تزوجني وجبرني على حبه

بارت 10

بيش لهيت الهوه وماراح عنك
چانت ابالي من اشوفك
الزم اصفاحي واگلك كله منك
انت گايلي الحچي المو بيك يغفه
صورتك فانوس ليلي 
ومن تضيع الليل يطفه
انته گتلي الجنطه چفك من اسافر
وگـتلي اليحب تالي شاعر
ماگلت كل ذكرياتك باچر يصيرن جگاير
كل رساله ابلا ضرف توصل البابك
چنت مستعجل عليهه
وكل اناشيد الطفوله
الهذا يوم الله احسك انته بيهه
الوادم العافت اهلها اتبين من تضم اديهه
الرجفه تفضح من تجيهه..

ايه / هلا بيجن
ايه / زهررااااااء شنو الشفته تواااا عود صدگ يحچن ولج عقلي ح يوگف لااا لااا خاف يشاقن 3 لا وحدة لا ثنبن 3 لااا يربي ماريد اتزوج اريد ارجع
زهراء/ ولج لا تبجين كااافي صوتج انه من البارحة دريت شبيهم اهلج ذبوج هل ذبه يعني انتِ الف واحد يتمناج منطينج الواحد ماخذ 3 وانتِ 4 شنووو السالفه

ايه /صخااام الصخمني ليييش ما گلي هوا متزوج لييييش محد دمرني غير اهلي دمروني حرراااام عليهم تعبت انه دخلني لللغرفه ماااگدر اتحمل بعد

زهراء/  ولج صوتج فضحتينه النسوان كلهن نتبهن
ايه / دخليني للغرفه ماريد اضل ماريد اشوف واحد
زهراء/ ولج وين ادخلج الوادم لسه بعدها دا تجي

ايه / ما اريدة انه من جنت ادري بي ما متزوج وما اريدة نوب هسه متزوج 3 وتردين اضل ويااا زهورة فدوة اروحلج رجعييني وياااج ما اضل

زهراء/ ولج كاافي النسوان نتبهن عليج كااافي

ايه / الله ان شااءلله يصخم وجهك يمحمود دخليني راح اطيح
زهراء/  انتضري شوي
ايه / ضليت گاعده تقريباً نص ساعه ودخلتني زهراء للغرفه دخلت وياي
زهراء/ لا تبجين خواتج راح يجن ماريد يدرن بشي

ايه / اوك اجن دخلن حوراء وزمن
زمن / توته عيونج حمررر صارن
زهراء/ ايي خطيه البارحة مانايمة
زمن / ولليله هم مراح تنامين محمود مبين متحمس من هسه
ايه / هه ايي
زمن/ ايه اجلو شغلكم ع باجر ههههه
ايه / الله كريم
شويه ورتحن ضلت زهراء يمي مختنگةةةةة ارررريد اصرررخ وابچي بصوت عالي ذبيت روحي بحضنها وضليت ابجي

ايه /امي ليش ما اجت
زهراء/ مارضت توسلت بيها هواي
ايه /ليش هجي تسوي. وياي
زهراء/ تگول ماعندي بنيه اسمها ايه بتي ماتتت
ايه / الله يهديها

عدلتلي زهراء المكياج ورشتلي عطر
صارت وقت الزفه زفوو ورمووو شگددد والهوسات يهوسوله

شويه ودخل عليّ شاگ حلگة يريد يطير من الفرحةة
شيخ محمود /واخيراً اميرتي صارت يمي
ايه / محمود صدگ التوا سمعته
شيخ محمود / شنو سمعتي؟ ؟؟؟
ايه / راح يوگف عقلي صدگ متزوج 3(ببچي)
شيخ محمود / ايي ماتدرين؟
ايه / لااا محمود لاا ليش انه شنو ذنبي هاااا
حراااام عليك ليشش ماگتلي من البدايه ليييش
شيخ محمود / اششش كافي راسي يريد يطگ
انه الماگتلچ لو اهلچ صوج اهلج كلهم يدرون وابوج اخر وحدة نور حاضر ب العقد مالتها
ايه /حرام عليك اكرررهك محد دمرني غير اهلي  همه اهلي الدمروني
شيخ محمود / اششش كااافي عاااد بدينه برحمة الله من اول يوم لا تحنين ع راسي گتلچ تعبااان تفهمين انتِ لولااا
ايه / ضليت ابچي بسكته راح محمود غسل ودخن جگارة واجه تقرب يمي ولزمني من خصري وحچة
شيخ محمود / كافي بنيتي ماحب اشوفچ ضايجة
يلا گومي خل نصلي
نزعني البدله بهدددوء وجاب الروب لونه ابيض يصير تقريباً 4 قطع لبسني ايا وفتحلي التسريحة
گمت توضيت ولبست احرام وصليت وهوا هم صله نزعت لحرام ورحت نمت ع الجربايه شويه
واجه وراي نام يمي وضل يتقربلي بدة يتلمس بجسمي ويحچي بصوت ناصي احبچ وامووت عليچ سحبني اله واخذ شفايفي وضل يتفنن بيهن منا لمن ختنگت يلا عافني ونزل ع رگبتي
ايه / حطيت ايدي عليه ودفعته تبعدد عني عوووفني
شيخ محمود / شبييچ??
ايه / مابيه شي بس تبعد عني ماريدك تتقربلي
شيخ محمود / حسيته كللش ضاج وتنرفز عكد حواجبه وحجه ليش ماتردين اتقربلج خاف بيج شي  صارن عيوونه حمرر وعافني وطلع قبل لا احجي

ايه / ضجت من طريقة كلامة وياي
گعدت الصبح لگيت حاطة رجليه على بطنه سبحت وفتحت الكنتور لگيت الملابس يجننن المشتريهن شي احلى من شي شفت فسان لونه اوف وايت يصير رداينه تور
وطويل ويجي مخصر ع الجسم
لبسته وحطيت مكياج ولفيت ويا شال ونزلت لگيت الكل مجتمع وهوا گاعد ولازم التلفون
گلت
ايه / صباح الخير
الكل / صباح النور
بسرعه اجه محمود يمي وحط حلگة يم ذاني وحچه بعصبيه شنووو لابسه ابني بطولج ماتستحين تنزلين يمةة هيچ
ايه / هسه هوا ماهوا عود من يجي اروح انقلع فوگ
شيخ محمود / روحي صعدي الغرفتچ فووك لا احرگ الخلفوج
ايه / لا تغلط
شيخ محمود / نقلعي فوگ لا اسحلچ من شعرج
ايه / صعدت فوگ للغرفه ضليت ابچي شنووو سجننن مخليني بغرفتي هسه مو هذن نسوانه 3 كلهن مجتمعات
قفلت الباب عليه وگعدت شويه وندگ الباب مافتحته
شيخ محمود / فتحي الباب
ايه / خيرر شكوو ماريد افتحة
شيخ محمود / گتلج فتحي احسلج لا اكسرة والله
ايه / محمووود عوفني بحااالي
ضل يدفع ب الباب حيل راد ينكسر خفت منه كلللش
فتحته اله گبل اجه هاجم عليه لزمني من شعري وحچه بصوت عالي قسم ب لله اذا اكضج راسج اكسرة
ايه /عووووف شعري عووووفه
شيخ محمود / اششششش صووووتچ لا ادوس بطنج

دفعني ع الجربايه وطلع
ضليت ابجي يرربي يمته ارتاح تعبت
شويه واجت خمائل جايبه صينيه بيدها
خمائل / صباححوووو للحلوين
ايه /صباح النور
خمائل هذا ريوگكم ريوگ المعاريس اكلج جا وين الشيخ
ايه / تسلميلي عمري والله مادري توا طلع
حطته وراحت
شويه واجه كال اكلي هذا ريوگ
ايه /  ماريد بعد
شيخ محمود / يطبج مرض
ايه / شكراً
شيخ محمود / گومي حضري الحمام راح يجون جماعه اريد اسبح
ايه / حضرته اله
وگعدت لزمت اللفون صارت وقت الغدا نزلت صار بوجهي ولد شاب حلووو عرفته جبل لان نسخة من ابوة
جبل / السلام عليكم
ايه / عليكم السلام
جبل /ع الخير
ايه / اشكرك تسلم يوم الالك
جبل /لااا انه ماريد هسه ما اتزوج منا لمن يصير عمري 30
ايه / ههههه محد تقبل بيك تصير شايب
ضل يضحك باوعت شفت محمود يخزر بيه وصاير اعصاب دزلي مسج لا تضلين تتمضحكين ويه جبل
قريته وسكتت
حطوا غدا وجتمعن الشرايج ال 4 وحدة تخزر ب الثانيه گعدت يم محمود نورة توكل بي وتحط گباله وهوا ولا معبرها اصلاً
نورة /حبيبي اصبلك لبن
شيخ محمود / ايي صبي
نورة بعد عمري اصيرلك لبن كم محمود عندي
ضليت اهز بأيدي شدا تحس هااي
گعدت اتغدا وطول ما اني اكل هوا صافن عليه حتى ماگدرت اكل متقيدة حيل بنضراته احس عيونه تراقبني شلون ما ادور يباوعلي خلصنه اكل وحجت
نورة/ حبي ايه غسلي الماعين ترا احنى مو خدم عندج يجيلج كولشي ع الجاهز
ايه / ايي حياتي تدللين هسه اغسلهن
غسلت لماعين ونضفت المطبخ
وصعدت الغرفتي صار العصر واجوا وادم يتباركون نزلت سلمت وهاي نوب اجه حسين اخوي وجوهرة مرته همه تباركولي وراحوا انه گاعدة
وسمعت نورة صرخت وطايحة ب الگاع وشعرها مكفش رحت ارد اگومها ضلت تصرخ حيل بعدي عنييي ساقطه لا تطگيني ضليت صافنه انه
نزل محمود يركض
شيخ محمود /خيرر شصايرررر شبيج
وهيه ضلت تصرخ
نورة / محمووود گطعتني هاي الحية اخخخخخ كلشي بيه يوجعني محمود كتلتني والله ماسويت شي فاتت من يمي وطگتني اريد افك روحي منها ماكوو
ايه / ........يتبع

هلاو حبايبي لهنانه ينتهي البارت صوتوت وعلقوا حبايبي الحلوين