💫 فرفارة فالكوزينة 💫

💥 بارت 9 💥

☄فرفارة فالكوزينة ☄
الجزء : 9
بقلم :فرح حدادي

تيمة : اويلي اشهاد الهضرة كتقولي

قمر :علاش مقلتي ليا والو و درتي لي قاليك راسك

تيمة : انا باغا مصلاحتك ا بنتي فالاخير انا مدايماش ليك

قمر : واش مصلاحتي هي نتزوج ؟؟

تيمة كانت كدوز يديها على شعرها دغيا دفعاتها

تيمة : هي كون قريتي و وليتي بحال كراناتك مزيان تبارك الله  كون كنتي تقراي كعما نزوجك جايا حاطة قزاابتك حدايا و تشرطي تكعدي عليا لهلا يقلب ولا يشقلب مع يماك كاع اوا هااك

مشات و خلاتها مصدومة عاد كانت حنينة معاها دغيا تسيفات 

قمر : اويلي هادي غا لي كاانت  حنينة بسم الله الرحمان الرحيم و ليني صراحة عريس تيتيز جابت ليا
تفكراتو شداتها الخلعة من كرشها  و بداات كضحك بجهد و تمرمد فناموسية

هزاات كفوفها لسماا و بداات بدعاء

قمر : يا ربي الى كاان فييه خير ليا يكتبو ليا يا ربي

داازت سيمانة على هاد الاحداث تعاارفو فيها كثر و تعرفو على بعضياتهم عن قرب تاافقو يديرو غاا خطبة كبيرة نيت يجمعو فيها العائلة كاملة صاافي

معندهاش مع قوة زواق و روينة و تا هو كثر منها
ليوم اتلاقى معاه بااش يمشيو يشرييو الخوااتم  باش لغد ليه الخطبة الرسمية لي ايكتبو فيها الكتاب نيت

كاانت فأبهى حلة لابسة كسيوة بالباج طويلة و مفرفرة من لتحت و فيها صمطة كحلة من جهة الخصر بالغين انيقة فرجلها و زيف اسود  مزينها معندهااش مع المكياج بزااف المكياج لي كيعجبها هو العكر داارتو فالاحمر فااتح كيبان طبيعي بحال لون شفايفها

خرجات لقااتو قداام الباب كيتسنااها بطنوبيلتو تريكو بالأسود و سروال بنفس لون شعر الخفيف لي عندو مطلعو تشويكة  وااااحد الشحر فملامحو كيخليها تبقى غا ساهية فيه

ياالاه غااادية عندو تا كتسمع صوت شي حد و ماشي اي حد صوت انثى

عتيقة بصوتها الملحون كيف العادة : عثمااان

.. .....# يتبع

قفااارت 😐😐 سمحو ليا و لكن مبغيتش نخليهم يدوزو الخرجة فرحانين خليها ترجع تبكي شوية 😂😂