هذا الشي بس مثل متعرف رأيي المرة و البنية اهم شي"
- حست رغد شي و انكسر ابداخلها گلبها يأذيها تحسة حيطلع من مكانة تدري ابوها مراح ياخذ برأيها ولا رأيي امها هو حياخذ المهر وينطيها الهم على طبق من ذهب ... زين و حياتها و مستقبلها..؟!
- حتعيش كابوس امها تعالي طبخي نظفي مسحي كنسي خلفي جهال اخدمي زوجج وعيالج تحملي الضرب و الاهانة ولا ترجعين الاهلج لان هم اصلا شايلين ايدهم منج.؟
- زين وين الي وعدني بيه ابوية قبل اسبوع وحلفلي حرجع للمدرسة واتعلم و اخذ شهادة والزمها بيدي واحقق حلمي و اكون نفسي وما اعتمد على احد ولا امد ايدي الاحد و اشتري الي يعجبني بدال اهدومي الي صارلها هواي بكنتوري....
————————-
السلام عليكم البارت الثالث شنو رايكم بي ما طولتة بسبب قلة التفاعل بالرواية ان شاء الله من يتحسن التفاعل اكتب بارت اطول
- انطوني اراكم اهنا
أنت تقرأ
من بين البساتين
General Fictionذلك الشي الذي يحتل فجوة بين اضلاعي متى يتوقف عن الحركة لم ادرك ذلك الا بعد ان توقف .. ثم تمنيت ان ينبض مرة اخرى لكنه لا يستجيب
