عالمي الصغير

الفصل 5

* غرفة جبل *

ابدل جبل ملابسه جاء ليغلق النور مستعدا للنوم

ليسمع صوت خبط علي باب غرفته

جبل / ادخل

لتدخل نور نظر لها جبل ليري خلفها اميرة ليشيح

نظره عنها

جبل / خير

نور ( بتوتر) / جبل انت منزلتش تقولنا جنة مالها

فجينا احنا عشان نسأل

جبل ( بجمود) / انتي قولتيلها ليه القصة دي

نور ( بإحراج ) / اصل بصراحة لما عرفت انها بخاف

منك جتلي فكرة ان اقولها انت كنت بتعمل معايا

ايه و انك كويس مش وحش بس ملحقتش اقولها

ان دي قصتنا و احنا صغيرين و طلعت اوضتها

جبل / ابقي خلي بالك من كلامك بعد كده بسبب

اللي قولتيه فضلت تعيط وانا مش ناقص وجع دماغ

اميرة / جبل ممكن اتكلم معاك شوية علي انفراد

وجه نظره لها قائلا / نور اطلعي انتي

نور / حاضر

خرجت نور من الغرفة و تركتهم

جبل / هااا عايزة ايه

اميرة / عايزاك تخلي بالك من بنتي يا جبل جنة

ملهاش زنب في عملته زمان انا عارفة انك بتكرهني

بس متكرهش بنتي هي ملهاش حد غيركم

لتسعل فجأة لتكمل حديثها قائلة / احمي جنة يا جبل

انت و بابا انا عارفة انها هتتعبكم شوية بس

استحملوها جنة عمرها ما شافت يوم حلو

لتسعل مرة اخري بقوة ليري جبل دم في المنديل

الذي وضعته علي فمها

عقد حاجبيه جبل قائلا / ايه الدم انتي تعبانة

اميرة ( بإرتباك) / هاا لا مش تعبانة انا كويسة انا

هروح اوضتي بقي

جبل ( بضيق) / بكرة هنروح للدكتور نشوف فيكي

ايه عشان نطمن

لتبتسم اميرة علي طيبة جبل فهي علمت الان انه

الوحيد الذي سيحمي ابنتها

اميرة / انشاء الله

لتخرج اميرة من غرفته لتتوجه نحو غرفتها و ظل

جبل يفكر في حديثها لماذا قالت له ان يحمي ابنتها

علي الرغم انها تعلم أن ابنتها تخاف منه اغمض