💫 فرفارة فالكوزينة 💫

💥 بارت 4 💥

☄فرفارة فالكوزينة ☄ الجزء : 4 بقلم :فرح حدادي قمر : و هاادشي لاش امي لاش واااش يااك مكتشري ليا غا ب ستة و ستين كشيفة منين طاح عليك هاد الحنان تيمة : زيدي قدامي دير خير ميطرا باس خرجو بعدما لبسو جلالبهم و غاديين مشادين و ساكتين واحد تيمة عندها الخطوة فيها 4 و قمر مجرورة وراها مكتحملش تزربي و لكن فاش كتكون مع مها كتلعب المراطون غا باش تسيكلها فمشيتها قمر : مي تيمة : الصمت قمر :وا مي تيمة : شنو بغيتي تاني قمر : مبغيتش نخيب ظنك و لكن راااه هاد الصداقة لي بغيتي ديري راه مدايزاش حيث راه مفروضة عليك تيمة : اسكتي يا الحرامية وليتي تفهمي هااد الفهامة كنتي ديريها فقرايتك ماشي معايا انا قمر : واا مي راه عقلي ماشي ديال لقراية تيمة :انا لي عارفة عقلك لاش يصلاح زيظي قدامي بعد مدة وصلو لقصرية و دخلو ليها من هنا لهنا حتى لقاو شنو بغاو و لي مناسبهم مشات تيمة خلصات و رجعو لدارهم فطاكسي تيمة :ضربيها ليا بشي تسييقة راه ضياف جايين يلاه يلاه صباح هدا انا نمشي نقاد لغدا و نلقاك مسيقتيش مزيان تاعتك متعاود قمر : و لاهيلا حشومة عليك ا مي راني عييت تيمة :كنتي كتحلبي ليا البقر بسلامة مزيان مزيان قالت ليك عييت و سيدة خامرة تال زك نهار قمر : يا ربي صبر تيمة : و تي طلقيني سيقي بتيد و جافيل عاد عاودي بسنيكروا و كتريها باش تبقى ريحة نمشي نضب الغداء و نرجع نلقاك ساليتي دار داكشي لي قالت ليها مها سيقات دار رجعات تشعل بنقاوة و مها ضربات دورة فدار و مشات ليها نيشان هي لي تكات فالبيت شادة تليفون تيمة : ساليتي كولشي ؟؟ قمر : اه ا مي تيمة :و دوك الفيزان ليماك بقاو بغبرتهم تي نوضي مسحيهم و ضربيها بشي عومة هي هاديك قمر :غا هادي ندوش مفيا لي يحك تيمة : واا هيا المعكازة و الله متحكي تا نوريك قمر : داكشي لي عندي عندك جمعاتها معاها تيمة بقرصة : ليقل حياك اي حاجة بغاتها تيمة كدار فدار فاش كاانت كتقرا مكانتش تهز الكاس قليل لغسلات شي ميعنة ولا حجنات الخبز فشي أحد و لكن غا بدااها التخلويض و التفلية لقات تيمة لها بالمرصاد تسيفات عليها و طبقات المقولة ديال " يا تقراي يا تابعك جفاف تابعك " بعد مرور الوقت و هي فالحمام تيمة واقفة قدام باب دوش و كدق فيه تيمة :وااش نجي نحك ليك ؟ قمر :مفياش الوسخ ا ماما تيمة : وا غا حلي ضهرك شحال هدا محكيتو ليك حلات عليها قمر لي كانت لابسة غا سليب بدات فشعرها هي ياد تا دخلات عليها تيمة جمعاتو ليها شفنجة و شداات صابون لمنجل دارتو ليها لضهرها و غا مع الحكة لولة شعرية بدات كتفرتت فلارض تيمة : ويلي ويلي على مفياش الوسخ و هااد شعرية جبناها من الحانوت -ويلي ويلي تقول معايماش شهر يا بنيتي ترطبي الوسخ و تخرجي قمر : و راه غير ضهري مكنوصلش ليه تيمة : و حكيتي داكشي لاخر ؟ قمر : وااه سلات ليها ضهرها و دازت ليديها تيمة : كنتي باغا تخرجي هاكا يا المعكازة لوخرى قمر : وا والله ا مي مكان كيخرج راه غا بغا يكدبني قداامك تيمة : ياااه ولد الحراام مصدقش سيري دعيه كيكدب عليك ..

..# يتبع