تزوجني وجبرني على حبه

بارت 20

أمس بوجوهم چم مرّة شفتك
بكل وجه وجهك طلعلي
الله مدري شلون كضني وما صحتّك
أمس ما اذكر شسمهم
چا صحت بـ إسمك عليهم من شفتهم
چان عرفوا انه احبّك .

الكاتبه: - زهراء الموسوي

ام حسين /توا طاح واخذوا للمستشفى
زهراء/ ولج ايه ابوي ابوي كلش تعبان
ايه /صخخام صخمني شبي ابوي يمه اسم الله محروس ب الله
ضليت افتر اروح وارجع وافرك بأيدي يااارب ردة الي سالم يارب لا تكسر گلبي بعد يااارب والله مالي حيل صدمات بعد بارب احلفك ب الحسين والحسن وام البنين اريد يرجع ابوي سالم
ماكوا ايه قرانيه ماقريتها ولا ضل دعاء ما قريته البيت متكهرب كللش امي بس تبچي وزهراء ساعه تبچي وساعه تلطم وساعه تروح تصلي
اخر شي صارت الساعه ب 10 ونص ب الليل نتصل على الولد ولا واحد يرد تالي اجه حسن
ام حسين / هااايمة بشررررني شلون ابوك
حسن / يمة شأبشر كلش ب الضيم جاياتله جلطتين وصاير عنده تضخم ب الشرايين والسكر مفول عندة وبس الله ورحمتة
زهراء/  يمةةة اسم الله مايشوف شر ان شاءلله
حسن / ادعوله كلش محتاج دعائكم
ايه / يگوم ب السلامة الله يشافيه ويعافيه ويگومه النه سالم
راح بدل حسن وراح وراهم للمشفى  لان جان لابس صروال وتعلاگة من گد ما مستعجل وشاف حالته خطرة طفر. بدون ميبدل ودا للمستشفى
انه ضليت الليل كله مانمت صارت ساعه ب 2 ونص وانه گاعدة حسيت روحي مختنگة گمت لغرفة امي
لگيتها گاعدة لازمه القران تقراء وتبچي
وگفت واسمع لقرايتها ودموعي تصب ضليت واگفا هوايه ب الباب هيه دارت
وشافتني
ام حسين / هاايمه شبيج
ايه / يمة مختنگه
صاحتلي رحت نمت ب حضنهاا اوووف شگد مشتاقتلج شگد مشتاقه الحضنج ليش خليتيني هيج ليش شمرتوني اريد ارجع نفس قبل من جنت طفله ماريد محمود ما اريد شايفين من واحد نتقيد بشي ومايگدر يفك عنه انه هيج احس روحي تقيدت بمحمود وهذا قيد بعد ماگدر افك منه
ضلت تقرعليه امي
ام حسين / يمة حطي ايدج على گلبج ورددي وياي الم نشرح لك صدرك ورفعنه عنك وزرك
ايه /ضلت امي تقرا عليه قران وادعيه حسيت كل الخنگة راحت الحمدلله
ام حسين / شبيج يمة سولفيلي فضفضيلي انه امج
ايه / اول ما حجت بجيت
ام حسين / لا تبجين عزيزتي ابنيتي فدوة اروح لدموعج كااافي گليلي منو وياج
ايه / سولفتلها عن الي صار. وياي ونور شنو سوت ومحمود شنو سوة بيه
ام حسين / يمة تحملي بيج وما تتحملين هذا رجلج درة من الله وما يتحصل انت لس سايسي وشوفي وهذا هيج يسوي النسوان لاعبات بعقله ترا
ايه / (اووو لسه بعدهم يحمددون بيه ما مستسلمين ابد )
ام حسين / يمة جا انت شنو شايفه لو شايفه قبل ابوج شلون عصبي وقافل كلش واذا حجه كلممه ماتصير ثنين والله قبل مجرم وياي
مرة من المرات طگني صواب كسور ثنين صارن ب ايدي
وكله وتحملت جان اذا يلزمني اصير زرگة يلا يعوفني
يمة تحملت وصبرت وانت حمدي ربج وشكري ماعندج عمه وحموات ما مزوجات ونسوان حمه
انه جانت عمتي حته طگ تطگني وتصيح وتفشر  وحمواتي عبالك عدهن خدامة مخلياتني
ايه / يمه انه ماعندي حموات ولا عمه بس عندي حيايه عندي شرايج 3 وحسبي حسابج والله يايمة زمنكم يختلف عن زمنه بعد وين ديرة الكتل وين اكوا زلمه يمد ايدة على مرا انتم مادري شلونكم
ام حسين / الله كريم والله تخلص وتصير سوالف
اكلج انه ياهوا گال اطلع بيت وحدي واستقر مو جنت انتم 8 وكلحنه بغرفه وحدة وعمتي تريد والجهال تريد والرجل يريد
والحمدلله تخلصت وهسه وين وقبل وين
ايه / الحمدلله
ضلت امي سولف وياي ونمت على رجلها مادري بروحي شلون نمت صار ثاني يوم جابوا ابوي
ابوي كلش تعبان انه من شفته على عربانه وحلگة داير وگوة گاعد  وصاير بيه ضليت ابچي ابد ما صيطرت على روحي وين ابوي جان اذا حجه كلمه كلها تسكت وين جان طوله وگفته والاه حسافه
مر تقريباً 6 ايام عند اهلي وابوي كلش حالته كل ما الها تسوء انه كلش مهتمه بيه اكله وشربه وتگومته كله انه وامي بس تبچي وهيه هم تعبانه موتت فهد كسرت ضهرها الها وكل يوم نفس الروتين بجي وصريخ وصادف يوم خميس العصر عدنه قرايه واحن خواتي وشبعت بجي اجت ام ندى موت فهد الله يرحمهم موتت روحها من البجي وسوينه ثواب وادم هواي ضلوا عدنه
صارت ساعه ب 8 ونص ب الليل واجالي اسد
اسد / توته شيخ محمود يگول خل تحظر روحها وتجي انتضرها ب السيارة  
ايه / روح گله ماتروح
اسد / اوك
ايه / شويه واجه اسد گال گتله ماتروح گال روح صيحلي الحسن وگلت الحسن وطلعله
بعدة اسد يمي واجالي حسن
حسن / ايه حضري روحج رجلج ب الباب
ايه / ما اريد اروح ويا اريد اضل كم يوم ارتاح
حسن / صارلج 7 ايام عدنه يعني شگد بعد تردين تضلين
ايه /ترا انه ما ضاله بيتك انه جايه لابوي وامي ذاك الوقت من اجيلك عود اطردني وگلي لا تجيلي
حسن / ايه خليني محترمج وروحي ولي البيت رجلج انه الخاطر ابوي لسه ما ماد ايدي عليج ابوي مريض وماريد اسوي مشاكل
ايه / گتلك ما اروح اريد اضل انه قابل گاعدة على گلبك شنووو
حسن / باااعي عناد لا تعاندين اختج مختاضه وان شاءلله شكم يوم وتطلك وانت هم جايه تردين تضلين تختاضين عدنه واحنه يصير بيتننه تالي بيت مطلقات لمي هدومج ونقلعي مالنه خلك احنه عليمن عرسناجن حتى نرتاح منجن يعني تضلن كل يوم وجايات النه مللتنه تراا
ايه / حسن شبيك ان
اسد / حسن شنوو هذا الحچي عوفها  براحتها وخليها عدنه انت شايلها ع راسك
حسن / بااع ولي منا ولا تدخل بسوالف لكبار احسن من ما اصطرك على وجهك
اسد / صدگ ما تستحي لو اعرف على منو طالع
ويه ماحجه اسد حط بي حسن راشدي
ولزمني من ايدي ولواها ورا ضهري
حسن / لبسي عباتج ولي فكنه الزلمه دا ينتضر برااا
ايه / گتلك ما ااروح لو مادري شنو
حط بيه راشدي ودفعني على الگاع حسيت ذاني نزرفت وضل يصيح گدامي يلا گدامي ولي
ايه / من شفته طگني خفت وخفت على الطفل الي بطني لا يتأذه صدگ  رحت بسرعه جبت عباتي وانه ابجي لبستها ورحت حتى ما سلمت على امي وابوي وزهراء من شافتني هيج ضلن بس دموع يصبن كلشي متگدر تسوي لا خول ولا قوة
رحت للسيارة دموعي يصبن
محمود يعرف انه اخاف من حسن وكلمته ماشيه ع الكل راح صاحله وخلا يحجي وياي بس بسيطة انه اعلمك يمحمود اذا ما اندمك
شيخ محمود / هااا الله يساعدج شنو مساع تگولين ماريد اجي هسه شنو غير رايج
ايه / محمود عوفني رحمة لوالديك بعمرري وحياتي مشايفه بشر نفسك ولكم حرام عليكم والله دا تعبوني انتم شنو متحسون بيه حرااام والله تعبت وضليت ابجي
محمود من شافني هيج سكت اي شي محجه مدري شعجب
وصلني للبيت رحت للغرفه قفلتها ودخلت ذبيت روحي ع الجربايه وضليت ابجي شويه وندگ الباب
محمود يدگ ب الباب ويصيح
شيخ محمود / ايه فتحي الباب فتحي خلني احجي وياج شويه فتحيييي
ايه / محمود عوفني بحااااالي ترا تعبتني عبالك هيج اضل احبك لا والله انه دا اكرهك ب الزايد روح عوفني بحالي عندك 3 نسوان غيري شكو لازگ بيه اله انه دمرت حياتي الله ياخذني اريد
شيخ محمود / اوك هيج صارت بسيطه انه اعلمج راح محمو صااار هدوء كلش
ضليت ابجي يربي وين اولي اروح لاهلي هذا حسن يطردني ويطگني وانه هسه مو علمودي علمود الي بطني  عبالك انه گاعدة على گلبه زين هوا ليش هيج انه شنو سويتله ويتعامل وياي هيج حطيت ايدي على بطني راح اصير ام اذا ولد اسمي فهد واذا بنت ود لااا ماريد بت نفس هسه انه وتتعذب وتصير نفسي ختنگت من التفكير ضليت ماگذر اتنفس ابد ويمكن اذا اضل ب الغرفه اكثر  انفجر
رحت نزلت جوا رحت للحديقه ارد اگعد على المرجوحة لگيت جبل گاعد ويدخن وطاگاتهه صفنه
ايه / جبل ليش تدخن ذب جگارة بعدك زغير وينك وين التدخين
جبل / انه اريد ادخن انت شكو لا تدخلين ماعليج بيه
ايه / على كيفك شنو گتلك انه تمام ع راحتك عفته ودخلت اوووف شبيهم كلها شايله الدنيه على روسها
رحت للصاله وصفنت وصبن دموعي
انه صايرة كل ما اصفن يصين دموعي لا ارادي

اجه جبل وراي
جبل / ايه ايه والله اسف اسف والله مجان قصدي اصيح بوجهج انه ضايج واجت بوجهج والله مجان قصدي
ايه / عاادي
جبل / تبچين  لا عفه عفه مسحي دموعج عمي اسف وحقج عليه يلا فدوة لا تضوجيني
وباجر معزومه انت ولوالد مطعم على حسابي
ايه / تسلم ماريد منك شي بس سلامتك
جبل / طلعتي ام دميعه شسالفه
ايه / من ظيم ابوك مو حقي بس ابجي وحدة الغيري نتحرت من زمااان
جبل / لا تذكريني ب الظيييم عوفيني بظيمي
ايه / خيرك؟ شصاير
جبل /بعد شصاير يخويه والله لعبت نفسي عمي الي يحب ينلعب بي طوبه
ايه / شنوو شصار
جبل /قبل شويه خابرتلي غدير تگول اسمع ابويه عصبي ويصيح وامي هم عصبيه بس صوت ابوي يكل لامي لا انطيها لا العمامها ولا الخوالها بنيتي بعدهي زغيرة شنو ماعندي خبز مزوجها بهيج عمرر
ايه / ايي ترا انتم بعدكم ثنينكم زغار كبرو شويه ونوب زوجوا
وترا ابوها هم حقا هسه من يقبل ويگول موافق ترا فشله من اخوه يعني قبل كم يوم رفض ابنه وهسه يزوجها هم راح يگول شنو الخلل الي بأبني حتى رفضه
جبل / ايي صح بس تدرين اذا ما نطاني ايها اروح احرگ بيته عليه
ايه / العن الشيطان  وتهده ولا يگص الشيطان عليك
ايي ونوب شنو تستفاد تضل من سجن السجن
وهيه تشوف حياتها وتزوج
جبل /اوووف ياربي صبرني
ايه /شنوو اخبار دوامك
جبل / الاحد اروح للاقسام انه جنت ب الدوام وامس نزلت من القسم
ايه /هاا الله يوفقك
گاعد اسولف وسمعت صرخةة خمائل يمةةة موسى
رحت اركض انه وجبل لگينه موسى شامر مصخن ومرتفعى حرارته وشامر
اجه محمود يركض

شغل السيارة واخذه للمشفى هوا وجبل

خمائل / ........يتبع

الكاتبه: - زهراء الموسوي
هلااو حبايبي اسفه ع التأخير ب البارت بس نشرته واكوا خلل ماعرف شنو ماكو كتابه  ماعرف ليش وهسه رجعت كتبت من جديد 🥺😔 ونشرت من جديد تعب تعب
وهاااا لتكول البارت قصير اكتلها اگطعهاا 😡😠كتبته مرتين والله كلش تعبت بي
يلاا علقوا هواي تعويض وصوتوا حبايب قلبي