عطرك بده يختفي!!
من ياخه هدومك
، وشلون بينا بعد؟
لا عطر منك بقى ولا جية رسومك !
صح احنه مشتاكين لك
بس والله مالومك
والموت لو ينكشف چا انكشف عنك ،
دورينا بكل كتر بس ماكو أثر منك ؟
تريد الصدك والصدك ؟مشتاگة لعيونك
وياريت لو هسه تجي
ونكعد سوه وتبتسم
وياريت ذاك الحلم يطلع صدك مو حلم 💔
شايف جدار وعٍتگ ؟
هيج احنه جاي ننلثم
! العيون هاي انعمت
والوجه هذا ذبل ،
لالا والتحز بالگلب كالو فراكك سهل 💔
الكاتبه: - زهراء الموسوي
شيخ محمود / گتلج ما صاير شي
ايه / عليك بروح ابوك شصاير
شيخ محمود / اول مرة اشوف دموع محمود تنزل دنگ وگال فهد
ايه / يمةةةةة شبي فهددددد.
شيخ محمود / البقيه بحياتج فهد طالع هوا وزوجته ومسوين حادث وبساعتها ميتين ثنينهم
ايه / لااااا يمةةةةةة فهددددددد يمةةة فهيد الحنين ليش محمود ماخليتني اشووفه يگلي طاگ گلبي عليج
كله من ورااااك ليش ليش ليش حرمتني من شوفة اخوي ليش
شيخ محمود / گومي بدلي خل اخذج
ايه / هسه من ماااات تريد تااااخذني شسوي رايحة بعد انه انه ردت اروح اتباركله بعرسه هسه اروح الفاتحته لاااا
رحت للفاتحه خذاني محمود الطريق كله اگول يارب كون ماميت يارب كون بعدة عدل كون محمود مشتبهه يااارب كون حلم واگعد من النوم
دخلت لگيت ابوي مربع بنص النسوان وحاط الجفيه على راسه ويلطم ويه النسوان بنصهن ويصيح بعلوو صوته فههدددد بوووويه كسرت ضهري بويه بويه بعد ماگدر اگوم بووويه ليش هيچ
معرررس ليش مودينه للگبور معرس ليش مودينه للگبور
ورجع لطم على عيونه وصاح يل شالع طبجه من ضلوعي ويدگ نفس النسوان بووويه فهيد
وامي فاقدة. وتدگ كله على عيونها دخلت
ايه / وين فهد
خويه فهد خويه اگعد تلگاني خووويه انتَ مو گلت تعاي مشتاقلج خويه هاي انه اجيت خويه فدوة اروحلك اگعد
شافني ابوي اجه شبگني وضل ينحب بعلوا صوته
ولج بويه رااااح راااح بعد محد يتلگاجن الحنين راح ابو ملگه الحلووو فهيد وليدي
اجت امي هايمه ايه يمه سمعتي يمه راح فهيد يمه ابني ماات ايي والله ميت ابني بس يمه يجوز بعد عدل متبيهاا مجاال يرجع ابني هااا يمة فهد ولك يمة ولك فهد يمه ارجع الخاطري يمه انه ربيتك وتعبت عليك يمه الخاطر رباي ارجع يمه بعدك عريس يمةةةةةة
ذبيت روحي ب الگاع ضليت ادگ على وجهي
ولك فهدددد ولك اگعد تلگاني امس يگلي تعااي انه طاگ گلبي عليج
لطمت لطمت وبعد مادريت بروحي گعدت لگيت النسوان يغسلن بوجهي
اجت ام العروس ام ندى وخواتها
ام ندى/ يمةةةةة نداوي يمه لو ادري هيج ماعرستج يمةةة بنيتي ولج يمة بعدج عروس كلشي ماشفتي من حياتج شبسرعه راح ترحين
شويه وجابو التابوت مالتهم حطوا رحت
كشفته باوعتله مبتسم اجن خواتي موتن ارواحتهن ضليت احچي ويااا
فهد خويه والله طولك ماهوا طول مال تابووووت
خويه طولك طول عريس ابد التابوت مايلوگلك خويه گلبي راح ينشلع ارجع
خووووويه ارجعععع خل اشوفك خويه تروح وتعوف اخيتك لا تروح فدوة الطولك
بسته براسه وبسته بخدة واخذت ايدة بستها خويه وين صوابك خل اشدة فهد خويه گلي شنو اليوجعك فهددد
كشفت مرته يمة حرامات هذا الجمال كله يندفن
اجه محمود سحني ب الگوة عن التابوت وشالوهن
رحت اركض حاافيه وراهم شيعوهم وحطوة ب السيارة وراحوا ضليت اركض ورا السيارة نهطرت و كـمـت وركضت ونهطرت اجه محمود شبگني كاافي لا تعبين روحج فدوة اروحلج كافي تعاي دخلي رتاحي
دخلت جاب ماي وغسل وجهي وشربني ماي
شيخ محمود / بنيتي هذا قضا الله وقدرة حرام هيج تسوين هذا تجبر على الله انت تدرين من تبجين وتلطمين هاي گاعد تعذبونه يريد يگللكم لا تبچون انه رحت يم رب رحيم ارحم من الام على ابنها بس مايگدر يحچي ويگول هوا راح هناك راح يرتاح شيسوي ضال هنانه بهاي الدنيه القذرة الله حبا وختارة وخذا
كافي يروح محمود لا تعبيني
راح محمود وكل شويه تجي مرة اول ماتدخل تصرخ وتطلم نگلبت الدنيه گلاب من النسوان
تعبت كلش حسيت الدنيه تفتر بيه
تلكَ الليلةُ أتذكرها جيدًا، لقد تساقطت فيها دموعي كالمطر الغزير، و شعرتُ بِحرارة تَكاد تُذيب قلبي، لقد كنتُ ضعيفًا للغاية، لأبكي بعُمق الذي يَود أن يُخرج إنسانًا أَحبّه من قلبه..بدموعه و انهياره..
اجت امي
ام حسين / يمه ايه شفتي غرفت اخوج شفتيها انت ما اجيتي بعرسه لو شايفته رگص رگص يمة وليدي فرحااان تعاي اراويج غرفته وهدومه لو شايفه قاطه يجننن يمة من لبس القاط طلع يجنن يمة كلها متعجبه عليه
ايه / دخلت الغرفة فهد وگفت ب الباب مال الغرفه وصحت خويه فهد گوم تلگاني خويه گلي هلااا خويه غرفتك وهدومك وعطرك خويه شنو انسه منك خويه ارجعع والله مشتاقتلك اكوا صورة مال خطوبته معلگها كبيرة كلش وگفت گبال الصورة وضليت احچي فهود خويه امس گتلي لا تبطين تعاي مشتاقلج خويه انت جنت تدري تريد تروح فدوة اروحلك ارجع مو گلب اختك راح ينشلع فتحت كنتورة متروسات ملابس وكنتور مرته ملابسها كلهن ما لابستهن وراحت
گعدت امي ولزمت قاطه وضلت تنعي بصوت عالي تنعي وتبچي واجه ابوي وحسين وحسن گابلوها
لزمت القاط وتنعي تگله
يمه فهد يمة اسمررر يبوووو عيون الوسيعه
يمه وتريد قاطك لو نبيعه يمه اگعد ترا گلبي شلعته يمه انه ردت الولد نعشي يشيله يمه ارجع ييمه وشوف حالي يمة يااايمة ياايمة يااافهيد يمه يمه گلبي نشلع يمه يايمه اخخخخخ يمة شيعود دخلتهم عليه يايمه يمه حننين وليدي يمه حنين يمه ماكوا منه وليدي سبع وماكوا منه
اجه حسن شبگني ويحاچيني يحچي ويبچي بعلوا صوته خويه ايه راح صاحبج راح رفيجح راح الحنين راح ابو گلب الحنين امس ع الغدا گال خابرت التوته گلبي طاگ عليها شتاقيتلها بس شوا ماجت اذا ما اجت بليل اروحلها يگول البيت فاهي بليه توته
خويه راح بعد مايفيد البجي ضليت اصرخ بعلوا صوتي نهاريت حسن گعدني وغسل وجهي بعد مادري بشي گعدت فكيت عيني و لگيت گبال عيني صايرة صورة فهد عبالك گاعد گبالي خويه شنسه منك مخليني نايمة بغرفته
رحت نزلت صاير هدوووء رحت دخلت للصاله لگيت ابوي مربع ب الگاع وگاعد يمة حسن وحسين واسد وامي وخواتي كلهن وما ينسمع منهم بس صوت الباچي وصوت ابوي الرايح ماكوا صوت صاير صوته صايرة بي شخطة من الصريخ ولباچي يحچي وگوة يطلع صوته بويه فهد بويه كسرت ضهري بويه ضهري نكسر بويه رحت وعفتني ليش بويه وين الموت الخذاك خل ياخذني خل ياخذني ورتاح المن عيشتي بعد بويه فهيد بويه گلبي يوجعني والله بويه گلبي احسه راح ينشلع گعدت نفس الگعدة مالتهم ماگدر ابجي احس دموعي خلصن احنى
لن نشعر بفاجعة الموت في حينها. .
حتى هذا البكاء الذي ينتابك من هول الصدمة لن يشعرك به .
ستشعر به عندما تجد أماكنهم الفارغة ماثلة أمامكَ دون وجودهم فيها .
عندما تفتقد حضور وجوههم، وروائحهم، وحديثهم ..
عندما تتفقد دفء أياديهم فلا تجده، وصوت ضحكاتهم فلا تسمعه .
يمكنك أن تشعر بذلك ليلة عيد، وأنت تنتظر على أمل أن يأتوا ليجعلوا عيدك عيداً، فلا يحدث ..
عندما تصبح أقصى أحلامك عناق صغير تضمهم به لعله يروى ظمأ فراقهم، فلا يحدث ..
سيظل جزء منّا مبتور حتى نلقاهم في جنة نعيم
فكُل أمرٍ في أوّله جَلل ثم يهون إلا الموت وإن بدا هين لا يهون .
أمواتنا لا نبكيكم إعتراضاً فكل نفس ذائقة الموت ... ولكن نبكيكم إفتقاداً وإشتياقاً .
تذكرته من نايم ب التابوت وبسته
هاي البوسة الي تبوسها ل احد مات
خلص هاي تعتبر اكثر شي تترك شي بداخلك ولفتره كلش طويله ويمكن طول عمرك .. انته تعرف ومتأكد انو راح تكون البوسه الاخيره ف بالتالي تبوس ايده ورأسه وتتمنى متعوفه وتكله مسامحني وراضي عليه وساعتها مشاعرك كلها تنهار ،
بحيث تنولد داخلك حركه وغصه بالقلب ماعده الشعور بالعجز .
من تباوع ع شخص عزيز عليك وهو ميت ملامحه عمرها مراح تنشال من ذاكرتك ويمر شريط حياتكم وكلشي سويتوا سوه كدام عيونك ،
راح يضل بعقلك كانوا راسم صوره واضحه وثابته داخلك وتتذكر اخر دقيقه جنت وياه
ماكو شي نهائيا يشبه رهبه الموت ماكو شي ابداً يشبه انك تفقد شخص للأبد بدون رجوع.
صار ثاني يوم الفاتحه وكل شويه جاي مرة وكل شويه جايه ملايه هلكنه هلاااك حسيت امي راح تموت تجي المرا توگف گبالها وضلت تصيح ساعتك وين اوديها وهدومك وملابسك وكتبك بحيث يخلنها تفقد واكوا قسم يجن يهدأنها ويگللها هاي قسمته ومايصير تبجين عتراض على امر الله وتجي وحدة تخليها تفقد
فاتحة ندى سووها بيتهم
انه گاعدة واجت طفله صغيرة
گالت العمو يصيحلچ برا
طلعت لگيت محمود
شيخ محمود / ........يتبع
لهنانه ينتهي البارت
الكاتبه: - زهراء الموسوي
كـمـت أمـر #بترابهم واشتم عطرهم 😔
واسأل اتراب #الگبر⚰️ يوميه عنهم💔
بـعـده لـون الـورد مرسوم #ابـوجهم 🥺
لـو #تـرابـك يا گــبــر غــيـر شكـلـهـم😭
أنت تقرأ
تزوجني وجبرني على حبه
Ficțiune generalăايه/ اول ماحچة نفجرت ب البچي شيخ محمود / احچي بويه شكو شصاير ايه /السايق عافني وراح شيخ محمود / هاا عادي ماكوا اشكال تعالي اوصلج بسيارتي ايه/بس خاف ازاحمك(عيوني مورمات وحمر من البچي ) شيخ محمود /لاماكوا اي زحمة ايه / يربي هذا مدري وين شايفته راح ي...
