☄فرفارة فالكوزينة ☄
الجزء : 13
بقلم :فرح حدادي
قمر : ههههههه بربي تااا مقطع الورااق
عثمان : تي حلي رجليك خلاص
حط يديه على ركابيها و هي تقفز
قمر : اهيا
عثمان : هههه باقي عندك الحوت فايق غا بلاتي تولفي و يفوتك لقفيز
قمر : تاا حشم شوية يا هاد راجل
عثمان :هههه غا ضاحك معاك اهياتا
قمر : اوا ماعرت
عثمان : يالاه نوضي جمعي رااسك ا مدام خااصنا نفطرو و نرجعو لداارنا
قمر : خليتي ليا رجلين باش نوض بعدا
عثمان : هههههه دبا تولفي ا زين
بعدما فطرو مشاو لداار من عاداتهم عائلة العروسة كتدي الفطور لبنتها فصباحها الأول
جات مها مخلات شنو جابت ها لبغرير ها الفاكية ها الحلوى ها المطلوع ....
بعدماا فطرو هاد المرة فطور عائلي بمتياز لبسات قفطانها لي خيطو ليها مع الدهاز و جلسات معاهم فصالون عاطيااهم صواابهم تا مشااو
ليلة سبع أيام و ما ادراك ما ليلة سبع ايام هي ليلة لي العروسة كتشمر على درااعها و تبين ليهم حنت يديها أحم بغيت نقول عجينة يديها فااقت ليك زينة البنات مع الخمسة كيما كتوصي فيها مها مخلاات موجداات ها المسكوتة هاا الحلاوي بشكال و نواع المسمن الحرشة المهم اليوم عمراات طبلة فيضات الحليب و القهوى و دارتهم فطيرموس بقا غاا يفيقو بااش يفطرو
جمعات دار و قاداتها رجعاتها تتشعل شمات فراسها شوية د ريحة د العرق و طلعات لبيتها بان ليها باقي ناعس مع شاد الكونجي هاد ليامات
جبدات حوايجها و دخلات دوشات على خاطر خاطرها خرجات بالبينوار و شافت ناحية مستلزماتها و مكياجها مشات عينيها نيشان ل. baby set و باستها
قمر : شفتي نتي و الله حتى الحب نديرك منسول فالعرق واخا منعوم سيمانة
( البناات نصيحة ليكم لي كيطون فيه العرق و ريحتهاا وااااو كتسطي انا شخصيا كنستعملها و تمنها مناسب و رخيص كتخرج العرق عادي مي مكتكونش فيه ريحة و عااد صحية كيستعملوها فالأصل لدراري صغار لقيت فيها راحتي كنستعملها عام دبا )
دارتها تحت طباقها و لبسات قفطان بالغوز بارد د جوهرة مع سنيديلة شعرهاا نشفااتو و دهناتو بزيت لوز دارت شوية د زيت جونسون لفمها لي كان اصلا حمر بالدوش مزاادت تا حاجة فوق هاادشي
حنيكاتها حمرين جمالها الطبيعي كان غالب على شكلها كتبان كيوت بزاااف
مشاات عندو لبيت كتجري ترماات حدااه
قمر : عثمااااااان
فاااق سااد ودنيه لي غوتات ليه فيها
عثمان :تي مااالك على ...
مكملش كلاامو و هو كاال عينيه فيها و كيشمشم فيهااا
عثمان :اشهااااد رييحة يا ربي فاايق عليهااا مع صبااح و اشهاااد الحنيكاات (جبدها من حناكها ) و هاااد الفيم معكر
قمر : و طلق ميمتي حناااكي
خطف لوشة صباحية من فمهااا و ناااض متوجه لدوش
قمر : و بزربة باااش نزلو نفطرو
عثمان :ههههه اوا اجي دوشي ليا
قمر : سير ليمسخك
عثمان :ههههه
...# يتبع
أنت تقرأ
💫 فرفارة فالكوزينة 💫
Humorقصة قصيرة كاملة : ☄ فرفارة فالكوزينة ☄ الأم : تي زييدي دلكي مزيان لعجينة كتبغي دليك و نتي مرخية البنت : وااا مي راني فعمري 19 عاام و هاادشي راني عارفاه الأم : سكتي ليماك مكتعرفي والو __________ الإبن : وااااا مي فرقيييني علييك راااه ديك لبنت هي لي م...
