ACCIDENTALLY

C ~ Cause

Rehab Center တစ်ခု တစ်နည်းအားဖြင့် ခန္ဓာသန်စွမ်းလေ့ကျင့်ခန်းများ ပြုလုပ်ရာ နေရာ တစ်ခုရှေ့သို့ ကားအနီလေးတစ်စီး
ထိုးဆိုက်လာသည် ။ ထိုကားထဲကနေ ရွှေဝါရောင်ဆံပင်ရှည်ရှည်လေးနဲ့ ကောင်မလေးတစ်ယောက် အရင်ဆင်းလာပြီး ကားနောက်ခန်းကနေ Wheelchair လေးကို ထုတ် သေချာဖြန့်ပြီး  Bang လေးနဲ့ ကောင်မလေးတစ်ယောက်ကို ပွေ့ချီပြီး ထိုင်စေလိုက်သည် ။ ထိုကောင်မလေးနှစ်ယောက်လုံးက ပြုံးလို့ ။

သူတို့ကို သေချာအကဲခတ်ကြည့်နေတဲ့ ကောင်မလေးနှစ်ယောက်ကတော့ Car Parking မှာ ရပ်ထားတဲ့ ကားအမည်းလေးထဲမှာ ။ တစ်ယောက်က အပြုံးတွေနဲ့
ကြည့်နေပေမယ့် တခြားတစ်ယောက်ကတော့ စိတ်မကောင်းတဲ့ မျက်ဝန်းတွေနဲ့ ငေးကြည့်နေသည် ။

" သူက အဲ့ဒီလိုပဲ... Unnie ရဲ့... သူ့ညီမလေး LiLi နဲ့ဆိုရင် ပြုံးရီနေပေမယ့် ကျန်တဲ့အချိန်ဆို မျက်နှာက ရှစ်ခေါက်ချိုးနဲ့ NiNi တော့ မျက်နှာချင်းကို မဆိုင်ရဲဘူး "

" အင်းးး သူ့ညီမလေးကို အရမ်းချစ်တာနေမှာနော် အာ့ကြောင့်မို့လည်း Unnie ကို ပိုမုန်းနေတာနေမှာ "

" ဟူးးး... အာ့ကြောင့်မို့ မပတ်သက်တာကောင်းမယ်ထင်တယ်နော် Unnie... LiLi က အရမ်းအေးချမ်းတယ် အမုန်းတရားမရှိဘူး Chaeyoung က မရဘူး Unnie အတွက် ထိခိုက်စရာတွေ ရှိလာမှာ စိုးရတယ် "

" သူတို့ ထိခိုက်သွားတာက သုံးဘဝတောင်လေ... Unnie က ထိခိုက်မယ်ဆိုရင်တောင် တစ်ဘဝစာပဲ ထိခိုက်ရမှာ... တန်ပါတယ် "

Chaeyoung ပြန်အထွက်လာတာကို တွေတွေလေးငေးပြီး ပြောနေတဲ့ Unnie ကိုကြည့်ကာ Jennie စိတ်ထဲ မကောင်းတဲ့ အငွေ့အသက်တွေ ရနေမိသည် ။

ဟူးးးး ဘာတွေဖြစ်လာအုန်းမလဲမသိပေမယ့် အပြစ်သားတစ်ယောက်လို ကိုယ့်ကိုယ်ကို ခံယူနေတဲ့ Unnie စိတ်တွေကို လွှတ်ချစေချင်မိတယ်....

" Chaeyoung ပြန်သွားပြီ ။ NiNi တို့ ဝင်ရအောင် Unnie "

" အင်း"

Center ထဲ ဝင်သွားတော့ LiLi က ကုတင်တစ်ခုပေါ်မှာ ထိုင်နေသည် ။ မျက်နှာလေးက ပြုံးလို့ ။ ဒီ Center ကို LiLi အတွက် Jennie ဖွင့်ပေးထားတာပါ ။ ဆရာ ဆရာမ လိုအပ်တဲ့ အထောက်အကူပစ္စည်းတွေက အစ အစုံထားပေးထားသည် ။ LiLi က လွတ်လွတ်လပ်လပ်နေရတာကြိုက်လို့ သူတစ်ယောက်ပဲ သီးသန့် လုပ်ချင်တာ လုပ်လို့ရအောင်
အပြည့်အစုံထားပေးထားသည် ။ ရေကူးကန်ရှိသည် ။ လမ်းလျှောက်ကျင့်ဖို့ရာ ပန်းခြံသေးသေးလေးပါ အနောက်ဘက်မှာ ထားပေးထားသည် ။ တခါတလေ ရုပ်ရှင်ကြည့်ရတာကြိုက်တဲ့ LiLi အတွက် Home cinema လေးပါ ထည့်ပေးထားသည် ။ သူ လေ့ကျင့်ခန်းလုပ်ရင်း ပင်ပန်းလာရင်
နားဖို့အတွက်ရောပေါ့ ။ တခါတလေ NiNi လည်း ဒီမှာ တနေကုန်လာပြီး LiLi နဲ့အတူ နေပေးတတ်သည် ။ Unnie အပြင်မရောက်ခင်ကတော့ NiNi က Company ကို ကူရလို့ ခဏတဖြုတ်ပဲ နေနိုင်ပေမယ့် အခုတော့ Unnie ပြန်ရောက်လာပြီဖြစ်လို့ နောက်ဆို LiLi နဲ့ တနေ့လုံး အဖော်ပြုနိုင်ပြီဟုတွေးကာ Jennie တစ်ယောက် ပျော်နေတော့သည် ။ သူ LiLi အနားမှာ နေရရင် အလိုလို
စိတ်အေးချမ်းသည်လေ ။