- من تشتم ريحه الورد هواي اشياء تخطر على بالنه الي حبيناهم وبالحظه نهوا كلشي والي بيهم باقي بحيله بس مو بذاك الضعف مرت علينا هواي ايام راحوا بيها احبابنه بقينه بس نشتم بعطرا ثيابهم
- كاعد الاب يسمع المسجل و كلهم ملتمين بالاستقبال و الصوبه متجمعين داير مدايرها واهم شي قوري الجاي الي ديفور
- المطر بكل مكان زخه قويه و الرعيد لازم يسمعهم صوته القوي يخلي كل طفل يخاف او يبجي جوه حضن امه الي نضحك و تمسح على راسه
" الحمدالله يمره الله ارحم الرحمين نزل المطر بعد موسم جفاف موت كل المحاصيل بيه "
" الحمدالله ربي ارحم بينا ابو سجاد "
- كام ابو سجاد و تربع فكلهم انتبهوا عليه لان اكيد اكو شي مهم يريد يحجي عاده متعارف بيها عند هاي العائله
" ام سجاد كلتيلها الساره على الي فهمتج عليه "
- خافت المره شويه لان ساره منطتها مجال حتى تفهمها اصلا بقت ساكته و مدنكه راسها العمر راح مو بذاك الحيل تنضرب و تنهان كدام جهالهه الي تعبت و ضحت على مودهم متريد تنشاف بالعين الصغيره اهم شي واحد كرامته مهما كان الشخص الي كدامك
" بنيتي ساره انتي كبيره و واعيه و ما شاء الله مره صايره و ابن عمج اوله بيج و نعرفه وخوش ولد حيجي بعد يومين و تنقره الفاتحه "
- ضربه قويه صارت بين اضلاعها كلبها بدا يدك بسرعه استهضمت عيونها بدات تلمع متكدر تكول لا متريد تصير مثل اختها الي ماتت ابين ايدين ابوها لانها حبت واحد من الكليه وبسبب اختها تركت المدرسه تتحسر من تشوف البنات الي بعمرها داخلات للكليه وهي كاعده بالبيت
- تختنك من تلزم الماسحه و تنظف بينما البنات الي بعمرها لازمات شهادتهن و متوظفات هي تحقد ع اختها لان حبت واحد لو تحقد و تعتب على ابوها و عمها الي بنظرهم البنيه حرام لازم متنطي حريه لان حتنجرف للطريق الغلط او تعبت على امها الي بس ساكته
❄️
السلام عليكم البارت الاول يعتبر كمقدمه بسطه للقصه
- اتمنى تعطوني رأيكم بيها لان هاي واقعنا الي دنعيشه عبروا المنصه مفتوحه للنقاش
- كيف كانت توقعاتكم للبارت الجاي...؟؟؟
أنت تقرأ
من بين البساتين
General Fictionذلك الشي الذي يحتل فجوة بين اضلاعي متى يتوقف عن الحركة لم ادرك ذلك الا بعد ان توقف .. ثم تمنيت ان ينبض مرة اخرى لكنه لا يستجيب
