الجد ( بغضب) / انت اتجننت عايزنا نبطل شغلنا من
امتي بتقول الكلام الفارغ ده
جبل / يا جدي انا عارف ان
ليقاطعه الجد بغضب قائلا / بس مش عايز اسمع
صوتك ده خالص انا مش مصدق انك تقول كده ايه
خلاص هتخيب زي ابوك طيب ابوك اهبل و خرج عن
عادات العيلة و بطل فجأة لكن انت مختلف تماما عن
ابوك طول عمرك جبل زي اسمك مبتخفش و قلبك
جامد طالع ليا ايه اللي غير رايك
جبل ( بضيق) / يا جدي ابويا مكنش اهبل ابويا طول
عمره قلبه طيب ولما حضرتك اجبرته يشتغل في
شغلنا لمجرد احنا ورثنا الشغل ده من عليتنا هو وافق
بس في الاخر قبل ما يموت بطل الشغل و ساعتها
حضرتك قاطعته واكيد غير رايه لسبب يمكن خاف
عليا
الجد ( بحدة) / و افرض انه فعلا خاف عليك انت
ايه مبررك
جبل / جنة يا جدي لو عرفت عن شغلنا مستحيل
تقبل تتجوزني
الجد / اه يعني عايز تبطل عشان جنة
جبل / طبعا انا لو علي الشغل انا متعود عليه و مش
خايف علي نفسي و دي تجارتنا بس جنة مش هتفهم
كل ده
الجد ( بجدية) / بص يا جبل مسير جنة و اختك
يعرفوا الحقيقة و لازم يتقبلوا غصب عنهم مفيش
خيار ليهم اطلاقا و انت عارف ده كويس و بالنسبة
لجوازك من جنة فهو هيتم بدون مناقشة سيبلي
الموضوع ده عليا
جبل / طيب هتقنع جنة ازاي
الجد / عيب عليك تسأل السؤال ده انا كنت
ممكن اقولك اتصرف معاها بطريقتك و ساعتها كانت
هتتجوزك غصب عنها بس لا عشان انا عارفك عصبي
و ممكن تتغابي عليها انا هتكلم معاه هي بتسمع
كلامي هي مدلعة بس انا هعرف اقنعها المهم تخلي
بالك منها دي حفيدتي اللي اتحرمت منها سنين
المهم تركز في شغلك العملية الجاية مهمة فاهم
جبل ( بثقة) / متقلقش هتنجح زي كل مرة امبارح
روحت انا يوسف و معتز المصنع و شوفت البضاعة
أنت تقرأ
عالمي الصغير
Romanceفتاة عاشت حياة غير حياتها عاشت سن مختلف عن سنها من يراه يغازلها من شدة جمالها و براءتها ولكن عندما تتحدث معهم يبتعدون عنها سريعا و يلقبوها بالمجنونة
