شمس السلطان ( نورا ماهر )

⭐ البارت الخامس عشر ⭐

توترت شمس و بدأت ترمش بقوه من شده توترها و كسوفها و قررت أن تتشجع و تتكلم كنت عايزه اقولك اني

( اني بحبك يا سلطان )

اخذها سلطان بين أحضانه و هو لا يستوعب مدي سعادته و فرحته من الكلمه التي تفوهت بها اخذ يحضنها بقوه بدون اي كلام

شعرت شمس بضيق في تنفسها من شده حضن سلطان لها حاولت أن تخرج من بين يديه بدأت تسعل

اخرجها سلطان سريعا و هو يلمس علي شعرها و وجهها و يبتسم لها ابتسامه عريضه و كلها فرح و حب لها انتي كويسه

هزت شمس رأسها بخجل و فاجأه ابتعدت عنه بغضب قولي بقي ازاي العقربه دي تقرب منك اوي كده .... هاااا ازاي

رفع سلطان حاجبه باستغراب مش ده اللي احنا اتفقنا عليه ..... زعلانه ليه دلوق و اهي غارت و انا هتصرف معاها ..... و بعدين المفروض انا اللي ازعل مش انتي

( فلاش باااااااك )

كانت شمس تقف أمام سلطان و هي متردده هل تعترف له عن فعلتها مع منصور و لكن قررت أن تجمع شجاعتها و تتحدث معه سلطان كنت عايزه اقولك علي حاجه كده

استغرب سلطان حاجه ايه دي ..... قولي علي طول

تنهدت شمس بهدوء منصور كلمني و قالي أنه مستعد يساعدني و انا بصراحه بقي وافقت علي عرضه

كان ينظر إليها سلطان و هو مصدوم بشده و كان لا يصدق مسمعه كييييف يعني .... انا مش فاهم حاجه

بلعت شمس ريقها بصعوبه و بدأت تقص له كل شئ

كان يستمع منها سلطان و هو يكتم غضبه بصعوبه شديده و هو صامت ولا ينطق بأي كلمه

كانت تنظر له شمس و هي خائفه من غضبه و لكن من غضبه منها و ليس عليها سلطان هو انت مش بتتكلم ليه ..... طيب رد عليا

رفع نظره و هو ينظر إليها بغضب كبير انتي ازاي تعملي فيا أكده .... ازاي تتكلمي معاه من ورايا ..... انطقي

بدأت الدموع تتلألأ في عيونها انا اسفه ...... انا كنت مش عارفه افكر خالص .... كنت مشوشه من اللي بسمعه عليك و اللي بشوفه منك ..... غصب عني صدقني

نظر سلطان بعيدا و هو لا يتسطيع الرد

أمسكته شمس من وجهه و جعلته ينظر إليها انا اسفه ...... انا حبيت احكيلك علشان تكون جنبي و معايا و تقفله ..... انت اول واحد فكرت فيه أنه هيساعدني و هيكون جنبي

كان سلطان يستمع منها و قلبه يلين بشده باتجاهها و لكن غضبه أيضا كبير

تأففت شمس بهزار و هي تحاول تجعله يضحك خلاص يا عم انا هروحله و هقوله بلاش يكلمني تاني

سلطان بغضب شديد كمان عايزه تروحيله ...... هو ده اللي ناقص ..... منصور ده حسابه معايا هيبقي شديد جوي