عالمي الصغير

الفصل 14

صدمت جنة من سؤاله فلم تتوقع انه سوف يطرح

عليها هذا السؤال ابدا عم الصمت في المكان ظل

معتز منتظر ردها ولكن دب في قلبه الخوف عندما

لم تتحدث

معتز ( بقلق) / جنة انتي ساكتة ليه

جنة ( بحيرة) / امممم بصراحة انا جوايا حاجات

كتيرة يا معتز متلخبطة يعني انا حاسة اني اتولدت

من جديد كنت في عالم و دخلت عالم تاني انا كنت

عايشة 19 سنة زي الطفلة متعرفش يعني ايه حب و

يعني ايه جواز حتي الاحساس مجربتوش اوعي

تفتكر اني عشان عملت العملية اني رجعت لطبيعتي

لا يا معتز بل انا حاسة اني تعبانة دلوقتي اكتر

المفروض اعيش حياة البنت الكبيرة بس حاسة

ان لسه حياتي زمان مسيطرة عليا و اكتشفت حاجات

في الحياة دي صعبة عليا و مش عارفة اتعامل ازاي

معاها انا مش عارفه انت فاهمني ولا لا

معتز ( بإبتسامة حزينة) / فاهمك

جنة ( بلهفة) / معتز اوعي تزعل مني انت والله بقيت

غالي عندي اوي و اكيد اول ما اعرف اتعايش مع

حياتي الجديدة لو فكرت في الارتباط فمش هلاقي

حد احسن منك و طول الفترة دي احنا هنكون اقرب

اصدقاء

معتز / ماشي

جنة / ماشي ايه لا اضحك كده انا مش متعودة علي

معتز القمر يبقي حزين مش كفاية عليا جبل

ليبتسم معتز عليها فهي مازالت مثل الاطفال

جنة / ايوة كده شوفت لما ضحكت وشك نور ازاي

معتز ( بحب) / انتي اللي نورتي حياتي

جنة ( بخجل) / بس بقي بتكسف قولي صحيح فين

اهلك

معتز / انا يتيم اهلي عاملوا حادثة و ماتوا و انا

صغير

جنة / انا اسفة جدا ربنا يرحمهم

معتز / يارب

جنة ( بحنان) / بس متزعلش احنا اهلك جبل و

يوسف اخواتك و انا بردو زي اختك و موجودة

معتز ( بغيظ) / اختي ايه مش احنا اصحاب

جنة ( بضحك) / بهزر معاك يا رمضان ايه مبتهزرش

معتز ( يغمز لها) / لا بعاكس

جنة / ياختي جميلة قليل الادب انا داخلة انام

معتز ( بإبتسامة) / تصبحي علي خير

جنة / و انت من اهله

. . ................................ ...................................

* صباح يوم جديد *

كانوا يجلسون جميعهم علي طاولة الطعام يتناولون

وجبة الإفطار

جنة ( بسعادة) / انا مبسوطة يا ماما انك نزلتي

تفطري معانا و بقيتي كويسة

اميرة ( بإبتسامة متعبة) / الحمد لله يا حبيبتي

جنة / صحيح يا ماما انتي كنتي تعبانة كل الفترة دي

ليه

اميرة / شوية تعب عادي متقلقيش انا كويسة

جنة ( بقلق) / بجد اومال ليه شكلك لسه تعبان

جبل / جنة مش مامتك قالتلك انها كويسة

جنة ( بتذمر) / طيب الحمد لله شبعت

قامت من مكانها جاءت لتذهب ليوقفها صوت جبل

جبل / استني يا جنة

ذهب نحوها ليخرج من جيبه بطاقة ائتمان ليعطيها

لها

جبل / خدي

جنة / دي ايه 

جبل / دي كرديت كارت بتاعتك حطيتلك فيها فلوس

تكفيكي و لو خلصت قوليلي

جنة / بس يا جبل انا مش بخرج عشان استخدمها

جبل / ازاي اومال هتروحي الكلية من غير فلوس

جنة / ما هو لسه مقدمتش في الكلية

جبل / بس انا قدمتلك خلاص انهاردة الصبح بعت

راجل من رجالتي و قدموا اوراقك

جنة ( بصدمة) / انت بتتكلم بجد يعني انا هروح

الكلية خلاص

جبل / بجد و بكرة اول يوم ليكي في كلية

لم تصدق انها سوف تذهب و اخيرا للجامعة لتقوم

بإحتضانه بشدة ثم قبلته علي خده ليصدم جبل من

فعلتها ليشعر بان دقات قلبه تزداد ولاول مرة في

هذه اللحظة كان يهبط معتز من علي الدرج ليراهم

في هذا الوضع

جنة ( بسعادة) / جبل انا بجد فرحانة اوي انت

حققتلي كل اللي نفسي فيه عالجتني و دخلتني

الكلية اللي كنت عايزاها انا بحبك اوي يا جبل

لم يعرف جبل لما شعر بالسعادة عندما استمع الي

حديثها ولكن هناك قلب انكسر و هو معتز الذي عندما

استمع الي حديث جنة لم يصدق اذنه كيف ذلك

حدث ليذهب خارج الڤيلا رغم مناديه جبل و جنة

له لتجري خلفه جنة فلحقت به لتمسك يده

جنة / انت يابني رايح فين جبل وانا فضلنا ننادي

عليك

معتز ( بغضب) / ابعدي عني

جنة ( بإستغراب) / معتز في ايه انا كنت  

معتز ( بصوت جهوري) / اخرسييييييي