تزوجني وجبرني على حبه

بارت 18

ما شايف البيت  شثگله من دونك ،
وحگ دشداشتك و شماغك و لونك ‏﮼‏﮼
كلما اثگل و ينسد بوجهي الباب ،
اتذكر وكتها سدت عيونك

گلي شناقصك ؟ و افرش شليلي وياك
و اسولفلك حچي الماشوف ينسونك
نقص علاگتك ، و المغرب ، و طاريك
تره الترسو الچادر ما يعوضونك •

الكاتبه: - زهراء الموسوي

شيخ محمود / هااا بويه شلونج
ايه/  ها شلوني بعد شلوني  اووف
شيخ محمود / بنيتي ديري بالج على روحج لا تعبين روحج ترا هذا لبجي والصريخ ماراح يرده
ايه / محمود انه احس گلبي يريد ينشلع حسوو بيه اخوي هذا
شيخ محمود / والله حاس بيج بس هيج حرام عتراض على امر الله كاافي حتى حرام هيج والله امر الله هذا خو مانروح نموت ارواحتنه وراهم
عمتي شلونها خو ما متأذيه
ايه /  ايي الحمدلله على كل شي
امي ب الضيم كل شويه تطيح منهااارة كلش
شيخ محمود / الله يساعدها
يلاا بنيتي دخلي وديري بالج على روحج وعلى امج
ايه / ان شاءلله
دخلت جوا صار وقت الاكل اجت بت خالتي نورة
نورة / حبيبتي تعاي اكلي شي
ايه / ماشتهي انه بحال اكل هسه شبيج انت
نورة / حبيبتي الخاطري والله مايصير من امس ما ماكله شي وبس بجي تطبحين الخاطر امج اذا مابيها بعدزحيل شوغات
ايه / ماگدر والله
جببرتني نورة ب الگوة اكلت كم لگمة
خلصنه وضلن النسوان يجن
رحت يم امي لگبتها تصرخ وتنعي وتبچي
ام حسين / يمةةة فهودي يمه يبوو طول الخلوو يبووو ضحكة الحلوووة يمه كبرو الگبر خلوني انامن يمه يمه صغير بعدك وينك وين الگبور  يمه يبعد امك اگعدلي وليدي يافرحة ماتمت فهود يمة
گعدت وضلت تعني لطمت لطمت وطاحت ملينه منها غسلنه وجها هااي ماگعدت اجو خواني وخالي اخذوها للمستشفى
وخلص اليوم كله لطم وصريخ وقهر والوادم كلش هوااااي تجي
صار الليل اريد انام ماكو نزلت للصاله اصفن ع الصاله اتذكر هنانه گعد هنانه گام هنانه ضحك خويه والله ماگدر انسه منك شي
حطيت راسي ع القنفاة وضليت ابجي مادريت بروحي شلون نمت گعدت جسمي متكسرر گعدت على بچي ابوي يصيح فهد بويه شحلات الصبح جان من تتريگ ويانه بويه ارجع بويه والله الدنيه ماتسوا شي بدونك . واحد يگعد على قهر وضيم
باوعت الاسد اسد من النوع الهادء كلش  گاعد ويحچي ويبچي صاح على ابوي اجه ابوي يمه اسمعه يگله بابا راح اخوي وصديقي وروحي من الدنيه راح بعد ابد مايرجع هااا زين مابيها مجال ابد يرد  بعد منو يوصلني للمدرسه كل يوم الصبح متعود هوا يگعدني بعد منو يگعدني منو يوصلني بويه فهد صح اكبر مني بس انه ويا نفس الاصدقاء فهد اخوي وصديقي وابوي وكلشي بحياتي
ابويه سمع اسد يحچي ويناشغ ودموعه يصبن كض دشداشته وشگها من الطول لطول وضل يلطم ويصرخ امي فاقدة نايمه كلشي ماتدري كل ماتگعد تلطم تلطم وتطيح  اجوله
خواني حسين وحسن اخذوة وگعدوة وشربوا ماي
ابوي چنت اشوفه كلش قاسي اگول گلبه من حجر بس هسه گلت لااا ابوي ماكوا بشر مثل محنته
مادري من راح فهد كسرة جان ما حاس ب الدنيه وهسه من راح فهد شاف الدنيه شلون زغيرة
والله اصفن واگول الي يروحله عزيز تصير الدنيه بعينه ضيگه تصير الدنيه ابد ماتسوا شي هيه هاي الدنيه لو بعد منها
اجن النسوان يعازن
ونفس الاحداث هم بچي وصريخ ولطم
صار العصر وكت الختمه
حطينه صواني هواي كلش وصور الفهد وشموع وجكليت وحنه  وقاطه معلگينه وكيك
والملايه صوتها يجنن
وقرت يمه ذكريني من تمر زفة شباب. من العرس محروم وحنتي دمي والجفن ذاري التراب
انه من گد مابچيت ولطمت اغمه عليه
وبعد مادريت بشي بس حلمت  بفهد اجه يمي هيبه والملابس اللابسهن شنوو  اجه وگف على راسي گلي ترا ازعل عليج اذا بچيتي بعد
انت دا تضوجيني ب البجي مالتج.
تردين تفيديني؟
اقريلي قرآن سوي ثواب البجي ميفيدني
انه گعدت لگيت روحي ب المستشفى ومخليللي مغذي ضليت اصلِ على محمد
اجه محمود
شيخ محمود / هاا الحمدلله ع السلامه
ايه /الله يسلمك اكلك جنت احلم بفهد
شيخ محمود /خير ان شااءلله
سولفتله الحلم
شيخ محمود / هااا جا شگتلج انه مايصير تبجين دا تأذونه بس ماتقتنعين  يلاا شوي ويخلص المغذي وگال الدكتور طلعها مابيها شي بس منخفض ضغطج لان ما ماكله شي  والحمل مأثر عليج هم
ايه / حمل شنو؟
شيخ محمود / انتِ حامل توا گالي الدكتور بس بعدج بداية حمل ديري بالج على روحج وعلى البيبي ترا مايصر هيج اذا مو الخاطرج الخاطر البيبي الي بطنج
ايه / الحمدلله (ابد ما فرحت من دريت حامل انه ابد مو گد المسئوليه بعدني زغيرة وانه اصلا زواجي كله ماردته ولا مقتنعه بي صفنت اذا بنيه بهذا المجتمع ماريدها تعيش نفس ما انه عشت ونجبرت على كلشي بمجتمعنا البنت نفس الخدامه تخدم وياخذون منها حاجتهم ويشمروها هذا شغل المرا بعد لا الها حقوق ولا هاي )
خلص المغذي وطلعنه گال محمود ترحين الاهلج لو ترجعين وياي للبيت
ايه / لا ارجع للبيت تعبانه
دخلت لاگتني خمائل شبگتني وضلت تبچي بعلوا صوتها بچيت بچيت وحسيت روحي راح اطيح عيوني غوشن  دخل محمود
شيخ محمود / خماائل صدك چذب انه جبتها هنانه حتى ترتاح نوب انت تتلگينها شوفي شصاير بيها