تزوجني وجبرني على حبه

بارت 23

یا بعد خيط النفس
ميخالف ..
مُر عليه بغير نسمة
بلا شلونك يا حبيبي
بغير حِس !
مرني چنك ما ألك بيه عِرف،
لا معاشرني أمس،
مُرني بَس عاین عليّه
وأنت ماشي!!
نظرة عيونك ضوه يسولف هَمس
نظرة من شاطي الکحل
تمسح مرآيات روحي
تجيسهن بوسة شمس ..

شيخ محمود / مستحيييل الاء ارجعها من سابع المستحيلات
ايه / محمود فدوة الخاطر الطفل الي بطنها
شيخ محمود / ايه صدگ تحچين انت شگد گلبج طيب رغم كل الي سوته وياج وتگولين ردها ومكسور خاطرج عليها
ايه / فدوة محمود خطية انه احس روحي سبب بتهديم بيت لا تخلي ضميري يأنبني
زين الطفل شنو ذنبه ؟؟ هيه هيه تولي و الطفل ??!"
شنو هوا وحد من الاطفال امه وابوة مو سوا
شيخ محمود / ايه رحمة الوالديج عوفيني من هلموضوع الاء المشكله مالتها صارت ويايه مو ياج صارت ويايه تدرين انه جدام اهلي وناسي شگدني صرت من مرة لعبت على عقلي اناا شيخ محمود مرة تلعب عليه وتتفق من ورة ضهري والله انه ردت اكتلها خلاص بس عيون عمي عرضن گبالي
ايه / محمود فدوة لخاطري فكر ب الموضوع
شيخ محمود / ان شااءلله افكر ويصير خير
ابوها اول امس خابرلي گال اريد ارجعها
گتله عمي هسه مو قتها انه بدلي من اشوفها اموتها
يگلي علوا تموتها وتفكني من شرها
ايه / ايي محمود فكر من كل النواحي لا تفكر بس من جانبك فكر بيها ب الطفل بكلشي فكر
شيخ محمود / ان شاءلله خير انه باجر عندي متحان لازم اروح من وقت للكليه خل انام يلاا لا تلهيني
ايه / اوك تصبح على خير
شيخ محمود / هاا تعاي يمي وين رايحه
ايه / مارايحة
سحبني من ايدي ونيمني على ايدة حطيت راسي على صدرة حسيت بالامان وحسيت محمود هوا اماني وهوا سندي احبه هواي احبه احبه واموت عليه
نمت گعدت محمود ماهوا رايح للدوام ختنگت ضليت گوة اتنفس
عبالي تأثير الحمل
بس لليل هم نعادت عليه الخنگه اضل اريد اتنفس ماكوا

بعد مرور 3 اشهر .............

ونفس الحاله اختنگ تصير عندي حاله الخنگ اضل گوة اتنفس

ايه / محمود يلاا خل نروح
شيخ محمود / جاي شويه اصبريلي
ايه / يلا ترا ماگدر اوگف هواي
طلعنه انه ومحمود نريد نروح للدكتورة
ايه / محمود
شيخ محمود / عيونه
ايه / شنو تتوقع بيه بنوته لو ولد
شيخ محمود / ولد
ايه / هاا وانتَ منو التحبه اكثر
شيخ محمود / شنوو يجي من الله حلووو بس بخاطري البنوته لان صارو عدنه ولد هواي
وماعندي ولا بنوته
ايه /هاا
وصلنه للدكتورة قبل لا ادخل شفت زلمة ب الشارع كبير ب العمر وحاط نفس الدبه كببيرة وبيها لبن ولبن متروس ترس ثلج وليمون ونعناع شكله يجننن يشهي
ايه / محمود اريد لبن لا يطلع بأبنك
شيخ محمود / تدللين اصيرلج لبن
ايه / رحنه للزلمة صبالي لبن
الزلمة / حامل بنتك
شيخ محمود / ايي حامل
ايي مبين عليها من وجها متعوب وشاحب
ايه / انه كلش ضجت من گال بنتك يعني محمود مايبين عليه الكبر بس ماعرف ليش منو يشوفنه يگله بنتك يمكن لان انه كلش ناعمه وجهي طفواي اكثر من الازم يلااا راح امشيها هسه بس مرت لخ اتعارك وياا الي يگول بنتك لو ابوج هذا
رحت للدكتور ودتني سويت تحاليل وسونار واجيت اباوع بوجه الدكتورة شنو راح تگلي انتضر منها كلمة بنيه لو ولد
الدكتورة / ماما بيج بنوته
ايه / صددك
الدكتورة / ايي بنوته وحجمها كلش طبيعي بس ماما بيح فقر دم قوي اكلي وغذي روحج الخاطر الطفله الي بطنج
ايه / ايي ايي انشاءلله كتبتلي علاجات هوااي ومقويات ومثبتات
بس دكتورة انه هليام اختنگ
الدكتورة / هاا يعني من انت حامل صارت وياج هاي الحاله و تضلين وقت هواي
ايه / لاا قبل لا اتزوج جنت مرات بس هسه على طول ايي دكتورة اضل فترا ماگدر اتنفس
الدكتورة / هاج ماما هذا عنوان مال دكتورة روحيلها خل تجيكج علمود الاختناق الي ديصير عندج
ايه / تمام دكتورة الف شكر الج طلعت من يم الدكتورة
شيخ محمود / هااا بشري شنوو
ايه / بنوته
شيخ محمود / الحمدلله والشكر
اجه محمود باس راسي وگال ام روان وابو روان حلوو مووو
ايه / وليش تريد تسمي روان خاف على صاحبتك
شيخ محمود /لااا ياابا يا صاحبتي. انه احب هذا لاسم من قبل واگول بس تجيلي بنوته اسميها روان وراح تجي بنيتي العزيزة
ايه / هااا ايي حلوو
اگلك الدكتورة گالت هذا عنوان دكتورة ثانيه اروحلها لان اختنك
شيخ محمود / هاا ايي باجر اخذج الها
لاا مو باجر اريد اروح لاهلي انه صار هوايه مارايحة من اربعينية فهد
شيخ محمود / ايي عادي هسه اوصلج الهم انه عندي موعد هسه لازم اروح
ايه / شعندك
شيخ محمود / بعد شعندي غير الگعدات وحل المشاكل
ايه / ايي الله يكون بعونك هاي علاجات كتبتهم الي الدكتورة جيبهم من الصيدليه
شيخ محمود / تمام نطيني
وصلني محمود للباب مال اهلي ونزل سلم على ابويه وراح بسرعه رحت انه سلمت على اهلي هوايه مشتاقتلهم
سلمت على ابويه و امي واسد
ام حسين / مروة جابت ولد
ايه / صدگ ع الخير الله يبارك بيه ويحفظه
ام حسين / الله يبارك بيج شنوو انت ماشفتي شنو بطنج
ايه / ايي توا جنت عند الدكتورة
ام حسين / ايي شنو گالت
ايه / بنوته
ام حسين / نعمة
ايه / ايي الحمدلله
اگلج شنو اخبار زهراء
ام حسين / عدنه بعد ما راحت ب الغرفه نايمه مايصير تتحرك
ايه / ليش يمة سم الله شبيها
ام حسين / جا ماتدرين سوت عملية ربط
ايه / يااا حبيبتي خل اشوفها
ام حسين / ع راحتج
ايه / رحت دخلت للغرفه شفت زهراء نايمة اجيت سلمت عليها گوة گعدت
ايه / نامي نامي لا تگعدين
زهراء / لا تعبت هواي من النوم 24 ساعه نايمة
شنو شلونج شخبارج شخبار البيبي
ايه / الحمدلله بخير انت شلونج اخبار رجلج
زهراء / الحمدلله امس اجالي يگلي راح اطلگها مرتي ورجعيلي مطلگها طلاك شيخ وبعد محكمة يگلي جذب اكوا مثلج انه احبج ومن تزوجت عليج امي جبرتني وهسه امس طفرتها مرتي
ايه / ايي وشنو گلتيله
زهراء / گتله ما ارجعلك وهوا ضل يحجي ويصيح ويهدد
ايه / لا خيه لا تخربين حياتج بأيدج رجعي الرجلج احسلج رجعي
زهراء / ايي خيه انه هيج بس اريدة شويه يحترم نفسه ولا اضل حدر ايد حسن ومرته الحيه يدخل يذب حچي ويطلع يذب حجي عليه
ايه / يولي لا تهتميله حگريه تصدگين سلمت عليه باوعلي ومارد نوب فوگها قوگ ما هوا الطاردني وطاگني نوب مختاض ومايسلم عليه
الله كريم يولون ايي شنووو الطفل الي بطنج صحة شلونها وشعجب ربطتي عود ليش
زهراء / الحمدلله ربطت لآن بيه تــؤأم 3
ايه / اللهم صلِ على محمد وآل محمد صلاوات
زهراء / ايي والله كلش تعباننة التعب مضاعف والله
ايه / الله يگومج ب السلامه ويعديلج على خير
صفنت گلت سبحان الله
كل تأخيرة والها خيرة من زهراء تأخرت ب الحمل الله ماقصر وياها عوضها ب 3
تذكرت الايه القرانيه
ولسوف يعطيك ربك فترضى
الحمدلله الله مايقصر ويه احد عوضها 4 سنوات وهيه مايصير عدها اطفال الحمدلله بس كون تعديلها على خير
رحت سلمت على مروة وتحمدتلها السلامةة
ردت عليه من ورة خشمها
رحت شلت ابنها نسخةة من فهد ومسمينه فهد
بس شلت ضايته اباوعله واحجي وياا گالت يلا لا ينملخ رجعي رجعت للسله ورحت نزلت
لگيت امي تسوي عشه
ايه / يمه حبيبتي روحي انه اسوي عشه ماعندي شي
راحت ضليت اسوي عشه كملته وحضرته گاعد اتعشه واجه محمود طلعله اسد گمت بسرعه بدلت وطلعتله
ايه / محمود شسالفه احيت ع.وقت بعدني دا اتعشى واجيت حتى ما كملت عشه انه گتلك اريد اضل عدهم شعجب اجيت حنى موعد الدكتورة اجلنا
شيخ محمود / علمود الموعد مال الدكتورة خابرت وگالت تعالوا باچر بس باچر اگعد وحجزت ع باجر ايي شعحب متأخرين بعشاكم
ايه / هاا الله كريم ايي اليوم متأخرين ضليت اسولف وياا
شويه وگفني يم مطعم
شيخ محمود / نزلي
ايه / وين
شيخ محمود / نزلي اعشيج
ايه / لا محمود اكلت شويه بعد ما اشتهي
شيخ محمود / نزلي حتى انه ماتعشيت اليوم اريد اتعشى وياج
ايه / نزلنه للمطعم طلب اكل محمود اكلنه ودفع لفلوس وطلعنه ضلينه نتمشه شويه لزم ايدي وعصرها حيللل
شيخ محمود / ايه احبج احبج هواي متصورين شگد
ايه / وانه هم احبك
شيخ محمود / فدوووة اروحلج فدوة
اول مرة اووول مرررة اسمعها منج هل كلمه بس تدرين يحلاتها بحلگج
ضلينه نفتر هوااي ونسولف
ايه / يلاا محمود بطني ضلت توجعني
شيخ محمود / هاا صدك انتِ ميصير تمشين هوايه
يلا يلا خل نروح صعدت ب السيارة وصلني للبيت
صعدت للغرقه شويه وسمعت الاء تصيح حيل صارلك 3 ليالي متجيلي الليله يمي ومحمود هم طلع صوته وضلوا يصيحون بلا هسه الاء شنو الي دا تحسه من تتعارك ويا لان ميجيلها
وهوا اول امس جان يمها
اجه محمود للغرفه مالتي
شيخ محمود / حبيبي بنيتي انه اروح يم الاء الليله خطيه اليوم يومها وصار هاي يوم 3 مارايحلها
ايه / على راحتك حبيبي
شيخ محمود / فدووة يروحلج حبيبج
ايه / راح محمود سديت الباب ونمت گعدت الصبح غسلت وبدلت و نزلت جوا لگيت محمود گاعد يتريگ هوا ومحسن
صباح الخير
محسن + محمود/ صباح النور
شيخ محمود / تعالي تريگي
ايه / اوك گعدت اتريگ وياهم ومحسن ابد ما طاحت عينه مني اكلني اكل بنضراته
محسن /اگلك محمود ايه ماعدها اخت نفسها صااكة اريد اخطبها
شيخ محمود / محسن شلك بهلححي اكل وانتَ ساكت ماعدها
محسن / تمام بس انه ترا اريد اتزوج
شيخ محمود / اييي وتزوج منووو كاضك
محسن / بربك يعني اروح انه ادگ ب البيبان واخطب واصيح اريد اتزوج منو تزوجني
غير تودي وحدة من نسوانك يشوفلي بنيه حلوة ومواصفاتها تعحبني اهلها خوش ناس جا هيه شلون الخطبه خو مو اني اروح واجيت
شيخ محمود / ان شاءالله يصير خيرر
خلصنه وقت المناقشات وگعدت ضليت اسوي غدا كملت على وقت اذن المؤذن صليت وگمت حطيت الغدا
اتغدينه وكملنه
شيخ محمود / ايوتي بنيتي چاي فدوة اروحلح راسي دا يوجعني
ايه / تدلل
رحت سويت الجاي وديته اله
شيخ محمود / يلا بنيتي تحضري حتى نروح للدكتورة
ايه / اووك
رحت سبحت وبدلت ونزلت المحمود لگيته مبدل وينتضرني
شيخ محمود / هاا يلا خل نتوكل
رحت صعدت ب السيارة الطريق كله اخذنا سوالف وضحك ومحمود بس يتغزل بيه حتى خجلت منه بس يضحك ويتغزل ويااي وصلنه للدكتورة
شيخ محمود / يلا نزلي
نزلت حاجز محمود رقم 2 رقم گبل دخلنه
گلتلي روحي سوي مجموعه مال تحاليل وسونار وهاي السوالف
رحت كملت كل الي گالتلي عليه
الدكتورة / ماما يعني بس من صرتي حامل صارت عندج هلحاله لو حتى قبل
ايه / ايي دكتورة قبل صارت وياي قبل لا اتزوج ضليت اختنك مرات بس هسه يعني هواي وعلى طول
الدكتورة/ وليش ما راجعتي تدرين انت الحمل ابد ابد ميصير الج يعني انتِ دا تعرضين روحج للخطر
عندج فد شي على الرئتين ورمة او تليف اريدج تاخذيلي وخزة منها ونشوفها يا اما حميدة او خبيثه بس انه دا تطلعلي ب التحاليل هيه مو زينه وصار فترا يعني لو جايه اول ما مختنگه جان تلاحگناها بس الله كريم نتأكد منها اكثر ب الوخزة
ايه / انه كلش خفت من گالت هيج نهاريت ضليت ابجي الدكتورة صاحت للسكرتيرة تصيح المحمود اجه محمود
الدكتورة / انتَ زوجها
شيخ محمود / ايي زوجها شنو شبيج ايه دكتورة خوفتيني خو ما صاير شي شبيكم
الدكتورة شرحت حالتي لمحمود محمود عيوونه صارن حمر وكلش صار عصبي
اجه لزمني من ايدي
شيخ محمود / حبيبي والله ما بيج شي لا تخافين ضل يقنع بيه ويححي وياي اخذني سويت وخزة طبعاً الوخزة بنج كامل بنجوني وخاطرت بحياتي وحيات بنيتي گعدت من البنج اريد احجي ماكوا بس ارد. بكلمة بتي بتي روانه بنيتي
طلعت من البنج ضليت ب المستشفى ثاني يوم رجعنه گالو 3 ايام ويطلع الزرع محمود من يوم گلولي لسه ما ماكل وبس يدخن واعصااب كلش وگاعد يمي مگابلني ويسولف وياي ويگلي كلشي مابيج والله كريم انت بس لا تخافين صارت الدنيه ضهر
ايه / محمود اريد اروح للامام العباس
شيخ محمود / ايه صدگ تحجين انتِ تعبانه حالتج ما تسمح هسه سفر وتعب
ولاتنسين مسافة بعيد البصرة عن كربلاء هواااي
ايه / محمود حتلوا اريد اروح
ما اطولها محمود گوة قتنع گال خوش گتله گل لخمائل تروح ويانا اجرلننه محمود سيارة وبسرعه حضرتلي خمائل مللابس وراحت وياي طلعنه من بيتنه الساعه ب 3 الضهر وصلنه 9 ونص ب الليل رحت گبل گبل قبل لا ادخل للفندق رحت دخلت للامام العباس
ضليت اشتكيله واحچي ويا شلون اذا گاعدة احچي ويه واخد عزيز واكلفه ب مهمه وحلفته بامه ام البنين ورحنى للامام الحسين ندعيت وبجيت وكلفتهم كون كلشي مابيه مو الخاطري الخاطر بنوتي الي بطني انه بعدني طفله كلشي ما شفت من حياتي
كلفته ومشيت للفندق صار ثاني يوم رحنى صلينه ب الامام وندعينه وتغدينه وطلعنه للبيت وصلننه تعبااانين مهلوكين هلاك لان روحتنه صا ت بس طريق هواي تعبنه من الطريق
ايه / محمود روانه تعبت ضلت تحوس حيل جيسها
حط ايدة مخمود على بطني رفسته حيلل
شيخ محمود / ههههه برعه تطگ ابوها العوبه
اول ما وصلت للبيت نمت احس روحي متكسرة صار ثاني يوم موعدي اروح بي للدكتورة اول شي متخوفه من الروحه كلش نوب قنعت نفسي گوة وطلعت من البيت رحت ضلينه على نار متحملين محمود بس يدخن وعصبي كلش ما يتحاجه
وصلنه للمشفى ماكوا دعاء ماقريته ماكوا تيه ماقريتها الانتضار كلش صعب يعني انه دا انتضر لو تگلي خبيثه لو تگلي حميدة گالت وصل السرة صاحوا ب رقمنه
دخلت خايفه دخل محمود ب البدايه دخلت ورا لگيت الدكتورة تحچي ويا
الدكتورة / ماما انت ....... يتبع

هلاو حبايبي شلونكم شخباركم لهنانه ينتهي البارت ولتگول البارت قصير اگطعها لان 2050 كلمة لاتنسون التصويت والتعليق احبكم هواااايه