شمس السلطان ( نورا ماهر )

⭐ البارت الثاني عشر ⭐

كان سلطان نظره موجهه علي باب الغرفه و فاجأه انفتح الباب

نظر سلطان مطولا كل ده علشان تاجي ..... اتأخرتي اكده ليه

دخلت سنيه بهدوء اسفه يا بيه ..... لحد لما اتأكد ان مافيش حد ماشي ورايا

تأفف سلطان بنفاذ صبر قولي علي طول عايزه ايه

كانت سنيه تنظر لاسفل و هي متوتره الست الهام يا بيه

بدأ سلطان يغضب مالها الغرابه دي عملت ايه تاني

سنيه بخوف انا لاقيتها جايه ليا في الاوضه

( فلاش باااااااااك )

كانت تجلس سنيه في غرفتها في قصر سلطان الدهشوري

دخلت عليها الهام بهدوء و اغلقت الباب خلفها بت يا سنيه خدي اهنه

اتخضت سنيه منها في ايه يا ست هانم

اقتربت منها الهام بخبث و اخرجت من حقيبتها ظرف كبير ملئ بالنقود الظرف ده ليكي يا سنيه لو عملتي اللي هقولك عليه .... و ليكي اكتر كمان لو نفذتي بالحرف و محدش يعرف اي حاجه

نظرت لها سنيه بأستغراب و الطمع في عيونها حاجه ايه دي يا هانم و انا تحت امرك في اي حاجه

ابتسمت الهام بخبث برافو عليكي يا سنيه طلعتي عارفه ملصحتك مع مين .... بصي انتي دلوق بتطلعي جناح سلطان براحتك علشان بتخدمي شمس ..... انا بقي عايزه منيكي تعرفيلي كل حاجه بتحصل بينهم

سنيه بحيره كيييف يعني يا ست هانم انا اخري بطلع الوكل و انزل طوالي ..... حتي مش بلحق اشوف اي حاجه

الهام بجولك ايه يا سنيه فتحي مخك معاي اكده اتصرفي و اعرفي و الفلوس هتبقي كاتير و انتي و دماغك بجي ..... انا هديكي الظرف ده دلوق علشان يخليكي تفتحي دماغك اكده و تفكري ..... و لو جبتي معلومات حلوه .... ليكي عندي ضعف المبلغ ده ..... و انتي وشطارتك بجي

نظرت لها سنيه و اخذت منها الظرف و هي لا تعرف ماذا تفعل طيب انتي بتعملي كل ده ليه يا ست هانم

نظرت لها الهام بقرف متسأليش يا سنيه ..... انتي تعملي اللي بجولك عليه و بس

و تركتها الهام و خرجت من غرفتها نظرت في اثارها سنيه بحيره و اخرجت هاتفها

(بااااااااااااااااااك )

انتهت سنيه من حديثها بس اكده يا بيه هو ده اللي حوصل و مدت يدها له بالظرف و هو ده الظرف يا بيه ... و مرضتش تجولي ليه بتعمل كل ده

نظر سلطان علي يدها الممدوده امامه خديها يا سنيه الفلوس دي من نصيبك ..... و ركزي معاي علشان هتعملي كل اللي قالتلك عليه