شمس السلطان ( نورا ماهر )

⭐ البارت الثاني ⭐

نظرت شمس علي الباب و ذهبت تطرق عليه بقوه افتح يا حج انت جبتني هنا ليه اخذت تطرق علي الباب بكل قوتها نظرت حولها كانت الاضاءه غير موضحه جيدا المكان جلست علي الارض بخوف شديد يتملك منها

كان خميس يذهب الي البوابه نظر لاعلي وجد سلطان واقف في بلكون جناحه الذي يكشف القصر بأكمله بجميع البلد هز له رأسه

ابتسم سلطان نصف ابتسامه له ودخل الي جناحه و هو ينظر الي المرآه بتمعن و يفكر في هذه الفتاه هل فعلا بنت عمته ام فتاه محتاله جاءت لتنصب عليهم تنهد و ذهب لينام

كانت شمس تنظر حولها بخوف شديد يارتني ما جيت و سمعت كلام ست العجوزه نظرت الي الباب و اخذت تطرق عليه بكل قوتها انتو يا نااااس اللي هنا افتحو الباب و الله هوديكو في ستين داهيه و اخذت تطرق علي الباب بكل قوتها و هي تصرخ بأعلي صوتها

كان خميس جالس في الخارج و معه الغفر و صوت شمس واصل اليهم و هي تصرخ

احد الغفر ما تجوم يا عم خميس تشوف البت دي يا تسكتها عتفضل طول اليل تصرخ اكده

نظر خميس علي باب الزريبه و انا اعمل ايه دي اوامر سلطان بيه مقدرش اخلفها واصل

احد الغفرعنيدك حق يا عم خميس سلطان بيه دا واعر جوي ممكن لو خلفته يقتلك عادي خليها عتصرخ اكده لحد لما تزهق و تسكت لوحدها

تعبت شمس من كثرت طرقها علي الباب جلست مكانها علي الارض و ضمت رجلها علي صدرها بوضع الجنين و هي خائفه و اخذت تبكي في صمت و هي تشعر بالظلم و تفتقد والدها بشده انت فين يا بابا وحشتني اوي لو كنت عايش مكنش حصل فيا كده غلبها النوم و ذهبت في نوم عميق من كثرت بكائها و تعبها و ارهاقها

كانت فايزه جالسه في غرفتها و قلبها مقبوض بشده وضعت يدها علي قلبها اللهم اجعله خير انا قلبي مقبوض اكده ليه

دخلت عليها حنان و هي مبتسمه انتي لسه صاحيه يا عمه انا جولت انك نمتي

فايزه تعالي يا بتي لاه لسه منمتش مش جيلي نوم واصل معرفاش مالي اكده قلبي مقبوض جوي

حنان طبطب عليها متخافيش يا عمه تلاقي بس بيتك وحشتك و نفسك تشوفيها

تنهدت فايزه بحزن ااه يا بتي ياما نفسي اشوفك و املي عيني منيكي ربنا يقرب البعيد يا بتي

حنان يارب يا عمه انا هروح بجي لسيف لاحسن انتي عارفه ممكن ينزل الجنينه من ورايا و ذهبت حنان لتري ابنها

دخلت عليه غرفته لم تجد له اثر هزت رأسها بنفاذ صبر من تصرفات ابنها نزلت للاسفل و ندهت علي سنيه بت يا سنيه انتي فين يا مخبله

ذهبت سنيه اليها سريعا انا اهو يا ست هانم عايزه حاجه

حنان و هي تنظر حولها فين سيف مش لاقيه واصل