ACCIDENTALLY

Y ~ You Are Mine ( Final )

---- After 3 Months ----

" Kim Jisoo ဆိုတဲ့ ခင်များက နေနိုင်လိုက်တာနော် ။ သုံးလရှိပြီ ။  ကျွန်မကို စကားမပြောတာလေ ။ စိတ်ဆိုးနေတုန်းလား ။ စိတ်မဆိုးပါနဲ့တော့လား Kim Jisoo ရယ်... ။ အော် ခင်များကို Kim Jisoo လို့ပဲ ခေါ်ခေါ်နေလို့လား ... အာ့ဆို ဘယ်လိုခေါ်တာ ကြိုက်လဲ ။ ခင်များပြောပြမှ ကျွန်မက သိမှာလေ ။ ခဏလေးပဲဖြစ်ဖြစ်နိုးလာပြီး ဘယ်လိုခေါ်ရမလဲဆိုတာ ပြောပြပါလားဟင် ။ ပြီးတော့ ကျွန်မကို ယောင်း လို့ရော ခေါ်ပါအုန်းလား ။ အရင်က ခင်များ အဲ့လိုခေါ်ရင် မကြိုက်ဘူးလို့ အော်ခဲ့တာ တောင်းပန်ပါတယ် ။ အခုတော့ ခင်များရဲ့ ယောင်း ဆိုတဲ့ ခေါ်သံလေးကို အရမ်းကြားချင်နေလို့ပါ... ကျွန်မ ရူးတော့မလို့ပဲ Kim Jisoo ရယ် ဘာလို့
ဒီလောက်တောင် နေနိုင်ရတာလဲ ...."

ကုတင်ဘေးက ထိုင်ခုံလေးကနေ ငုတ်တုတ်ထိုင်ပြီး Jisoo လက်မောင်းကို
လှုပ်ကာ ပြောရင်း ငိုလာပြန်ပါတဲ့ Chaeyoung ။
အခုဆို Jisoo Coma ဝင်သွားတာ သုံးလရှိသွားပါပြီ ။ ဘာမှ ထူးထူးခြားခြား
တိုးတက်မလာတဲ့ ကျန်းမာရေးအခြေအနေကြောင့် ဆရာဝန်တွေကတောင် Chaeyoung ကို ကြည့်ပြီး သက်ပြင်းတချချနှင့် ။
Jisoo ရဲ့ မိဘတွေလည်း ခဏတိုင်း
လာကြည့်ပေမယ့် ထူးခြားမလာတဲ့အခြေအနေကြောင့် လာတိုင်း မျက်ရည်နှင့်မျက်ခွက် ဖြစ်ကာ ပြန်သွားကြရတာချည်း ။ ကြာတော့ မခံစားနိုင်တော့လို့ ထင်ပါတယ် ။ Chaeyoung ကိုပဲ တစ်ခါတစ်ခါ ဖုန်းဆက်ပြီး  အခြေအနေမေးတော့တယ် ။ Chaeyoung က သူတို့သမီးအနားက မခွာမှန်းသိလို့လေ ။  Chaeyoung ကိုလည်း အမြင်ကြည်လာကြပြီး Jennie နဲ့  Lisa ကိုလည်း သဘောတူထားကြသည် ။ လက်ထပ်ပြီး နှစ်ယောက်အတူ Company ကို
ဦးဆောင်ဖို့ တိုက်တွန်းကြပေမယ့် Lisa ရော Jennie ကပါ Jisoo နိုးအလာကို စောင့်အုန်းမယ်လို့ ဆိုကြတာကြောင့် ခွင့်ပြုထားလိုက်ကြသည် ။
Jennie နဲ့ Chaeyoung ရဲ့ ဆက်ဆံရေးကလည်း အရင်ကလောက် မအေးစက်တော့ ။
တစ်ခါတစ်ခါ Jisoo ကုတင်ပေါ် တက်အိပ်ပြီး သူ့အစ်မကို ချွဲနေတဲ့ Jennie ကို Chaeyoung က မျက်မှောင်ကုပ်ကြီးနဲ့
ကြည့်ပြီး ဆွဲချတာလည်း ရှိသည် ။
အဲ့ဒီအခါ Jennie က Lisa ကို အာပြဲကြီးနဲ့ တိုင်တတ်သေးသည် ။ Lisa ကတော့
တဟားဟား ရီပြီး တုတ်တုတ်မျှမလှုပ်တဲ့ Jisoo နားလေးနှစ်ဖက်ကို လက်နှစ်ဖက်ကို ပိတ်ပေးထားလိုက်သေးသည် ။